Juan 5:39 - Kuna San Blas

³⁹ Bab-Dummad-garda-narmakar-maid nue be baramimar, ar agi burba-geg-bergued baramilesiye, be sogmalad. Ar a-gardagi angi sunmaknaid, an doa-dule gue.

Bab dummad Jesucristoba igar mesisad garda

³⁹ Bab-Dummad-Garda-narmakar-naid nue be baramimar, ar agi burba-geg-bergued baramilesiye be sogmalad. Ar a-Gardagi angi sunmaknaid, an doa-dule gue.

Juan 5:39 Iomraidhean Croise

Salmo 1:2

We-dule, Bab-Jehová-Igar-Maidgi bur wergudisunnad. A-igargi, mutikidbali, ibginedbali, egi binsadisunnad.

Salmo 119:11

Melle begi-isguegala, Be-Gayaburba an-gwage-ulubgi an na sediid.

Salmo 133:3

Hermón-yalagi-dii-bomieyobi gued. We-dii Sión-yalase bomied. Bab-Jehová weyob dulemar-gwenatigwale-bukwadgi, nued binsadaed, suitii we-napneggi-gudii imaked.

Salmo 16:11

Igar-nuedba-gudigued be anga oyosad, be-asabinni bela-belad weligwar-gudii be an-imaked. Be-yalaba degisadegu-gudiid an yeer-itoged.

Salmo 21:4

We-reyde, san-burba-dula-gudigued bese egichisad. Suitii degisadegu dula-gudiguega be imaksad.

Salmo 36:9

Ar beginbi, san-burba-geg-bergued danikid. Anmar unnila beginbi, san-burba-dula-gued amied.

Proverbios 6:23

Igarmar-Mamaidi, gwalluyobi gued, ibmar-odurdakleged neg-meegwadyobi gued. Igar-nuegan-mamaidba-nanalegedi, be-odurdakoed igi be nanaergebe.

Isaías 34:16

Bab-Jehová-gardase be idako, agi be nue-absogo: “Bipisaale we-ibmar-durgan gwen beosulid, abirgin-abirgin egad-egad nikamaloed. Ar Bab-Jehová-sunnagwad igar weyob uksad, Bab-Dummad-Burba weyob oambikusad.

Isaías 8:20

An bemarga sogdo: “Bab-Dummad-Igar-Mesisadgi bur be nanamalo, e-ibmar-sogsadgi bur be binsamalo.” Ar dule, we-igarmargi-nanasulile, igar-napiragwad amiosulid.

Jeremías 8:9

We-dule-binsaed-ibegan nue-bingegumaloed, na dukin ise-yardaklegar gumaloed. Ar an-gayaburba itossurmalad, degisoggu, ¿bia e-binsaed-nikagued nadsunna?

Daniel 12:2

A-ibagi, dulemar-bukidar napa-urba-mamaid gannar durgudamaloed: Abala, degisadegu-dula-gudiguega durgumaloed. Bamaladdi, degisadegu-binge-itodiguega, degi, surbinsa-itodiguega durgumaloed.

Mateo 22:29

Geb Jesús, Saduceoʼmar-abin sogded: —Bab-Dummad-Garda-narmakar-maid-wissulidba, degi, Bab-Dummad-gangued-wissulidba, be noar sogmalad.

Marcos 10:3

Jesús, abin-imakded: —Moisés, ¿igi igar bemarga mesissunna?

Marcos 12:10

¿Ar bemar Bab-Dummad-Garda absodisurmarsi? Agi weyob sognaid: ‘Akwa dule-neg-sobmaladse-oballesadi, neg-sobleged-e-akwasailaga gunonikid.

Lucas 16:29

Abraham ega sogded: ‘Moisés-Igar-Mesisad, degi, Bab-Dummad-gayaburba-barsogmalad-sogsamalad narmakar nikmalad, ar a-sogedba damalargebed.’

Lucas 16:31

”Ar Abrahamʼdi ega sogded: ‘Ar Moisés-Igar-Maidba, degi, Bab-Dummad-gayaburba-barsogmalad-garda-narmakar-maidba dasurmalad. Ar dule-burgwisad amba ega sunmaknaerbela itossurmalaled.’ ”

Lucas 24:25

Geb degi, Jesús amar-warbogwadga sogded: —Bemar akusunna itomalad. Bemar Bab-gayaburba-barsogmalad-sogsamalad-bengumalad-dulemarbalid.

Lucas 24:27

Geb Jesús we-dulemarga Bab-Garda-narmakar-maidba egi-sunmaklenaid bela sogsad. Moisés-sogsad-narmakar-naidgi onoded, degi, bela Bab-Dummad-gayaburba-barsogsamalad egi-sogsamaladse ega ibmar sogsad.

Lucas 24:44

Jesús amarga sogded: —Amba an bemar-abargi gudigu, bemarga bato weyob an sogsad: ‘Moisés-Igargi-Angi-Narmakar-Maidi, bela angi guergebye. Degi, Bab-gayaburba-barsogmalad-angi-narmaksamaladba, degine, Salmosʼgi angi-narmakar-maidba bela angi guergebye an bemarga sogsamalad.’

Juan 1:45

Felipe, Natanael-aminaded. Amisgu, ega sogded: —Anmar dule-wargwen amisad. Igi Moisés e-Igar-Mesisadgi-narmaksagusa, degi, igi Bab-Dummad-gayaburba-barsogmalad narmaksagusmarmoga, yoedse dule-wargwen danikoye, a-dule anmar amisad. A-dule, Jesúsʼye-nugad, Nazaretʼginedid, José-machid.

Juan 5:32

Emigindi, dule-baid an-barsoged, a-ular, an wisid, dule-an-barsoged napiragwadba an-barsogdiid.

Juan 5:36

”Ar Juan-an-barsogdigusadba bur bule an na dukin ibmar-barsoged nikad, an doa-dule gue. We, an-barsogedid: Ibmar-imakega Bab arbaed anga igar-uksad. We-ibmar-an-imakdiidi bato oyonaid, Bab an-barmiarye.

Juan 5:40

Degi-inigwele, bemar burba-geg-bergued-nikuega anse yapa dagmalad.

Juan 5:46

Ar Moisés-ibmar-sogsad be bensurmalana, be an-bensurmarmogando. Ar Moisés angi ibmar narmaksad.

Juan 7:52

Fariseoʼmar, Nicodemo-abin-imakdemalad: —¿Ar be Galileaʼginmogadi? Bab-Dummad-Garda-narmakar-naidgi nue be baramie. Be dakoed, bipisaale Bab-Dummad-gayaburba-barsoged gwen Galileaʼgi danisulid.

Gusmalad 13:27

”Ar Jerusalénʼgi-bukmalad, degi, e-dummagan, aku Jesús-daksamalad. Degine, Bab-Dummad-gayaburba-barsogmalad-narmakar-maid, itoged-irba obunnoged-ibagi absodimalan-inigwele, aku amba itosmalad. Degite, dummagan, Bab-Dummad-Gardagi-narmakar-naidba imaksamalad, deun, Jesús-oburgweye sognonimargu.

Gusmalad 17:11

Judíoʼmar-Bereaʼginmaladi, Tesalónicaʼginmaladba, bur dule-nuegan-dae daklealid, ar ade, bur nue-yeer Bab-Jesús-gayaburba abingasmalad. Degine, bane-bane Bab-Dummad-Gardagi na emar-sunnad amibukwadamalad, dakega, bule nabir Pablo emarga ibmar sogdibeye.

Gusmalad 26:27

Geb degi, Pablo, Rey-Agripaʼga sogded: —Degite, Rey-Agripa: ¿Bab-Dummad-gayaburba-barsogmalad, we-ibmar-sogsamalad, be bensuli? An wisi, be bensulid.

Romanos 1:2

Ar Bab-Dummadi, we-Gayaburba-Nued, E-Garda-swilidikidgi e-gayaburba-barsogmaladba bato iduar sogsagusad.

Romanos 3:2

Bela ibmar-nued-bukidar egi amilesii. Ar Bab-Dummadi, gebedgine, e-gayaburba Judíoʼmarga uksad.

Deuteronomio 18:15

Moisés Israel-dulemarga sogdebalid: “Be-Bab-Dummad-Jehová e-gayaburba-barsoged-anyobid be-gwenadgan-abargi gwensak bemarga barmidagoed. A-dule, nue be itomalo.

Deuteronomio 18:18

Agala, an, an-gayaburba-barsoged-beyobidi be-gwenadgan-abargi gwensak an ega barmidagoye. A-dulegala an-gayaburba an ega ukoye. A-dule, ar igi an ega sogoe, bela bemarga sogmogoye.

Deuteronomio 29:29

”Ibmarmar-dukuar-mamaiddi anmar-Bab-Dummad-Jehováʼgadid. Ar ibmarmar-anmarga-oyolesaddi, degisadegu anmargadid, anmar-mimmigangadid, adi, bela we-Igarmar-narmakar-mamaidba anmar nanadii guegar.”

Deuteronomio 32:47

Ar we-igarmar-an-bega-sognaid binsa bemarga soglesulid. Ar we-Igar-Maidba be damalale, be nabir dula-gudii gumaloed. Ar we-Igarmar-Maidba be damalale, Jordán-diwar-obakar-yar-be-susokarmaladgi nabir be suiti-gudii gumaloed.”

Colosenses 3:16

Cristo-gayaburba bela-bela bemar-gwagegi-nai be imakmarsun. Nue-binsaed-nikaa na be muchub-muchub odurdakmar, degi, na be muchub-muchub binsaed-dakmarba. Gwagegi doggus-nuedye-sogedgi, be Bab-Dummadga ega-namaklegedmar, namaklemalad-nuegan, degi, burbar-namaklemalad namakmar.

Hebreos 11:16

Ar emigindi, yar-bur-nued, nibneggined, a-amidii gusmalad. Degisoggu, a-ulale, Bab-Dummad bingesuli na sogsundo, ede a-dulemar-Bab-Dummadye, ar ede, bato na neggwebur guagwar sisad.

Hebreos 11:35

Agine, omegan, ei-burgwismalad gannar ega odulolesmalad. Baigan, sabsur-odurdaklegar-oburgwismaladdi, dule-e-onosokalid gwen e-onogega imaksasurmalad, ar wisid, burgogua, gannar durguoed, burba-nued bur amioed.

Josué 1:8

Gardagi Igar-narmakar-maidi be gannar-gannar absodii guo. Mutikidba, degi, ibginedba egi be binsadii guo. Igi-gardagi Igar-narmakar-mai, abali be ibsadii guo. Deyob be imakele, be nasgumai guoed, degi, bela be-ibmar-imakedi bega nueganbi gudoed.

Apocalipsis 19:10

An Baliwitur-asabin e-nug-odummogega, yokorgi-sindigar an sigided. A-baliwitur anga sogded: “Mer be deyob imak. Mer yokorgi an-asabin sindigar be sige. Ar an, be-sunnaamogad, gwenadgan-Jesúsʼba-nanaimalad-gwen-galakussurmaladyob an Jesús-e-maimogad. Unnila, Bab-Dummad-e-nugbi be odummoge.” Ar Jesús-gayaburba-odurdaksadi, Bab-Dummad-gayaburba-barsogmalad gatik-dulemarga-sunmakega imaked.