Juan 7:17 - Kuna San Blas

¹⁷ Ar dule Bab-Dummad-sogedba nanabiele, mag dakoed, an-ibmar-odurdakdiid Bab-Dummadgi danidibe, igidibe, an-ibmar-odurdakdiid an na dukin onosdibe.

Bab dummad Jesucristoba igar mesisad garda

¹⁷ Ar Bab-Dummad-sogedba dule nanabiele, mag dakoed, an-ibmar-odurdakdiid Bab Dummadgi dani-dibe, igi, an-ibmar-odurdakdiid an na dukin onos-dibe.

Juan 7:17 Iomraidhean Croise

Salmo 119:10

An gwage-ulubgi bela-belad, an be-amidiid. Be-Igar-Islidik-Mamaidgi, melle aibanega be an-imako.

Salmo 25:12

Bab-Jehová, dule-e-dobee-nanadiidga oyogoed, biti-igarba nanaoe.

Salmo 25:14

Bab-Jehová dulemar-e-nug-odummodimaladbo walikaa gued, amarga e-igar-mesisad sogbalid.

Proverbios 28:5

Dule-isganamar, igar-innikigwad aku itodamalad. Dule, Bab-Jehová-Igarba-nanadimaladdi, bela magar ibmar-itodamalad.

Proverbios 3:32

Ar Bab-Jehová dule-isganamar nue isdar-dakdaed. Ar dule-nuegan-ebodi walikaa gudidaed.

Isaías 35:8

Agine, igar-dummadsaar mai guoed. A-igar, Igar-Islidikidye bilegoed. Dule-isgudimalad egi gwen nanaosulid. Dulemar-uaya-satedamalad egi gwen iirmakosurmogad. Unnila dulemar we-Igarbarbi-nanadimaladbi egi nanamaloed.

Daniel 12:10

We-ibmar-soglesadgi dule-bukidar wilemaloed. A-sorbali, bur swilidik gunonimaloed, bur islidik gunonimaloed, degi, bur dule-nued gunonimaloed. Dule-isganamardi, amba na e-ibmar-isgana-imakdii gumaloed. Dule-isganamala, we-neg-gunaid magar dakmalosulid. Ar dule-binsaed-ibegandi, bela magar negdakmaloed.

Oseas 6:3

Anmar magar Bab-Jehová-dakmarsun, e-Igarmar-Mamaidi anmar durdakmarsun. Igi dad-ibeler-noedyobi, Bab-Dummad anmarse magar-guoed, dii-wiedyobi anmarse nonikoed. Igi gebe-dii-argwaned napa-nudakdae, deyobi anmarse nonikoed.”

Miqueas 4:2

Dule-yar-baid-baidgi-bukmalad-bukidar-nonikoedi, sognonimaloed: “Dagmar, anmar Bab-Jehová-yalase nakwenamar, Jacob-e-Bab-Dummadse-goled-negse anmar namar. Bab-Dummad, e-sunnad, e-igar-maidba anmar-odurdakoed, degi, anmar e-igarba nanadii gumaloed.” Ar ade, Sión-yalagi Bab-Dummad-Igar-Maid-odurdakleged danikid, Jerusalén-neggweburgi Bab-Jehová-gayaburba ainidagoed.

Malaquías 4:2

Ar bemar-an-dobee-nanadimaladgardi, dad-gaedyobi igar-innikigwad-imakleged nagunonikoed, degi, bemar-abonoleged-igar bemarga nonikoed. Bemar moli-bebe-nikad-sapingana-emisgwa-mas-guchadyob ichomakdemaloed.

Mateo 6:22

Jesús sogdebalid: “Ibya anmar-sanga gwalluga gued. Ar be-ibya nuedile, bela be-san ibegwar naido.

Lucas 8:15

”Ar napa-nuedgi-babatismaladdi, wemardi, Bab-Dummad-gayaburba-itosad nue abingasmalad. Gwage-nuedgi, gwage-napiragwadgi, gwen-galakussuli Bab-Dummad-gayaburbaba nanasmalad. Degisoggu, amar ibmar-gwag-nue-sanmaksamaladyob gunonikid.”

Juan 3:21

”Ar dule igar-napiragwad-imakdiiddina, gwalluse nonidamalad, adi, e-ibmar-imakdiid na oyogega, ede Bab-Dummadba ibsadiiye.”

Juan 8:43

¿Ibiga nue-akusunna an-ibmar-soged be itomala? Ar ade, bemar an-ibmar-soged yeer-itosurmalad, aga be aku itomalad.

Juan 8:44

Ar nia-saila bemar-babad, degine, be-bab-ibmar-abegedba be damalad. Ar gusgu, gebesailaunni nia-saila dule-gindakedid, degine, igar-napiragwadgi bangusad, ar igar-napiragwad nia-sailagi naisulid. Ar nia-saila gakansaar sunmakdele, gusgu na e-daedba sunmakdedaed. Ar ade, gusgu gakansaerbad, degine, dulemar-gakansaed-e-babad.

Juan 8:47

Ar dule Bab-Dummadgadile, Bab-Dummad-gayaburba-sunmaked itoged. Bemar, Bab-Dummadgadsulid, a-ulale, bemar Bab-Dummad-gayaburba itosulid.”

Gusmalad 17:11

Judíoʼmar-Bereaʼginmaladi, Tesalónicaʼginmaladba, bur dule-nuegan-dae daklealid, ar ade, bur nue-yeer Bab-Jesús-gayaburba abingasmalad. Degine, bane-bane Bab-Dummad-Gardagi na emar-sunnad amibukwadamalad, dakega, bule nabir Pablo emarga ibmar sogdibeye.