Juan 3:36 - Kuna San Blas

³⁶ ”Ar doa-dule Bab-Dummad-Machigi bensuli-gunonikile, a-dule, burba-geg-bergued nikuoed. Ar dule Bab-Dummad-Machigi bengunonikirdi, burba-geg-bergued gwen nikuosulid. Aka bur Bab-Dummad-dule-sabsur-odurdaked-igar itogoed.”

Bab dummad Jesucristoba igar mesisad garda

³⁶ “Ar doa-dule Bab-Dummad-Machi-bensuli-gunonikile, a-dule burba-geg-bergued nikuoed. Ar dule Bab-Dummad-Machigi bengunonikirdi, burba-geg-bergued gwen nikuosulid, agardi Bab Dummad dulemar-sabsur-odurdakoed-igar bato guar ega maid.”

Juan 3:36 Iomraidhean Croise

Job 33:28

Ar Bab-Dummad burgwedgi nue-an-bendaknonisoggua, emisgindi, an dula-gudiidi, an nabir neg-itodisunnad.’ ”

Salmo 2:12

Bab-Jehová-mer-urwega, E-Machi-urbalikwaa be nanamarsun. Ar Bab-Jehová bemarse-uludele, bemar sunna ese oburgwilemalad. ¡Bab-Jehová dule-egi-bensuli-nanamaladgi, nued binsadaed!

Salmo 36:9

Ar beginbi, san-burba-geg-bergued danikid. Anmar unnila beginbi, san-burba-dula-gued amied.

Salmo 49:19

we-dule, e-babgan-burgwismogayobi, burgwemogoed, we-napneggi bar gudii guosulid.

Habacuc 2:4

”Dule-isgana e-gwagegi innikidasulid. Dule-gwage-swilidikiddi, Bab-Jehováʼgi-bensulidgi gudii guoed.

Números 32:11

‘Abrahamʼga, Isaacʼga, Jacobʼga, yar an ukedsegoye sogsagusad. A-yarse machergan-Egiptoʼgi-noarmalad birga-durgwen-nikamalad (20), degi, birga-dulagwen-obine-nikamaladi (20+), a-yarse dogosurmarye, ar ade, angi bengusmaladdeeye.

Mateo 25:46

”Degisoggu, we-dule-isganamar, odurdakleged-neg-sadeguoedse barmiledmaloed. Dule-nuegandi, san-burba-geg-bergued-negse namaloed.”

Marcos 16:16

”Ar dule-angi-bensulid, degi, Bab-Dummad-diigi-ogleged-igar-imaked, abonolegoed. ”Ar dule-angi-benguerdi, na e-san-burba degi-odurdakle-sii sadeguoed.

Lucas 2:30

ar ade, an-ibyagwar Bab-Dummad-dule-abonogoed-barmialid an daksad.

Lucas 3:6

Bela dulemar Bab-Dummad-abonoged-wisgumaloed.’ ” Isaías 40:3-5

Juan 1:12

Ar bela dulemar we-Gayaburba-abingasmaladdi, e-nuggi-bengussurmaladba, amarga Bab-Dummad-e-mimmiganga-guega igar-uknonikid.

Juan 10:28

Ani an ega burba-geg-bergued uked, bipisaale amar gwen berguosurmalad, degisadegumaloed. Degine, bipisaale dule gege angi an-sibad-wawaad sued.

Juan 3:3

Jesús, Nicodemo-abin-imakded, ega sogded: —Napira an bega soged, dule gannar gwalulesulile, gege Bab-Dummad-e-negdakmaid daked.

Juan 4:36

”Ar dule-abonolegedgi-arbaedi bennukleged. Degi, burba-geg-berguedga arbabalid. Degisoggu, dule-abonolegega, dule-gebe-Bab-gayaburba-odurdakedi, degi, dulemar-Babgadga-guega-imaked-ebo, na wergumalad.

Juan 5:24

”Napira an bemarga soged: Ar dule an-sunmakedba daele, degi, Bab-an-barmialidgi bengusulile, a-dule burba-geg-bergued nikuodo. A-dule bar sabsur-odurdaklegosulid. Ar burgwar-gudiidgi nosad, dula gudii gunonisunnad.

Juan 6:58

Ani an madu-nibneggi-aidesadid. We-madu-nibneggi-aidesadi, be-dadgan-maná-guchadyobsulid. Ar maná-gucha-inigwele, amardi amba burgwismalad. Ar dule we-madu-guchardi, bar burgosulid, degisadeguoed.”

Juan 8:51

Napira an bemarga soged, dule an-gayaburba-sogedba-daele, we-dule burgosulid.

Gusmalad 14:2

Ar Judíoʼmar-Bab-Jesús-benmaladdina yamo Judíoʼsurmalad-binsaed gaarmalad, adi, Jesúsʼba-nanaimaladgi aibinmalagar.

Romanos 4:15

Bab-Dummad dule-Moisés-Igar-Maidba-dasulid sabsur-odurdaked. Ar igar maisulirdi, dule a-igar geg bisged, ar ade, igar maisulid.

Romanos 5:9

Ar emigindi, Cristo-e-abegine bato anmar isgussuliyobi daklenonisoggu, bur buledo, Cristo Bab-Dummad-sabsur-emar-odurdakoedgi anmar-abonononikoed.

Romanos 8:1

Degisoggu, dule-Cristo-Jesúsʼgi-akanimaladga, bar odurdakleged-igar maisulid. Amarde, na-e-san-sogedba-bar-nanadisurmalad. Unnila, Bab-Dummad-Burba-Isligwaledba nanadimalad.

Gálatas 3:10

Ar bela dulemar Moisés-Igar-Mesisadba-nanamaladi bela bato ukabsales bukmalad. Ar ade, Bab-Dummad-Gardagi narmakar naid: “Dulemar Moisés-Igar-Maidba bela eba dasulile, amar Bab-Dummadse bato ukabsales bukmalad.” Deuteronomio 27:26

Efesios 5:6

Mer dulemar-emar-binsaed-gaega yogasaar-sunmakmaladse be yardaklemalo. Ar Bab-Dummad, eba-dasurmalad galagwensulidaedbali, sabsur-odurdakdedaed.

1 Tesalonicenses 1:10

A-dulemar wisid, bemarde Bab-Dummad-Machi nibneg-akar gannar-danikoed edarbebukmarye. Bab-Dummad na E-Machi-Jesús burgwar-maigu, gannar odulosad. A-Jesúsʼde, dulemar-Bab-Dummadse-dummad-odurdaklegoedgi anmar-abonosad.

1 Tesalonicenses 5:9

Ar Bab-Dummad beedse-anmar-odurdakega anmarse gochasulid. Anmarse gochad, anmar-Bab-Jesucristoʼba anmar abonolegegar.

Hebreos 10:29

Ar dule Bab-Dummad-Machigi annasale, degine, e-abe-igar-nabosad-mesisadgi annasale, degi, a-abe, abe-isganaga-imaksale, degi, Bab-Dummad-Burba-Isligwaled-nabir-dulemargi-binsamaidgi-dodogele, a-dule, bur bule, ¿odurdaklegosur be insae? Bur bule odurdaklegoe.

Hebreos 2:3

Degisoggu, we-abonoleged-dummad an baisur dakmalale, ¿igi anmarde sabsur-odurdaklegedgi wakinmalosunna? Geg anmar wakinmalad. We-abonoleged gebegi Bab-Jesús-inse sogsagusad, geb we-gayaburba-itosmaladi, anmarga sogsamarmogad, we napiraye.

Hebreos 3:18

¿Ar doamarga Bab-Dummad sogsagusa, bemar Canaán-yargi obunnomai guosurmarye? Dule-uayasuligusmaladga deyob sogsagusad.

Hebreos 3:19

Anmar daksundo, amala Bab-Dummad-bengusmalad-ulale, obunnoged-yarse dogsasurmalad.

Apocalipsis 21:8

Dule-doberbamaladdi, angi-gadi-bengumaladdi, ibmar-isgana-imakedba isdar-daklemaladdi, dule-gindakmaladdi, na-abirgunagwarsuli-negsichigi-yoledimaladdi, ina-isganagi-dulemar-yardakmaladdi, bab-dummaganga-imaklegedse-gormaladdi, degine, bela dule-gakansilimaladdi, soo-mata-dummad azufreʼba-mesa-gwakwarmaksiidgi melledmaloed. Ar we, burgwed-ilabogwad gued.”