Juan 5:18 - Kuna San Blas

¹⁸ A-ulale, Judíoʼmar bur Jesús-oburgwebi guarmalad, ar ade, Jesús obunnoged-ibabi bisgedisulid. Ar Bab-Dummad an-Bab-sunnadye sogdibalid. Deyob sogdiidbali na Bab-Dummadbo emar imakdiid.

Bab dummad Jesucristoba igar mesisad garda

¹⁸ A-ulale Judiomar bur Jesús-oburgwebi-guarmalad, ar ade Jesús unnila obunnoged-ibabi biskedisulid, Bab Dummad na ebo emar imakdibalid, na sogsadba, Bab Dummad an-Bab-sunnadye.

Juan 5:18 Iomraidhean Croise

Zacarías 13:7

“Es-suid, be an-sibad-wawaad-edarbed onailiksae. An dulegi-bensurgudiidgi be yoledage. Ani Bab-Jehová-Bela-Gangued-Nikad weyob soged. Sibad-wawaad-edarbed be oburgwe. Deyobi, sibad-wawaadmar duurmakdemaloed, geb an e-burwigana obelogoed.

Mateo 12:5

Deginbali, ¿ar bemarde Moisés-Igar-Maid absodisurmarsi? Agi igi-dule-irwa-Bab-Dummadse-gormalad, Bab-Dummadse-goled-neggi, obunnoged-ibagi annadimala, ¿ar degite amar igar-noar imakdimala? Suli, igar-noar imakdisurmala.

Juan 1:19

Diigi-dule-oged-Juan weyobi Jesúsʼgi sunmaksagusgu, weyob gusdo. Deunni, Judíoʼmar-dummagan Jerusalén-akar dule-irwa-Bab-Dummadse-gormalad, degi, a-bendakmalad-Levitaʼmar barmiargusad, Juanʼse-egismalaga: —¿Be doa-dulesunna?

Juan 10:30

Ani, an-Babbo, anmar wargwenna gued.

Juan 10:33

Judíoʼmar, abin-imakdemargu, sogdemalad: —Be-ibmar-nued-imakdiid-ular, anmar akwagi be-makbisurmalad. Be Bab-Dummad-nuggi-dododiid-ular, anmar akwagi be-makbied. Ar be we-napnegginedid, emide, Bab-Dummadga na be imaked.

Juan 14:23

Jesús abin-imakdegu, sogded: —Ar dule an-sabele, an-gayaburba-sunmakedba daoed, degine, an-Bab a-dule-sabgumogoed, degine, anmar a-dulegi-megega ese nonikoed.

Juan 14:9

Jesús, abin-sogded: —Felipe, an bemar-abargi dikasurgus an gudiidde, ¿amba be aku an-dakde? Ar dule an-daksale, a-dule bato an-Bab-daksado. ¿Ibiga be anse egise, Bab be anga oyoye?

Juan 19:7

Judíoʼmar, Pilato-abin sogdemalad: —Anmar igar nikamalad. We-dule anmar-igar-maidba we burgwergebed, ar ade, na soged ani an Bab-Dummad-Machiye.

Juan 5:15

Dule-nugusad nadegusad, geb Judíoʼmar-owisodapid, Jesús e-onudaksaye.

Juan 5:16

A-ulale, Judíoʼmar Jesús-bareginnarmarsunnad, Jesús-oburgwebi guarmalad. Ar ade, obunnoged-ibagi we-ibmarmar imakdiid.

Juan 5:17

Degi, Jesús abin-sogded: —An-Bab gusgu arbanaiguad, degisoggu, an arbadimosundo.

Juan 5:23

adi, igi E-Bab-nug ogannodamarmoga, deyobi bela dulemar E-Machi-nug ogannomogagar. Ar dule E-Machi-nug odummosulile, E-Bab-nug odummosurmogad. Ar ade, Bab na E-Machi barmialid.

Juan 7:1

We-degigusad-sorba, Jesús Galilea-yalaganba bipirmakdii gusad. Ar ade, yapa Judeaʼgi gudigued, ar Judíoʼmar e-oburgwebimalad.

Juan 7:19

”¿Ar Moisés bemarga igar-uksasursi? Degite, bemar a-igargi nanadisurmalad. ¿Ibiga be an-oburgwebimarsunna?”

Juan 8:54

Jesús, Judíoʼmar-abin sogded: —An na dukin san-odummogele, an-san-odummodiidi, we binsaleddo. Bab-Dummad bemar-Bab-Dummadye be sogmaladi, a-Bab-Dummadi an-Babad, a, an-nug odummoged.

Juan 8:58

Jesús, abin-sogded: —Napira an bemarga soged, amba yoo Abraham-gwalulege, bato an gudiid.

Filipenses 2:6

Ar Cristo-Jesús gusgu Bab-Dummad gued, Bab-Dummaddeeye na bar-binsassulid, agi alamaknai gussulid.

Apocalipsis 22:1

Degine, a-sorbali, baliwitur diwar-nued, diwar-burba-dula-dule-imaked, anse oyosbalid. We-diwar isbe-daledyobi dakarmakmaid. We-diwar, Bab-Dummad-ologanagi, degi, Sibad-Wawaad-Mimmi-ologanagi, danikid.

Apocalipsis 22:3

Agine, bar ukabsaleged nikuosulid. A-neggweburgi Bab-Dummad-ologana, degi, Sibad-Wawaad-Mimmi-e-ologana, sii guoed. Agi e-maimar ega nug odummobukwa guoed.