Juan 5:19 - Kuna San Blas

¹⁹ Geb degi, Jesús Judíoʼmarga sogded: —Napira an bemarga soged, Bab-Dummad-Machi wargwengi e-ibmar-imakbiedba ibmar imaksulid, unnila e-Bab-dakedba ibmar imaked. Ar bela e-Bab-ibmar-imakedi, E-Machi a-sunnaa bela ibmar imakmogad.

Bab dummad Jesucristoba igar mesisad garda

¹⁹ Jesús geb degi abin-imakdesun: “Napira an bemarga soged, Bab-Dummad-Machi gege na wargwengi ibmar imaked, unnila e-Bab-dakedba ibmar-imaked. Ar e-Bab bela ibmar-imakedi, E-Machi a sunnaa bela ibmar imakmogad.

Juan 5:19 Iomraidhean Croise

Génesis 1:1

Bab-Dummadi, gebe-negasailaunni, nibneg, napneg obinnisad.

Génesis 1:26

Geb degi, Bab-Dummad sogdebalid: “Emisgindi, anmar, dule-obinyesun, anmar-sunnague anmar imakoed. Dulede, we-ibmar-durganmargi gangued-nika guoed: Uamargi, nuumargi, ibmar-durgan-sunna-akwilemaladgi, ibmar-durgan-sapurbarmaladgi, ibmar-durgan-napagi-garmakdimaladgi, bela we-ibmarmargi we-napneggi gangued-nika guoed.”

Salmo 138:3

Bab-Dummad, an bese gochagua, be an-abin-imaksad, be an-niga ogannononikid.

Salmo 27:14

¡Bab-Jehováʼgi mer be bengue! ¡Be gangue! ¡Be niga-gandik sae! ¡Eye, Bab-Jehováʼgi mer be bengue!

Salmo 50:6

Nibneg soged: Bab-Dummad dulega igar-naboged-innikigwad maiye.

Éxodo 4:11

Ar Bab-Jehováʼdi Moisés-abin sogded: —¿Ar wede doa, dulega gaya sisa? ¿Wede doa, dule-geg-sunmaked imaksa? ¿Wede doa, dule-uaya-yalliled imaksa? ¿Wede doa, dule-aku-ataked imaksa? ¿Wede doa, dule-mag-ataked imaksasunna? ¿Ani an Bab-Jehová-guedgi imaksasursi?

Proverbios 2:6

Ar Bab-Jehováʼbi binsaed-nikagued uked, Bab-Dummadbi nue-ibmar-wisi be-imaked.

Isaías 44:24

Weyob Bab-Jehová-be-bendakedi, sapibeneggi-be-omesisadi soged: “Ani an Bab-Jehová gued, bela ibmar-obinnisadid. Ani an wargwen mogir-billi egasadid. Ani an dukin napneg onasosadid. Dule gwen an-bendaksasulid.

Isaías 45:24

”Wemar angi sogmaloed: ‘Unnila Bab-Jehováʼgi igar-innikigwad danikid, degi, gargangued eginbi danibalid.’ ” Dulemar isdar Bab-Dummad-daksamaladi, Bab-Dummad-asabin nonimaloed, bingedar itomaloed.

Jeremías 17:10

”Unnila ani an Bab-Jehová-guedi, dulemar-ulubgi-binsaed magar-daked, dulemar-binsaed balamied. Degidbali, an e-ibmar-isgana-imakedba sabsur-odurdaked.

Mateo 26:39

Jesús sikwas nadgu, napagi asgun megdapid. Geb Bab-Dummadse-gotegu, sogded: “Baba, an-idu igar-buled naid, sunna be anga osulogena gadin. We-igar, ina-gagbid-gobedyob beedse an egi wilegoed. Degi-inigwele, melle be an-sogedba be imako. Unnila be-sogedbarbi be imako.”

Lucas 21:15

Ar ani an bega binsaed-nued ukoed igi be sogoe. Bela dulemar-begi-gwisgudimalad begi obinosurmalad, ar ade, geg be-abinsae gumaloed.

Juan 10:18

Gege dule an-san-burba angi sued, ar ade, an-sunnad na wargwengi an uked. Ar ani an-san-ukega, degi, an gannar subaliga, an gangued nikad. An-Bab we-igar-anga-uksadba an imaked.”

Juan 12:49

”An-itolegedba an ibmar sogsasulid. Bab-Dummad an-barmialid, a, igar anga uksad, igi an sogoe, degi, igi an sunmakbaloe.

Juan 12:50

An wisdo, an-Bab-igar-anga-uksadi, dulemar-anba-nagumaloedga burba-geg-bergued uked. Degisoggu, an ibmar-sogedi, ar igi Bab-Dummad anga sogsa, deyob an soged.”

Juan 14:10

¿Ar bemar Babgi-an-gudiid bensi? ¿Ar bemar Bab-angi-gudimogad benmarbarsi? Ibmar-an-sogedi, an-itolegedba wargwengi an sogsulid. Bab-angi-maidi, angi ibmar imakmaid.

Juan 2:19

Jesús, abin-imakded, amarga sogded: —We-Bab-Dummadse-goled-neg-siid be earmar. An ibapaagi gannar soboed.

Juan 3:3

Jesús, Nicodemo-abin-imakded, ega sogded: —Napira an bega soged, dule gannar gwalulesulile, gege Bab-Dummad-e-negdakmaid daked.

Juan 5:21

Ar igi Bab dule-burgwar-maid gannar oduloge, ega san-burba-dula-gued uke, amba E-Machi deyobmodo, ar doaga san-burba-dulad ukbie, ega ukodo.

Juan 6:38

”An-itolegedba ibmar-saega nibneggi an danisulid. Dule-an-barmialid-sogedba an ibmar-imakega nonikid.

Juan 8:28

A-ulale, Jesús sogdebar: —Ar bemar, ani Dule-Machi, nakrusgi-biokegala niba onakwismalale, geb bemar wisgunonimaloed, an doa-gue. Degine, an-itolegedba an ibmar imakdisulid. Ar an-Bab-an-odurdaksadba an sunmakdiid.

Juan 9:4

Yoo mutik-gued-iduar, anmar dule-an-barmialidga arbaed imakergebed. Ar neg-mutik-gued danikid. Agi, dulemar bar arbaosulid.

Gusmalad 2:24

”Degi-inigwele, Bab-Dummaddi Jesús-odulosad, burgwed-abargi onosad. Ar ade, burgwed Jesúsʼgi geg obined.

Romanos 6:4

Ar anmar Bab-Dummad-diigi-ogleged-igar-imaksadgi, anmar Cristo-burgwisadba burgwismogad, degi, eba diglesmogad. Adi, Cristo burgwarmalad-abargi-maigusadgi, degi, Bab-Dummad-ganguedba gannar durgusadgi, anmar san-binidgi dula-gudii gumogagar.

Romanos 8:11

Ar Bab-Dummad-Burba Jesús-burgwarmalad-abargi-mai-odulosad bemargi maidi, a-Burba-Cristo-odulosad bemargi-maidba, bemar-san-burgoed gannar odulomogoed.

1 Corintios 15:12

Ar Cristoʼgi sunmaklediile, Cristo burgwisgu, gannar durgusye, ¿ar degite, ibiga bemar-abargi gwen-gwen sogsunna, dule burgwisale, gannar bar-durguosurye?

2 Corintios 4:14

Anmar wisid, Bab-Dummad, Bab-Jesús-odulosad. Jesús-odulosayobi, Bab-Dummad, gannar anmar-odulomogoed, degi, bulale bemarmala, na e-asabin anmar-sedoed.

2 Corintios 5:10

Ar ade, anmar bela Cristo-igar-itogoed-asabin gwisgumaloedbiid, adi, anmar na wala-walagwen anmar-ibmar-imaksadba ibmar-abingamalagar. Ibmar-nued-imaksadbardibe, ibmar-isgana-imaksadbardibe, ibmar anmar abingaoed.

Efesios 2:5

Degisoggu, amba anmar isguedgi burgwar-gudigu, Bab-Dummad dula-Cristo-imaknonikidyob, dula anmar-imaknonimogad. Bab-Dummad anmar-abonoge-wilubsulinad, degite, anmar-abonononikid.

Efesios 3:16

An Bab-Dummadse egissun, e-gangued-dummarba-nikadba, bemarga e-gangued ukegar. Adi, bemar ulubgi, E-Burbagi ganguegar.

Filipenses 3:21

Jesucristo gangued-nikadba belagwapa ibmar ganikid. A-gangued-nikadba, Jesucristo anmar-san-napaga-guoed, e-san-nibneggined-nikadyob anmarga ogwanonikoed.

Filipenses 4:13

Ar Cristo na e-gangued-anga-ukedba, an nabir bela ibmar saed.

Colosenses 1:11

Anmar Bab-Dummadse bemarga egisbalid, na e-gangued-gandikidbali be-ogannomarye, adi, bemar bonigan-dummagan-abin gandikidgi, degi, baisur-itogedgi gwisgumalagar.

Colosenses 1:16

Ar Cristoʼgi belagwapa ibmar-nibneggined, ibmar-napneggined, ibmar mag-dakleged, degi, ibmar-akudakleged, obinnilesad. Deginbali, burbar-dummagan-gangi-bukmalad, burbar-dummagan-negsemamaid, burbar-dummaganga-mamaid, degi, burbar-gandikidba-gangued-nikmaladse-bakale, bela Cristoʼgi, degi, Cristoʼga obinnilesad.

1 Tesalonicenses 4:14

Ar Jesús-burgwisadgi, degi, gannar-durgusadgi, igi anmar egi bensuli, debayobi anmar bensurbalid, Bab-Dummad dule-Jesúsʼgi-bensurmalad-burgwismalad gannar Jesúsʼba-dagega imakoed.

1 Pedro 3:18

Ar Cristo unnila irgwennaa anmar-isgued-anar burgwisad. Cristo-dule-gwage-swilidikid, dulemar-isgana-anar burgwisad, adi, Bab-Dummadse dulemar-nidegar. Napiragwad. Cristo sanar burgwisad. Bab-Burba gannar-dulagudiguega Cristo-imaknonikid.

Apocalipsis 2:23

Jezabel-e-mimmigan an oburgoed. Deyobi, bela anba-nanaimalad wisgumaloed, ani an dulemar-gwage-ulubse-bakar, igi-binsa-bukmalad an wisye. Deginbali, dulemar na-e-ibmar-imaksadba an bennukoed.