Juan 4:23 - Kuna San Blas

²³ Ar ibagan dani, emigindi, bato nonikid, ar dulemar-Bab-Dummad-nug-odummomalad, nue-burbar, degi, napiragwadgi Bab-Dummad-nug odummomaloed. Ar Bab-Dummad dulemar-degi-ese-goled amidimogad.

Bab dummad Jesucristoba igar mesisad garda

²³ Ar ibagan danikoed, emigindi ibagan nonisunnad, dulemar Bab Dummadse gollalile, nue burbar, degi, napiragwadgi ese gormaloed e-nug odummogegar. Ar Bab Dummad dulemar-degi-ese-goled amidimogad.

Juan 4:23 Iomraidhean Croise

1 Crónicas 29:17

Anmar-Bab-Dummadye, an wisi be anmar-wilubdaked, degi, dule-innikidaed be nue-abeged. Agala, an gwage-islidikidgi bela an bega ibmarmar uksad. Emide an daked, dulemar ibiyobi ulubgi weligwaledba bega ibmar uksamala.

Salmo 147:11

Bab-Jehová, e-nug-odummomaladgi yeer-itoged, e-sabgued-bensurmaladgi yeer-itobalid.

Salmo 17:1

Bab-Jehováʼye, an bese napiragwadgi wilesagwa-goledi, wis be an-itoge. An bese-binnasuli-goledi, be an-itoge. An bese-goledi, nue be itoge, yamo an be-yardaknaisulid.

Salmo 32:2

Bab-Jehová, dulega e-isgudigusad bar insasuli gunonikile, egi-isgued-naid ega osulononikile, Bab-Jehová egi nued binsanonidaed.

Salmo 51:6

An nue-wisid, be dule-inniki-gudiid nue-sabed. Burbale, nue-binsaed-nikadaed be an-odurdaksad.

Proverbios 15:8

Bab-Jehová dule-isgana-ega-ibmar-ogumakar-ukedi, gwen nabir-daksulid. Bab-Jehová, dule-innikidaed-ese-goledgindina, yeer itodaed.

Cantares 2:14

Igi nuu akwa-imbaba, degi, yar-imbaba yaa-olloganagi dukue, melle be deyob an-idu dukue. Be-wagar anga be oyoge, be-sunmaked-itogega be an-imake. Ar be-gayaburba yeer itoledaed, be-wagar yeer daklebalid.

Isaías 10:20

A-ibagangine, Israel-dulemar-napi-bemaloedi, Jacob-wagan-napi-gudimaloedi, dule-e-obelosmaladba bar naguosurmalad. We-napi-bemaloedi, Israel-e-Bab-Dummad-Jehová-Isligwaledba, nue innikigwadba nagumaloed.

Isaías 29:13

Bab-Jehová weyob Isaíasʼga sogded: “We-dulemar an-nug-odummoye soged. E-sunmakedgi an-nug-ogannoye soged. Degi-inigwele, unnila asginbi an-nug odummomalad. E-gwage-ulubgindi angi gwen binsasurmalad. An-dobee-nanaye-sogmaladi, ar gwen an-igar-maidba nanasurmalad. Unnila dulemar-igar-mamaidba nanamalad.

Isaías 43:21

We-dulemar angadga-guega an urbisad, an-nug ogannomalaga an urbisad.

Isaías 58:2

Ar bane-bane anse gordimalad, dulemar igar-innikigwad-imakdiiyobi, degi, An-Igar-Mesisadgi bangussurmalayobi, An-Igar-Mamaid wisgubimalad. Igar-inniki-imakleged anse egismalad, ar anse walikgudabimalad.

Jeremías 3:10

Bela weyob neg-nagus-inigwele, e-gwenadgan-Judá-dule-uayasulidamalad gwen gwage-ulubgi e-itogedba anse nonisulid, unnila binsa angi dododii gusad. Ani an Bab-Jehová-guedgi bemarga soged.”

Jeremías 4:2

Ar gakansulidgi, igar-napiragwadgi, innikigwadgi, ‘Bab-Jehová-nuggi an ise-sogar-sogmarye,’ be sogmalale, ar degidbali, ‘dulemar-yar-baid-baidsik-bukwamaladgi anbali egi yeer binsalegoed, degine, anbali egi weligwar itomaloed.’ ”

Ezequiel 22:30

”Wemar-abargi dule-gwensak an-dulamar-bendakega, an-dulamar-irwa galu-matusulidyob an-asabin-gwisguega an amidii gusanad. Adi, we-dule, an-dulamar-anar anse golega, melle an-dulamar anse berguega, an amidii gusanad. Ar degi-inigwele, dule-wargwen an gwen amissur gusad.

Juan 1:17

Ar Bab-Dummad Moisésʼba dulemarga igar mesisad, dulemar igi nanaergebe. Ar Bab-Dummad na e-nue-sabeddi, degi, e-igar-napiragwaddi, Jesucristoʼba anmarga uknonikid.

Juan 12:23

Jesús, abin-imakdegu, sogded: —Emigindi, ani Dule-Machi, an-nug-odummolegega iba nagunonisun.

Juan 16:2

Dulemar Judíoʼmar-onmakedneggi be-onomaloed. Ibagan danikoed, dulemar be-oburgwismalale, Bab-Dummadga ibmar-nued-imaknaiye bimaloed.

Juan 16:32

Emigindi, ibagan danikid, ibagan nonisunnad. Bemar wala-walagwen aisakidmaloed, wargwen be an-metemaloed. Degi-inigwele, wargwen an beosulid, ar ade, Bab anba gudiid.

Juan 4:21

Jesús omega sogded: —Omegwa, napira an bega soged, mer be an-bengu. Ibagan dani, be Babse-golega, be Bab-nug-odummogega, be we-yarse danikosulid, degine, be Jerusalénʼse naosurbalid.

Juan 5:25

Napira an bemarga soged: Ibagan danikoed, emigindi, ibagan nonisunnad. Dule-burbar-burgwar-gudimalad Bab-Dummad-Machi-e-gayaburba itononikoed. Ar dule-a-gayaburba-itomaloedi durgunonikoed.

Juan 5:28

”We-igar mer geger be itomar. Ar ibagan danikoed, dulemar-neg-uangi-burgwar-mamaidi, bela Bab-Dummad-Machi-e-gayaburba itomaloed.

Romanos 1:9

Ar Bab-Dummadga an E-Gayaburba-Nued-E-Machigi-soglesadgi-sunmakdiidgi, an bela-bela gwage-ulubgi ega mailediid. A-Bab-Dummad nue an-wisid, an ese-goledgi an bemar-iedisulid.

Romanos 8:15

Ar bemar maiga-gued-burba abingassulid, adi, bemar gannar dobgudii gumalagarsulid. Ar bemar Bab-Burba-abingasadi, Bab-Dummad-mimmiga-gued-e-burbad. Abali, anmar binnasur gorsunnad: ¡Abba! A sogleged, babye.

Romanos 8:26

Amba deyobi, ar anmar Bab-Dummadgi-bensurgued nollosoggu, Bab-Dummad-Burba anmar-nollogwadgi anmar-bendaked. Ar anmar wissulid, igi-Babse-goledgi bur-nabir ibmar egisoe. A-ulale, Bab-Dummad-Burba, akiginneyobi gayagi-geg-soglegedba, anmar-ular Bab-Dummadse ibmar-egised.

Gálatas 4:6

Ar bemar Bab-Dummad-mimmigan gumarsoggu, Bab-Dummad na E-Machi-Burba-Isligwaled bemar-gwagese barmialid. Ar a emigindi gornaisunnad: “¡Abba!” We sogleged, ¡babaye!

Efesios 6:18

Bab-Dummad-Burbaba bela-bela be Bab-Dummadse gordii imako. Babse-akar-akar-gorlegedgi, degine, bela ese ibmar-egisedgi be Bab-Dummadse gole. Be guagwar gudii imakmar, degine, bela Jesucristoʼgi-akananaimaladga Bab-Dummadse be gordigu imakmar.

Filipenses 3:3

Ar anmardi burbar bur abgan-uka-duku-sikarmaladid. Ar ade, anmar Bab-Dummad-Burbaba Bab-Dummad-nug odummodimalad, ar anmar Cristo-Jesúsʼginbi san-dummarba itodimalad, ar anmar, abonolegega, dulemar-e-ibmar-imakedgi benmaladid.

Josué 24:14

Josué, Israel-dulemarga sogdebalid: —Degisoggu, bemar Bab-Jehováʼgi binsaed-nikaa nanamarsun. Eba ibsadii gumarsun, deginbali, innikigwadgi e-nug-odummodii, ese-gordii gumarsun. Be-dadgan Éufrates-diwar-obakar, degi, Egipto-yargi bab-dummadyob-ibmar-imakleged-e-nug odummodii gusmalad. A-bab-dummagan be mimarsunna, unnila Bab-Jehová-nugbi be odummodii gumala.

1 Pedro 2:9

Ar bemardi, dula-sulegaled gumalad. Bemar Bab-Dummad-e-negdakmaidgi, dule-irwa-Bab-Dummadse-gormaladga gumalad. Bemar dulamar-swilidikid gumalad. Degine, bemar Bab-Dummad-e-dulamar gumalad. Bab-Dummad deyob be-susmalad, adi, Bab-Dummad-ibmar-nued-imakedgi be dulemar-baiganga sunmakmalagar, sogmalagar, igi bemar negsichidgi-gudigu, Bab-Dummad be-onosmala, e-neg-meegwad-nuedse be-searmala.

1 Samuel 12:24

”Ar Bab-Jehová-dobekwaa be nanamarsunna, napiragwadgi bela-belad e-nug-odummodii be imakmala. Bab-Jehová bemarga ibmar-dummagan-imaksad be ebinsadii gumala.