Juan 6:44 - Kuna San Blas

⁴⁴ Ar Bab-an-barmialid, anse-dule-dagega imaksulile, gege dule-wargwensaale anse daged. Ibagan-napi-naguoedgi, dule-anse-nonimaladdi, ani an a-dule-odulogoed.

Bab dummad Jesucristoba igar mesisad garda

⁴⁴ Dule-wargwensaale gege anse daged, ar Bab-an-barmialid, a anse-dagega imaksulir, ibagan-napi-naguoedgi, ani an a-dule-odulogoed.

Juan 6:44 Iomraidhean Croise

Cantares 1:4

¡Be an-nide! ¡Gwae beba be an-nide! ¡An-rey, be-gabednegse be an-sede! Anmar wergumarsun, anmar yeer-itomarsun. Be-sabguedgi, vino-goblegedbali, bur bule anmar egi wergue. ¡Agala, bebina nue sogmalad!

Jeremías 13:23

¿Ar dule-uka-sichidi, e-uka ogwao be insae? Gege na e-uka ogwaed. ¿Ar achu-sapur-uka-mata-matad, e-uka ogwao be insae? Suli. Gege ogwaed. Ar bemar deyobmodo. ¿Ar bemar ibmar-isgana-imakdimaladgi, ibmar-nuegan imakmalosi? Suli. Ar bemar bato ibmar-isgana-imaked nue-durdaksamalad.”

Jeremías 31:3

Bab-Jehová anmarse dikasurgus magarosad, anmarga weyob sogsad: “Gusgu degisadegu an be-sabgudanikid, a-ulale, amba nue-wile an be-dakdiid.

Oseas 11:4

Sabedgi an be-nisad, wiledakedgi an be-sesad. Mailediidgi an be-onosad, wiledakedgi masgi an be-oguchad.

Mateo 12:34

”¡Ar bemar naibe-bulegan-e-mimmiganyob gumalad! Ar bemar isgana damarsoggu, degite, ¿ar igi ibmar-nuegangi be sunmakmalosunna? Geg ibmar-nuegangi be sunmakmala. Ar ade, dule gwagegi-binsaedba sunmakdaed.

Mateo 16:17

Geb degi, Jesús abin-sogdemogad: —Simón, be Jonás-machi, begi nued binsalesad. Ar dule we-ibmar bega sogsasulid. An-Bab-nibneggi-maid, a bega we osanalosad, an Cristoʼye, an Bab-Dummad-Machi-sunnadye.

Juan 12:32

Ar napagi-onakwiles an nagusale, bela dulemar anba nagumalaga an ebioed.

Juan 5:44

¿Ar igi bemar Bab-Dummad-bensuli gumalosunna? An na be muchub-muchub-san-ogannoed amidimalad. Ar Bab-Dummad-wargwenna-guedgi nug-gangued-danikiddi, bemar amisurmalad.

Juan 6:43

Jesús amar-abin-imakde, sogded: —Mer be muchub-muchub angi isdar sunmakmar.

Juan 6:45

Bab-Dummad-gayaburba-barsogmalad-gardagi narmakar maid: ‘Bab-Dummad na e-igargi bela dulemar-odurdakoed.’ Isaías 54:13 ”Degisoggu, bela Bab-itosmalad, degi, egi durdaksamarbalid, anba-naguegala anse danimaloed.

Juan 6:65

Jesús sogded: —A-ulale, an sogsad, dule, anba-naguegala Bab anse-sedasulir, gege anse dagye.

Juan 8:43

¿Ibiga nue-akusunna an-ibmar-soged be itomala? Ar ade, bemar an-ibmar-soged yeer-itosurmalad, aga be aku itomalad.

Filipenses 1:29

Ar bemarga unnila Cristoʼgi-bensurguedbi uklessulid, bemarga uklesbalid, Cristo-nug-ular naibi-itodii gued.

Colosenses 2:12

Ar bemar Bab-diigi-ogleged-igar-imaksamargu, Cristoʼba napa-urba diglesmalad. Deginbali, bemar Bab-Dummad na e-ganguedgi gannar Cristo-odulosadgi bengussurmarsoggu, bemar Cristoʼba burbar gannar durgunonikid.