Juan 4:22 - Kuna San Blas

²² Bemar Samaria-dulemar be wissurmalad, doa-e-nug bemar odummonanai. Anmar-Judíoʼmardi wismalad, ar doa-e-nug anmar odummomala. Ar ade, dulemar-abonoleged Judíoʼmargi danikid.

Bab dummad Jesucristoba igar mesisad garda

²² Bemar-Samaria-dulemar wichurmalad, doase gornai e-nug odummogegar, anmar-Judiomardi wismalad, ar doase gornai e-nug odummogegar, ar ade dulemar-abonoleged Judiomargi danikid.

Juan 4:22 Iomraidhean Croise

Génesis 49:10

Judá-dulemar-abargi dule-negsemaid gwen surguosulid, degine, gaapoled-e-ibed danikidse e-gaapoled-ganikid egi suosurmarbalid. Ar ade, dulemar-yar-baid-baidgi-bukmalad e-rey-Siloh-nonikoed, a-rey-sogedba nanamaloed.

Esdras 4:2

Geb agine, a-isdarmalad Zorobabelʼse, degi, Israel-dulemar-neguya-sedimalad-e-dummaganse nonimalad, ega weyob sognonimalad: —Anmar Bab-Dummadse-goled-neg bemarba sobbimarmodo. Ar ade, bemar-Bab-Dummad-nug-odummodiid, a-Bab-Dummad-nug anmar odummodimarmogad. Asiria-rey-Esar-Hadón we-yarse anmar-senonikid-akale, be-Bab-Dummadga ibmar-ogumakar-ukleged anmar ukdimogad.

Salmo 147:19

Bab-Dummad Jacob-waganga e-gayaburba uksad, Israel-dulemarga na E-Igar-Maid, E-Igar-Inniki-imaklemalad, uksad.

Salmo 68:20

Anmar-Bab-Dummadi, dule-bendakmaidid. Bab-Jehová-Bur-Dule-Dummad burgwed-igargi anmar-onogedid.

Isaías 12:2

Bab-Dummad, an-abonogedid. An egi benguosulid, an dobee itogosulid. Bab-Jehová, be an-ogannogedid, Bab-Jehová, anga namakedga gued, be an-abonogedga gued.”

Isaías 12:6

Sión-yalagi-bukmalad, weligwaledba be namakmar, weligwaledba be gormakmar. Israel-dulemar-e-Bab-Dummad-Isligwaled, bemar-abargine Dule-Gandikidid.”

Isaías 2:3

Bukidar neggwebur-bamalad nonimaloed, sognonimaloed: ‘Dagmar, anmar Bab-Jehová-yalase nakwenamar, Jacob-e-Bab-Dummadse-goled-negse nakwenamar. Ar Bab-Jehová, e-Igar-Maidgi anmar-odurdakoed, adi, anmar e-igargi nanadii guegar.’ Ar ade, Sión-yalagi Bab-Jehová-igar-maid-odurdakleged nodagoed, Jerusalénʼgi Bab-Jehová-gayaburba ainidagoed.

Isaías 46:13

An-igar-napiragwadi dikasur maisulid, an-abonogedi bato warmaksad. Sión-yala-abonoleged an imakoed, Israel-dulemarga an-gandikid an ukoed.”

Zacarías 9:9

Sión-dulemar, ¡be nue-wergumala! Jerusalén-dulemar, ¡weligwaledba be binnasur gormala! ¡Weligwaledba be gormakmala! Be dake, be-rey bese danikid. Be-rey, dule-innikigwadid, emar-abonogedid, na san-dummarba imaksulidid. Moli-uayasuid-bipigwad-birgi-sii danikid, we-moli-bipigwad, moli-uayasuid-ome-e-mimmid.

Lucas 24:47

Degine, bela we-napneg-naid-ugakaase angi sunmaklegoye. Adi, na dulemar e-isguedga-bukib-binsamalagarye, e-daed ogwamalagarye, degidbali, Bab-Dummad dulemarga isgued elinonikoye. We-igarmargi sunmaklegedi Jerusalén-akar onodoye sognaid.’

Gusmalad 17:23

Bemar-babse-gormalad-negse an atakdigu an dakardo, babga-ibmar-ukleged-aila-gwensakgi weyob nug narmakar nai: We-aila, Bab-Dummad-Dakledisulidgadid. ”Nabir, we-Bab-Dummadse-bemar-goledi, amba bemar wissurmar-inigwele, a-Bab-Dummadgi an bemarga sunmakmalad.

Gusmalad 17:30

Epennedi, Bab-Dummad dulemar-ibmar-wissurgudigusad baisur-dakeyob gusad. Emigindi, bela dulemarga soged: ‘Be-isgudimaladga be bukib binsamarye, be-daed be ogwamarsunye.’

Gusmalad 3:26

”Emide, Bab-Dummadi na E-Machi-odulosad-sorba, gebe bemarse-inse barmialid, adi, bemargi ise-nued binsalemalagar, isguedgi bangumalagar, mer isguedgi bar nanamalagar.”

Romanos 11:18

Degisoggu, sapi-e-anagan-sunnadba mer san-dummaa na be imakmar. Ar na be san-dummarba saele, be insao, be sapi-mali ganisulid, sapi-mali be-ganikid.

Hebreos 7:14

Ar anmar wisid, anmar-Dummad-Jesús, Judá-e-wagwad, a-anagangi nonikid. Moisés, Judá-wagangindi gwen sogsasurgusad, we-dulemar dule-irwa-Bab-Dummadse-goledga gumaloye.