Juan 21:16 - Kuna San Blas

¹⁶ Irbogwadgi gannar Jesús sogdebalid: —Jonás-machi-Simón, ¿be an-sabe? Pedro, abin-sogded: —Eye, Dummad. Be wisid an be-sabed. Geb Jesús, abin-sogded: —Degirdi, an-dulamar-sibad-wawaadyob-gudiid nue be anga akwedii imako.

Bab dummad Jesucristoba igar mesisad garda

¹⁶ Irbogwadgi gannar Jesús sogdebalid: —Simón, be Jonás-machi, ¿be an-sabe? Pedro, abin-sogded: —Eye, Dummad, be wisid an be-sabed. Geb Jesús, abin-sogded: —An-dulemar sibad-wawaadyobid nue be anga ako.

Juan 21:16 Iomraidhean Croise

Salmo 100:3

Bab-Jehová-Bab-Dummad-gued be magar-dakmala. E anmar-obinnisad. Anmar, egadid. Anmar e-dulamalad. Anmar, e-sibad-wawaadyob gumalad.

Salmo 95:7

Ar e anmar-Bab-Dummadid. Anmardi e-dulamar gumalad, e anmar-edarbedid. Anmardi e-sibad-wawaadyob gumalad, e anmar-akwediid. Ar emi bemar Bab-Jehová-gayaburba itogele,

Zacarías 13:7

“Es-suid, be an-sibad-wawaad-edarbed onailiksae. An dulegi-bensurgudiidgi be yoledage. Ani Bab-Jehová-Bela-Gangued-Nikad weyob soged. Sibad-wawaad-edarbed be oburgwe. Deyobi, sibad-wawaadmar duurmakdemaloed, geb an e-burwigana obelogoed.

Mateo 2:6

“Be, Belén-neggwebur, Judea-yalagi-siid, be baisur-dakle-inigwele, ar neggwebur-baiganba be bur nue nug nikad. Ar ade, begi dule-neggwebur-seoed nodagoed, adi, an-dulemar-Israel-akwegar.” Miqueas 5:2

Mateo 25:32

Geb degi, bela dulemar-yar-baid-baidgi-bukmalad an-asabin ambikunonimaloed. Agi geb bachik-bachik an oambikuoed. Igi sibad-wawaad-edarbed, sibad-wawaad, degi, sibad-ebo bachiki urbe, deyob an dulemar-imakmogoed.

Mateo 26:72

Pedro gannar osulodbalid, sogded: —Bab-Dummad-nuggi napira an bemarga soged: Andi, an we-dule-akudaked.

Lucas 19:10

Ar ade, ani Dule-Machi, dulemar-yoggusmalad-amiega nonikid, degi, dulemar-isguedgi-gudiid-abonogega nonikid.

Juan 18:17

Geb degi, ome-yawagak-dakedi, Pedroʼga sokalid: —¿Ar be Jesús-e-sapinmosursi? Pedro, abin-sogded: —Suli, an e-sapinsuli.

Juan 18:25

Deunni, Pedroʼdi amba soo-naba-wagwichidgi ega sogdemalad: —¿Ar be Jesús-e-sapin-wargwenadmosursi? Degi, Pedro osuloded, abin-sogded: —Suli, an a-e-sapinsuli.

Juan 21:17

Gannar irbaagwadgi Jesús sogdebar: —Jonás-machi-Simón, ¿be an-sabe? Pedro, Jesús ega gannar-gannar irbaagus-soge-itogedba bukib-ito naded. Ega soggu: “¿Be an-sabe?” Pedro, abin-sogded: —Dummad, bela ibmar be wisid. An nue-be-sabed be wisid. Jesús ega sogded: —Degirdi, an-dulamar-sibad-wawaadyob-gudiid nue be anga sedii imako.

Gusmalad 20:28

”Bab-Jesús dulemar-egadga-guega na e-abegi baksad. Emide, Bab-Dummad-Burba-Isligwaled bemarga a-dulemar-dakega be-nug-imasmalad. Degisoggu, bemar nue-salakarmar, degi, a-dulemar nue-akwemalo. Ar igi dulemar sibad-wawaad-edarbemala, deyob Jesúsʼba-nanaimalad be edarbemarmogoed.

Hebreos 13:20

Bab-Dummad, ulubgi-bogidik-itogega anmar-imakedid. Degine, anmar-Dummad-Jesucristo-burgwar-mai odulosadid. We-Jesucristoʼde, sibad-wawaad-edarbed-nued-dummadid. Na e-abegi anmarbo degisadegu igar-mesisad.

1 Pedro 2:25

Ar bemar sibad-wawaad-yoggus-gudigusmaladyob gudigusanad. Emigindi, igi-sibad-wawaad e-dule-edarbedse gannar noniki, deyob be gannar Cristo-be-san-burba-akwemaidse nonimarsunnad.

1 Pedro 5:2

Bemarga, an weyob sogdo: Bab-Dummad-e-dulamar-bemar-abargi-bukwad be nue akwemar. Igi dule-sibad-wawaad-akwed na e-sibad-wawaad-akwe, deyob be akwemar. Nue yeer-itogedgi dule bega ise-sogar-sogedginsuli Bab-Dummad-sogedba be gwenadgan akwemalo. Degine, mer manibina-sogedgi be gwenadgan akwemalo. Be weligwar-itogedgi gwenadgan akwemalo.

Apocalipsis 7:17

Ar Sibad-Wawaad-Mimmi-ologan-abargi-siid, sibad-wawaad-edarbedamaladyob, amar-edarboed. Dianmar-burba-dulad-ukedse sedoed. Agine, Bab-Dummad bela amarga ibyanis elioed.”