Juan 5:30 - Kuna San Blas

³⁰ Jesús Judíoʼmarga sogdebalid: “Geg an na dukin wargwengi ibmar imaked, unnila an-Bab-anga-sogedba an dulemarga igar itoged. An-igar-itogedi, innikigwadgi an itoged. Ar wargwen an-itolegedba an ibmar imaksulid, an-ibmar-imakedi, an-Bab-an-barmialid-sogedba an imaked.

Bab dummad Jesucristoba igar mesisad garda

³⁰ Jesús Judiomarga sogdebar: “Geg na dukin wargwen na ibmar imaked, unnila an-Bab-anga-sogedba an dulemarga igar-itoged. An-igar-itogedi, igar-napiragwadgi an itoged, ar wargwen an-itolegedba an ibmar-imaksulid, an-ibmar-imakedi, dule-an-barmialid-sogedba an ibmar-imaked, an-Bab-sogedba.

Juan 5:30 Iomraidhean Croise

Génesis 18:25

Dogdar-itole, dule-ibmar-isgana-imakdisulid, dule-ibmar-isgana-imakdiidba be oburgwer. Ebobela emarbi isgusadyob be imako itole. Mer deyob be sae. Bee be, bela dule-we-napneggi-bukmaladga, igar-naboged-e-dummadsoggu, ¿igar-innikii maidba be imakosurde? Eye. Be igar-innikii maidba imakoed.”

Salmo 96:13

¡Bab-Jehová-asabin namakmala, bato danikid! Igar-innikigwadba dulemarga-igar-nabogega bato danikid. Bab-Jehová igar-innikigwadba dulemarga igar-nabogoed. Napiragwadgi dulemarga igar-nudakoed.

Isaías 28:6

Bab-Dummadi, dule-igar-nabogedga igar-innikii-imaked-burba ukoed. Neggwebur-yawagakgi-nakulemaladga niga-ogannogoed.

Sofonías 3:15

Bab-Jehová bar sabsur be-imakosulid, Bab-Jehová be-isdarmalad gannar sorsik-duurmakega imaksad. Israel-e-rey-Bab-Jehová, bemar-abargi gudiid. Bar be ibmar-isgana dobguosurmalad.

Mateo 26:39

Jesús sikwas nadgu, napagi asgun megdapid. Geb Bab-Dummadse-gotegu, sogded: “Baba, an-idu igar-buled naid, sunna be anga osulogena gadin. We-igar, ina-gagbid-gobedyob beedse an egi wilegoed. Degi-inigwele, melle be an-sogedba be imako. Unnila be-sogedbarbi be imako.”

Juan 14:10

¿Ar bemar Babgi-an-gudiid bensi? ¿Ar bemar Bab-angi-gudimogad benmarbarsi? Ibmar-an-sogedi, an-itolegedba wargwengi an sogsulid. Bab-angi-maidi, angi ibmar imakmaid.

Juan 17:4

”Baba, an we-napneggi be-nug odummosad, deginbali, arbaed-be-anga-uksad an obelosadbalid.

Juan 18:11

Geb degi, Jesús, Pedroʼga sogded: —Be-es-suid e-uka-yaba be odoge. Bab anga dummad-naibiguoedi ina-gagbid-gobedyobi, anga-uknaidgi ¿an wilegosurde? Suli. An wilegergebed.

Juan 4:34

Jesús, abin-sogded: —Dule-an-barmialidba an ibmar-imaked, degi, an e-arbaed-obeloged, an-masgunnedid.

Juan 5:19

Geb degi, Jesús Judíoʼmarga sogded: —Napira an bemarga soged, Bab-Dummad-Machi wargwengi e-ibmar-imakbiedba ibmar imaksulid, unnila e-Bab-dakedba ibmar imaked. Ar bela e-Bab-ibmar-imakedi, E-Machi a-sunnaa bela ibmar imakmogad.

Juan 6:38

”An-itolegedba ibmar-saega nibneggi an danisulid. Dule-an-barmialid-sogedba an ibmar-imakega nonikid.

Juan 8:28

A-ulale, Jesús sogdebar: —Ar bemar, ani Dule-Machi, nakrusgi-biokegala niba onakwismalale, geb bemar wisgunonimaloed, an doa-gue. Degine, an-itolegedba an ibmar imakdisulid. Ar an-Bab-an-odurdaksadba an sunmakdiid.

Juan 8:42

Geb Jesús amarga sogded: —Ar Bab-Dummad bemar-babana, be an-sabmalando. Ar an Bab-Dummadgi danikid. An-itolegedgi an danisulid, Bab-Dummad an-barmialid.

Juan 8:50

An-nug-odummoged an amidisulid. Ar dule-wargwen an-nug-odummoged maid, a sogoed, an dule-nueddibe, an dule-isganadibe.

Romanos 15:3

Ar Cristoʼbela ibmar na dukin-yeer-itogega imaksasulid. Ar igi-Bab-Dummad-Gardagi narmakar nai, deyob gusad: “Dulemar-begi-isdar-sunmaknanaid angi yolenonimogad.” Salmo 69:9

Romanos 2:2

Ar anmar wisid, Bab-Dummad dulemar-we-ibmar-isgana-imakdimaladga, igar-nabogoedi, napiragwadba ega igar nabogoed.

Romanos 2:5

Ar be Bab-Dummadba-dabisulidbali, degi, be-isgued-mibisulidbali, Bab-Dummad-dulemar-sabsur-odurdakoed-ibagan-nonikoedga, na be dukin odurdakleged-dummad aminaid. A-ibagi, Bab-Dummad na e-igar-naboged-innikigwadi oyononikoed.