Juan 2:16 - Kuna San Blas

¹⁶ Jesús dulemar-nuu-ukbukmaladga sogded: —We-ibmarmar bela be seedmar. Melle an-Bab-nega ibmar-ukleged-negga be imakmar.

Bab dummad Jesucristoba igar mesisad garda

¹⁶ Jesús dulemar nuu-ukbukmaladga sogded: —¡We-ibmarmar bela be sedmar, melle an-Bab-nega ibmar-ukleged-negga be imakmar!

Juan 2:16 Iomraidhean Croise

Jeremías 7:11

Ani an Bab-Jehová soged: “¿Ar bemar binsasi, anga neg-nugsalegarsiid atursamalad-neg-sogeye? Ar an-sunnagwad deyob an bemar-dakdiid.

Mateo 21:12

Jesús Bab-Dummadse-goled-negse-dogdapgu, bela dulemar-ibmar-baknanaid, degi, ibmar-ukbukmalad sabsur-onisad. Degi, dulemar-mani-ogwabukmalad-e-mese binnasur-barbikiin meted, degi, dulemar nuu-ukbukmalad-e-gan barbikiin metebalid.

Mateo 21:13

Jesús amarga sogded: —Bab-Dummad-Gardagi narmakar naid: Bab-Dummad soged: ‘An-nega, anse-goled-negye nugguoed.’ Isaías 56:7 ”Ar emigindi bemardi atursamalad-negga imaksamalad.”

Mateo 22:5

”Ar ese-gollesmalad bai gwen itossurmar, aka ibmar-baid imaknadmalad. Gwensak e-nainuse arbanaded, baiddi ibmar-uked-negse ibmar-uknaded.

Marcos 11:17

Geb Jesús dulemar-odurdakde, weyob sogded: “Bab-Dummad-Gardagi weyob narmakar naid: ‘An-neg bela dulemar-yar-baid-baidgi-bukwamaladga, anse-goled-negye nugguoed.’ Ar bemardi, atursamalad-negga imaksamalad.” Isaías 56:7; Jeremías 7:11

Lucas 2:49

Geb degi, Jesús ega sogded: —¿Ar ibiga be an-amidimala? ¿Ar be wissurmarsi an-Bab-arbaedgi an arbaergebed?

Juan 10:29

An-Bab anga-sibad-wawaad-uksadi, a-Bab, bela bur dule-dummadid. Degine, bipisaale dule-baid gege an-Babgi an-sibad-wawaad sued.

Juan 2:15

Jesús ibmar-bibyoged-dub-sobsagu, Babse-goled-neggi bela dule-ibmar-ukbukmalad onosad. Sibad-wawaadmar, moli-bebe-nikamalad, onisbalid. Deginbali, dulemar-mani-ogwabukwad-e-mani bikin midbalid. E-ibe mesemar obichabalid.

Juan 20:17

Jesús Maríaʼga sogded: —Mer be an-gae, ar amba yoo an-Babse an nakwed. Degi-inigwele, be an-gwenadganse nae, amarga be sogna: ‘An-Babse an nae sokarye. A-Baba, bemar-Babmogad, ase an nasokarye. An-Bab-Dummadse an nae sokarye. A-Baba, bemar-Bab-Dummadmogad, ase an nasokarye.’

Juan 5:17

Degi, Jesús abin-sogded: —An-Bab gusgu arbanaiguad, degisoggu, an arbadimosundo.

Juan 8:49

Jesús, abin-sogded: —Angi nia naisulid. An-Bab-nug bur an odummodiid. Bemardi an-nug ichodimalad.

1 Timoteo 6:5

Deginbali, na abin-abin-sunmaklegedi, dulemar-galagwensuli-binsaed-igalad. Degine, ibmar-napiragwad gwen wissurmalad. Ar unnila binsamalad, Bab-Igarba-nagued dule-mani-ibed-imakye.

2 Pedro 2:3

Dule-odurdakmalad-napiragwadsulid maniginbi-dogdar-binsamalad-ular, gakansaar bemargi mani-onodamaloed. Amar dulemarga-sabsur-odurdakleged-igar-maidgi gwen wakinnosurmalad, ar Bab-Dummad bato amargi sogsad, wemar sabsur-odurdaklegedsemaloye.