Juan 3:13 - Kuna San Blas

¹³ ”Dule nibnegse gwen nakwissulid, unnila, ani Dule-Machibi nibneggi-mai aidenonikid.

Bab dummad Jesucristoba igar mesisad garda

¹³ “Dule nibnegse gwen nakwissulid, unnila Dule-Machibi nibneggi-mai aidenonikid.

Juan 3:13 Iomraidhean Croise

Proverbios 30:4

”¿Doa nibnegse nakwiapi? ¿Doa nibneg-akar aidenoniki? ¿Doa e-argangi burwa gaoe? ¿Doa e-mor-dummadgi demar gaoe? ¿Doa napneg-naid-dikarmar omesisa? ¿Ar be wisi, doa we-ibmarmar-imaksa, degi, e-machi-nug be wisbali?

Mateo 28:20

An bemar-odurdaksadba bela eba nue-nanamaloye be amar-odurdako. Napira an bemarga soged, an emi bemarba we-napneg-berguedse, bane-bane an gudiguoed. Be itogua.

Mateo 8:20

Jesús abin-sogded: —Ar usmardi na e-gubya nikamalad, sikwimardi e-uu nikamarmogad. Ar andi, Dule-Machi, neg sated. Anyob be unni nanamogale, anba be dagodo.

Juan 1:18

Dule gwen Bab-Dummad dakdisulid. Unnila Bab-Dummad-Machi-Wargwennagwad, e-Babba-mesa-gudiid, a, anmarga Bab-Dummad-osanalononikid.

Juan 13:3

Jesús wisid, e-Bab bela ibmar-imakega ega igar-uksad. Degine, Jesús wisbalid, na ede Bab-Dummadgi danikid. Degi, ede Bab-Dummadse gannar nabaloed.

Juan 17:5

Baba, emigindi, be-nagaba an-nug be odummosun. Ar igi we-napneg-nagued-iduar, an bebogwa nug-dummarbaa nika-gudigusad, deyobi, be gannar an-nug odummosun.

Juan 3:12

Ar ibmar-we-napnegginmaladgi an bemarga sunmaksad, degite, be benmalad. ¿Ar igi be bengussurmalarsunna an bega ibmar-nibneggined sogdemalar? Be bengusmalaled.

Juan 3:31

Diigi-dule-oged-Juan sogdebalid: “Ar dule-nibneggi-danikidi, bela dulemargi obined. Dule-napneggineddi, unnila napnegginedid, napneggined-ibmarbi sunmaked. Ar dule-nibneggi-danikiddi, bela dulemargi obined.

Juan 6:33

Ar Bab-Dummad-madu nibneggi-aidenonikidi, we-napnegginmaladga burba-duladi uked.

Juan 6:38

”An-itolegedba ibmar-saega nibneggi an danisulid. Dule-an-barmialid-sogedba an ibmar-imakega nonikid.

Juan 6:42

Judíoʼmar Jesúsʼgi sogdemalad: —¿Ar wede Jesús, José-machisursi? Degine, e-bab, e-nan, ¿anmar mag daksursi? Ar degite, ¿ibiga sogsunna? ‘Nibneggi an aidenoniye.’

Juan 6:46

”Dule-wargwensaar Bab-daksaye an sogsulid. Unnila dule-Bab-Dummadgi-danikidbi Bab-daksad.

Juan 6:51

Ani an a-madu-duladid, nibneggi aidenonikidid. Ar dule-wargwen a-madu-guchale, bar burgosulid, degidula sadeguoed. An madu-ukoedi, we an-sanad. We-napneg-naidgi dule-bukmalad-dula-gudiguega an-san an ukoed.”

Juan 6:62

Ar Dule-Machi nibneggi-mai-gusadse gannar nakwemai be dakarmalar, ¿igi be sogsamalarsunna?

Juan 8:42

Geb Jesús amarga sogded: —Ar Bab-Dummad bemar-babana, be an-sabmalando. Ar an Bab-Dummadgi danikid. An-itolegedgi an danisulid, Bab-Dummad an-barmialid.

Gusmalad 2:34

Ar ade, David nibnegse nakwiapsulid, degite, David-sunnad sogbalid: ‘Bab-Dummad an-Dummadga sogsad: An-argan-nuedsik be sige,

Gusmalad 20:28

”Bab-Jesús dulemar-egadga-guega na e-abegi baksad. Emide, Bab-Dummad-Burba-Isligwaled bemarga a-dulemar-dakega be-nug-imasmalad. Degisoggu, bemar nue-salakarmar, degi, a-dulemar nue-akwemalo. Ar igi dulemar sibad-wawaad-edarbemala, deyob Jesúsʼba-nanaimalad be edarbemarmogoed.

Romanos 10:6

Ar Cristoʼgi-bensulid-ular, dule-isgussuliyob-gunonidaedgindina soged: “Mer be-gwagegi be soge: ‘¿Doa wede niba nakoe?’ ” Deuteronomio 30:12 (Ar adi, napnegse Cristo-sedagega soged).

1 Corintios 15:47

Dule-gebe-we-napneggi-aideged, unnila we-napnegginedid. Dule sorba-nonimogadi, adi, nibnegginedid.

Efesios 1:23

Degisoggu, Jesúsʼba-nanaimalad-danar-ambikunonidamalad-belagwapa Cristo-e-sanyobsundo. Degine, Cristo, bela amar-e-ganguedid. Cristoʼgi bela Jesúsʼba-nanaimalad dogar siid. Gwen Cristoʼgi ibmar galakudeeye soglesulid.

Deuteronomio 30:12

”We-Igarmar-Mamaid nibneggi maisulid, adi, mer be sogegar: ‘Anmar we-Igarmar-itogega, a-sogedba anmar daega, ¿doa we-Igarmar-anmarga-sedagega, anmar-ular, nibnegse nakoe?’