Juan 4:24 - Kuna San Blas

²⁴ Bab-Dummad, burbaled. Ar dule-Bab-Dummadse-goledi, burbar, degi, napiragwadgi ese gormogargebed.

Bab dummad Jesucristoba igar mesisad garda

²⁴ Bab Dummad, burbaled. Ar dule Bab Dummadse goledi, burbar, degi, napiragwadgi ese gormogar-gebed.

Juan 4:24 Iomraidhean Croise

Salmo 145:18

Bab-Jehová, dule-ese-napiragwadgi-gordimalad-bendakega egi walikaa gudidaed.

Salmo 50:23

Dule anga dog-nuedye-sogega, ibmar-nued-ukedi, an-nug odummoged. Dule na e-daed ogwaele, an ega abonoleged-igar oyononikoed.”

Salmo 51:17

Ar begardi, dule-na-e-isguedga-wile-itogedi, ibmar-uklegedba bur-nued gued. Bab-Dummad, dule-na-e-isguedga-bukib-itogedi, bedi isdar daksulid.

Salmo 66:18

Ar an-gwagegi an isdar binsasana, Bab-Jehová an-itossulinad.

Isaías 57:15

Ar ade, ani an Bab-Dummad-degisadegu-maidid, an-nuga Isligwaledid, weyob an soged: Ani an niba-maid, neg-isligwaledgi an maid, degi, dulemar-bukib-binsadimaladgi, degi, gwage-eikwaa-imakmaladgi an burbar maibalid. Adi, dulemar-gwage-eikwaa-imakmaladga niga-ogannogegar, degi, dule-bukib-binsadimalad baisur-ito imakegar.

Juan 4:23

Ar ibagan dani, emigindi, bato nonikid, ar dulemar-Bab-Dummad-nug-odummomalad, nue-burbar, degi, napiragwadgi Bab-Dummad-nug odummomaloed. Ar Bab-Dummad dulemar-degi-ese-goled amidimogad.

2 Corintios 1:12

Anmar-nug dummarba imaked wedid: Ulubgi anmarga sognaid, anmar, nued we-napneggi nanasmarye, degine, anmar bemar-abargi bur bule nued nanasmarbarye. Anmar-nanasmaladi, na san-dummarba-imakedgi nanassulid, gwage-innikigwadgi anmar nanasad. Anmar, Bab-Dummad-nabir-anmargi-binsaedba nanasmalad, dulemar-binsaed-nikaa-daedba anmar nanassulid.

2 Corintios 3:17

Ar Bab-Jesúsʼde, Bab-Burba gued. Degisoggu, bia Bab-Jesús-Burba gudii, agine, ollorguleged-amileged.

Filipenses 3:3

Ar anmardi burbar bur abgan-uka-duku-sikarmaladid. Ar ade, anmar Bab-Dummad-Burbaba Bab-Dummad-nug odummodimalad, ar anmar Cristo-Jesúsʼginbi san-dummarba itodimalad, ar anmar, abonolegega, dulemar-e-ibmar-imakedgi benmaladid.

1 Timoteo 1:17

Degisoggu, aga anmar-Rey-Dummad-degisadegu-maid, geg burgwed, a-e-nug odummolesun. We-Rey-Dummad sanar dakledisulidid, unnila abi bela-ibmar-wisimaidid, a e-nug odummolesun. Ar deyobdo.

1 Samuel 16:7

Bab-Jehováʼdi, Samuelʼga sogded: —Ar we-dule an nug-imaksasulid. Mer e-daklegedgi be atake, mer e-mas-dunguedgi be atake. Ar andi we-ibmar daksulid. Duledi, ibmar-daklegedgi ataked, andi, gwage-ulub daked.