Juan 7:42 - Kuna San Blas

⁴² ¿Ar Bab-Dummad-gardagi sognaisursi? Cristo Davidʼgi danikoye. Belén-neggweburgi, David-epenne-gwalulesadgi danikoye.”

Bab dummad Jesucristoba igar mesisad garda

⁴² ¿Ar Bab-Dummad-Gardagi sognaisursi Cristo Davidgi danikoye, Belén-neggweburgi, bia David epenne gwalulesadgi?

Juan 7:42 Iomraidhean Croise

1 Crónicas 2:51

Sobalʼdi, Quiriat-Jearim-e-babad, Salmaʼdi, Belén-e-babad, Harefʼdi, Bet-Gader-e-babad.

Salmo 132:11

Bab-Jehová Davidʼga ibmar-ise-sogar-sogsa-gusadi, bar osulogosulid. Weyob ega sogsad: “Be-wagan-gwensak beyob reyga an omesoye.

Salmo 89:4

‘Be-sorbali, be-wagan degisadegu reyga-megmalaga an imakoye, be-wagan degisadegu negsemamai an imakoye.’ ”

Isaías 11:1

Sapi-siklesad-gannar-ainieyobi, dule-Isaíʼye-nugadgi dule-gwensak nodagoed. E-wagangine, a-dule danikoed.

Jeremías 23:5

Bab-Jehová weyob soged: “An Rey-David-e-wagwa-gwensak-barmidaged-ibagan danikid. Igar-innikigwad-imaked an ogwisgunonikoed. A-dule, binsaed-nikaa negsemai guoed. Igar-innikigwadba, degi, igar-napiragwadba ibmar-imakdii guoed.

Miqueas 5:2

Bab-Jehová sogdebalid: “Belén-Efrata, ar bedi Judá-yargi-neggweburmar-bukwadba bur bipigwadid. Begine, dule-Israel-yala-seoed nodagoed. We-dulede, amba yoo-napaneg-nague bato gudibinned.”

Mateo 1:1

Jesucristo e-dadgansiki ilekwaa-danikid-e-garda. Jesucristo, David-e-wagwad, degi, Abraham-e-wagwabalid.

Mateo 2:5

Amar, abin-imakdemalad: —Cristo Judea-yalagi Belén-neggweburgi gwalulegoed. Ar deyob Bab-Dummad-gayaburba-barsoged-narmakar-maid sognaid:

Mateo 2:6

“Be, Belén-neggwebur, Judea-yalagi-siid, be baisur-dakle-inigwele, ar neggwebur-baiganba be bur nue nug nikad. Ar ade, begi dule-neggwebur-seoed nodagoed, adi, an-dulemar-Israel-akwegar.” Miqueas 5:2

Lucas 2:11

Rey-David-gwalulesad-neggweburgi, Belénʼgi, emi-ibagi bemarga Cristo gwalulesad. A-dule, Dule-Abonogedid, Dule-Bur-Dummadid, Bab-Dummad-dule-wargwen-barmidagoye-sogsad-duled.

Lucas 2:4

José, Galilea-yargi, Nazaret-neggweburgi-gudii Judea-yarse, Rey-David-neggweburse, Belénʼye-neg-nugadse aligusmogad. Ade, José, David-e-wagwad, aga Belénʼse nonigusad.

Juan 7:27

”Ar anmar wisid, we bia daniki. Ar Cristoʼdi nonikile, anmar wisguosulid, bia daniki.”

1 Samuel 16:1

Bab-Jehová, Samuelʼga sogded: —¿Ar sanagwadse be Saúlʼba wile-itoged be iegoe? Ar andi bato Saúl-Israel-reyga-maid obelosad. Ar olivo-gwallu be-moli-bebegargi be enoge. Belén-neggweburse be nae, Isaí-negse. An a-e-machi-wargwen reyga-megega an susad.

1 Samuel 16:18

E-mai-wargwen sogded: —Dule-Belénʼgined Isaíʼye-nugad-e-machi-gwensak nabir-gar-ogoled mag an daked. We-machigwa dule-gandikidid, bila-onogedgi dule-buledid, binsaed-nikaa-sunmaked-duled, e-dakleged nued-daklebalid. Degine, Bab-Jehová eba gudiid.

1 Samuel 16:4

Samuel Bab-Jehová-ega-ibmar-sogsadba ibmar-imaksad. Samuel, Belén-neggweburse-nonigua, girmar-dummagan Samuel-abin dobed-abargi noarmalad. Geb ega sogdemalad: —¿Nuedgi be daniki?

1 Samuel 17:58

Saúl, Davidʼse egichided: —Machi, ¿doa be-baba? David abin-sogded: —An be-mai-Isaí-Belénʼgined-e-machid.