Juan 5:40 - Kuna San Blas

⁴⁰ Degi-inigwele, bemar burba-geg-bergued-nikuega anse yapa dagmalad.

Bab dummad Jesucristoba igar mesisad garda

⁴⁰ Ar degite anse bemar yapa dagmalad, adi burba-geg-bergued bemar nikuegar.

Juan 5:40 Iomraidhean Croise

Salmo 81:11

”Degi-inigwele, an-dulamar an-itossurmalad, Israel-dulemar anba ibsabisur gusad.

Isaías 49:7

Bab-Jehová, Israel-dulemar-ollor-imakedi, Bab-Dummad-Isligwaledi, weyob soged, dulemar-yar-baid-baidgi-bukmaladse mesagwar-gulediidga, isdar-daklediidga, degine, dummagan-negdakmamaid-e-maiganga, weyob soged: “Reymar be-dakdamalogu, gwisgudmaloed. Dule-dummagan-nuga-nikamalad be-dakdamalogu, be-abin dulluu imakmaloed. Israel-dulemar-e-Bab-Jehová-Isligwaled-ular, be-nug odummodmaloed. Ar ade, Bab-Dummad, dule-napiragwadid, degi, na e be-susadid.”

Isaías 50:2

An nonigua, ¿ibiga dule-sate an daknonisunna? An gotegua, ¿ibiga dule gwen an-abin-imaksasursunna? ¿Ar bemar-bendakosurye, be angi binsamala? ¿An bemar-onogega, garganguedsuli be an-dakmala? Ar an sunna, demar, ilagwensaale dinna saed. Ar an sunna, diwarmar, nega-dulesulidga-nai imaked. Uamar e-mas-satedba burgwideled. Dii-dingudedba uamar bela nungudeled.

Mateo 22:3

Rey dulemar-ibase-nonimaloedse-gornaega e-maigan-barmisad, adi, e-machi ome-nikusokalid-e-ibase dagmalagar. Ar a-dulemarse-gollesmalad ibase budar dage gusmalad. Gwen nonisurgusmalad.

Mateo 23:37

Jesús sogdebalid: “Jerusalén-dulemar, Jerusalén-dulemar, Bab-Dummad-gayaburba-barsogmalad be oburgwedimalad. Bemarse-barmilearmalad aka be akwagi makdemalad. Ilabigwa bela be-mimmigan danar an na urbebi-gusana, ar igi gannir na e-sakan-urba e-mimmigan-urbedaedyob, an urbebi gusanad. Ar bemar abessurgusad.

Juan 1:11

We-gwallu-meegwad e-dulemarse nonikinad, e-dulemar gwen abingassurmalad.

Juan 10:10

”Dule-atursaed danikile, unnila sibad-wawaad-atursaegala, oburgwegala, degine, osulogega, nonidamalad. Andi an nonigua, burba-dulagudigued-ukega an nonikid, degine, bela ulubgi yeer-itodiguega an nonikid.

Juan 3:19

”Gwallu-meegwad we-napnegse nonikid. Degi-inigwele, dulemar bur ibmar-isgana-imakmalad-ulale, bur gwallu-meegwadba negsichid sabgusmalad. A-ular, dulemar sabsur-odurdaklegoed.

Juan 5:39

Bab-Dummad-garda-narmakar-maid nue be baramimar, ar agi burba-geg-bergued baramilesiye, be sogmalad. Ar a-gardagi angi sunmaknaid, an doa-dule gue.

Juan 5:41

”Dulemar-an-nug-odummoged, an abingasulid.

Juan 5:44

¿Ar igi bemar Bab-Dummad-bensuli gumalosunna? An na be muchub-muchub-san-ogannoed amidimalad. Ar Bab-Dummad-wargwenna-guedgi nug-gangued-danikiddi, bemar amisurmalad.

Juan 6:27

Mas-baisursunna-bergumaladga mer be arbamar. Mas-anmarga-burba-geg-bergued-ukedga be arbamar. Ar a-masdi, sunna bemarga, Dule-Machi ukoed. Ar a-dulegine, Bab-Dummad bato e-wilub nasiksad, burba-geg-bergued nikumalagar.

Juan 6:37

Ar Bab bela dulemar-anga-ukedi, anba-naguega anse dagoed. Ar dule anse danikile, gwen an obanosulid.

Juan 6:40

”Dule-an-barmialid we abemaid: Bela dulemar-E-Machi-dakoedi, degi, egi bensuli-gunonikile, burba-geg-bergued nikued. Degine, ani, ibagan-napi-naguoedgi a-dulemar an odulogoed.”

Romanos 6:23

Ar isgued, burgwedgi dule-bennuked. Bab-Dummad-nabir-anmargi-binsamaiddi, anmar-Dummad-Cristo-Jesúsʼgi burba-geg-bergued anmarga uked.

Apocalipsis 22:17

Bab-Burba, degine, Sibad-Wawaad-Mimmi-e-ome soged: “Dage.” Ar dule itogele, soge: “Dage.” Dule uku-uku itogele, dage. Ar dule dii-dula-dule-imaked gobbiele, maniginsuli binsa gobdage.