Juan 2:4 - Kuna San Blas

⁴ Jesús, e-nan-abin sogded: —Omegwa, ¿ibiga deyob be anga soge? An-ibagan amba yoo warmaked.

Bab dummad Jesucristoba igar mesisad garda

⁴ Jesús, e-nan-abin sogded: —¿Omegwa, ibiga deyob be anga soge? An-ibagan amba yo warmaked.

Juan 2:4 Iomraidhean Croise

2 Samuel 16:10

Rey-David, Sarvia-masmala-abin sogded: —Mer be achamalo. We-igar bemargadsulid, degi, angadsurmogad. Ar dule-we-ibmar-sognaidi, Bab-Jehová-sogedba-sognair sognaid, be Davidʼga deyob sognaoye. Degite, ¿doa ese golosunna, ibiga be deyob sognaye?

2 Samuel 19:22

David abin-sogded: —Sarvia-masmala, mer be achamalo, we-igar bemargadsulid. Emide, aka be an-isdarmaladyob angi be yolenanaid. Israel-e-reyga gannar an gunonikid-ibagi, ¿sunna dule-oburgwilego be ebinsae? Suli.

1 Reyes 17:18

Agine, ome-sui-e-ibe-burgwisad Elíasʼga sogded: —¿Bab-Dummad-dule, ibiga angi be yolenai? Gannar isguedgi an-obinsaega be nonikid, an-machi-oburgwega be nonibalid.

Eclesiastés 3:1

Ibmar-imaklegega bela e-wachi nikad. We-napneggine, ibmar-imaklegega bela e-ibagan nikabalid:

Mateo 15:28

Geb Jesús, ome-abin sogded: —Ome, ibibayobi be an-bensuli. An bega be-bunolo an nudakoed. Degisoggu, deyob be ibmar-egisnaid gusun. Ar a-wachigi e-bunolo yog nuguar naded.

Mateo 8:29

Niasamalad-warbogwad binnasur gotemalad, sogdemalad: —Jesús Bab-Dummad-Machi, ¿ibiga be anmargi yoledaniki? ¿Ar be anmarse danikidi, amba yoo anmar-odurdaked-ibagan-moed-iduar bato be sabsur anmar-odurdakega daniki?

Lucas 2:49

Geb degi, Jesús ega sogded: —¿Ar ibiga be an-amidimala? ¿Ar be wissurmarsi an-Bab-arbaedgi an arbaergebed?

Juan 12:23

Jesús, abin-imakdegu, sogded: —Emigindi, ani Dule-Machi, an-nug-odummolegega iba nagunonisun.

Juan 13:1

Jesús Oburgwilegoenad-Iba bane-nagudoed-iduar, Jerusalénʼgi gudiid. Jesús na wisid, we-napneggi-gudiid e-Babse-gannar-naed-ibagan ega warmaksad. Ar Jesús we-napneggi-e-sapingan-bukwad nue-sabsoggu, nue bela-bela-sabgudii, e-burgwedse gussunnad.

Juan 2:3

Iba-onolenaidgi emarga-vino-galadgua, Jesús-e-nan Jesúsʼga sokalid: —Vino emarga berguded.

Juan 20:13

Baliwiturmar Maríaʼga sogded: —Omegwa, ¿ibiga be boe? María, abin-sogded: —An-ibe an-Dummad sesmalad. An wissulid, bia an-ibe mesismala.

Juan 20:15

Jesús ega sogded: —Omegwa, ¿ibiga be boe? ¿Doa be amie? Ar María, we-dule dule-nainu-akwedye-bisoggu, ega sogded: —Dule, ar mui be sesale, anga be soge, bia be mesisa, adi, an ase aminaoed.

Juan 7:30

Agine, dummagan Jesús-gabiguarmalanad, degite, gwen gassurmalad, ar ade, yoo e-burgwed-ibagan omoged.

Juan 7:6

Jesús e-urbamarga sogdesun: —An Jerusalénʼse-naed-ibagan angardi amba yoo moed. Ar bemargardi ibagan bato gusgu guagwar naidaed.

Juan 7:8

Bemardi, ibase be namala. Ar angardi, amba an-ibagan yoo mosoggu, andi naosurgweled.

Juan 8:20

Weyob Jesús Bab-Dummadse-goled-neggi, mani-weleged-naba-sii, dulemar-odurdaksigu sunmaksagusad. Dule-wargwensaale gwen Jesús-gassurmalad, ar ade, amba yoo e-galeged-ibagan omoged.

2 Corintios 5:16

Degisoggu, a-ulale, dule-Bab-wissurmalad-binsaedyob, bar an dulemar-daksurmalad. Ar iduar dule-Bab-wissurmalad-binsaedyob, an Cristo-daksamar-inigwele, emigindi, bar deyob an Cristo-daksurmalad.

Deuteronomio 33:9

Leví-wagan, e-babgi, e-nangi, sogsagusad: ‘Bipisaar an-babgandeeye an binsassurye.’ Leví-wagan, e-gwenadgan-akudake gusad, degine, e-mimmiganbela akudake gusbalid. Ar Leví-wagan be-gayaburbabardi nanasmalad, Be-Igar-Mesisad-sogedba gudigusmalad.