Juan 19:2 - Kuna San Blas

² Geb degi, suar-ibmala iko-gurgin sobsamalad. Geb Jesúsʼgi-dododmargu, Jesús-nonogi a-gurgin rey-gurginyob sismalad. Degi, reymor-yoeyobi, ega mor-suir-akwagiid yosmarbalid.

Bab dummad Jesucristoba igar mesisad garda

² Geb degi suar-ibmala Jesúsgi dododmargu, iko-gurgin sobsamalad, geb Jesús-nonogi sismalad, rey-gurginyob, degi, ega mor-suir-akwagiid yosmarbalid, rey-moryob.

Juan 19:2 Iomraidhean Croise

Salmo 22:6

An dulesuliyob itoleged, napa-nus-musgimakdiidyob itoleged. Dulemar ibmar-dodogedga an-imaknanaid, bela dulemar isdarsun an-dakmalad.

Isaías 49:7

Bab-Jehová, Israel-dulemar-ollor-imakedi, Bab-Dummad-Isligwaledi, weyob soged, dulemar-yar-baid-baidgi-bukmaladse mesagwar-gulediidga, isdar-daklediidga, degine, dummagan-negdakmamaid-e-maiganga, weyob soged: “Reymar be-dakdamalogu, gwisgudmaloed. Dule-dummagan-nuga-nikamalad be-dakdamalogu, be-abin dulluu imakmaloed. Israel-dulemar-e-Bab-Jehová-Isligwaled-ular, be-nug odummodmaloed. Ar ade, Bab-Dummad, dule-napiragwadid, degi, na e be-susadid.”

Isaías 53:3

Dulemarse obanagwale gusad. Mesagwale gusad. Gwage-nunmaked-itodii gusad. Undar-odurdakledii gusad. Dulemar gwen-dakbisuli gusmalad. Dulemarse obanagwale gusad. Gwen anmar bai daksasurmalad.

Lucas 23:11

Geb degidbali, Herodes, e-suar-ibganmala, ibgwensur Jesús-dakded, egi dododed. Reymaryob ega mor-nued yosmarsunnad. Geb degi, Herodes, gannar Pilatoʼse Jesús-barmisad.

Juan 19:5

Degi, Jesús iko-gurgin-sobaled-sii, degi, mor-suir-akwagiid-yoi noarsunnad. Geb degi, Pilato emarga sogded: —Emigi, we-dule be dakmarsun.