Juan 17:11 - Kuna San Blas

¹¹ Andi we-napneggi bar gudii guosulid. An bese naesokalid. Wemardi, amba-we-napneggi gudii gumaloed. ”Bab-Dummad-Isligwaled, dulemar-be-anga-uksad, be-nuggi be nue ako, adi, amar, anmar-wargwenna-gumogayobi wargwenna gumogagar.

Bab dummad Jesucristoba igar mesisad garda

¹¹ “Ar andi we-napneggi bar gudiguosulid, andi bese naesokalid, ar wemardi amba-we-napneggi gudimalad. Bab be-gwage-swilidikid, dulemar-be-anga-uksamalad, be-nuggi na be nue ako, adi wargwennayob guegar, igi anmar wargwennaa gumoga.

Juan 17:11 Iomraidhean Croise

Salmo 79:9

Bab-Dummad-anmar-abonoged, be-nug-dummarba-gued-ular, be anmar-bendake. Be-nug-sabed-ular, be anmar-ollorsae, anmar-isgusad be elie.

Proverbios 18:10

Bab-Jehová-e-nug, neg-matusulid-gandikid-geg-ayaredyobid. Dule, bendakleged-amiegala, a-negse abarmakdedaed. Bab-Jehová-e-nug dule-innikimaladga deyob gued.

Isaías 27:3

Ani, an Bab-Jehová, uva-nainu-edarbedga an gued. Bali-bali an-uva-nainu an oged. Melle dule ani oakalogega, mutikidbali, ibginedbali, an-nainu an edarbed.

Isaías 64:2

Be-isdarmalad-abargi be-nug be oyodele, igi soo sapan-ogader dii-ogwakgwarmakdae, deyobi, be-abin dulemar-yar-baid-baidgi-bukmaladi gudmalaled, be-abin wawanmakdemalaled.

Jeremías 14:21

Be-nug be nue-sabedbali, melle be isdar anmar-dake. Be-ologana-yeerdakleged-e-neg melle be isdar-dake. ¡Be anmarbo-igar-mesisad nue be ebinsae! ¡Melle be anmarbo-igar-mesisad bisge!

Jeremías 14:7

Ani Jeremías Bab-Jehováʼga sogded: “Bab-Jehová, anmar-isgued amba anmargi-yolena-inigwele, be-nug na-be-nue-sabedbali be anmar bendakdage. Ar anmar-isgued bukidargusad, anmar begi nue-isgusmalad.

Ezequiel 20:22

Ar degi-inigwele, an-nug-dummarba-gued-ular, an weyob imaksasulid, adi, dulemar-yar-baid-baidgi-bukwamalad mer an-nug oichomalaga, ar wemar, an Egipto-yargi Israel-dulemar-onosad an-daksamalad.

Ezequiel 20:44

Israel-dulemar, an bemargi nued-binsadele, wedi bemar-isganadaed-ularsulid, bemar-ibmar-isgana-imaked-ularsurbalid. Suli. An nug-dummarba-gued-ulaled. Geb degine, bemar wisgumaloed, ani an Bab-Jehová gued. Ani an Bab-Jehová-Bela-Gangued-Nikadi weyob soged.’ ”

Ezequiel 20:9

Degi-inigwele, an-nug-dummarba-gued melle isguega, an sabsur-odurdaksasulid. Degiile, Israel-dulemar dulemar-bamalad-abargi-gudiidgi, an-nug oicholegodole. A-ulale, an Israel-dulemar obelossulid. Ar we-dulemar-bamaladi daksamalad, igi an Israel-dulemar Egipto-yargi-noega imaksa.

Mateo 10:16

Jesús, e-sapinganga sogded: “Emigi bemar, sibad-wawaadyob, achu-burburumalad-abargi an na be-barmidmar. Degisoggu, naibeyob bemar guagwar gudimaloed. Deginbali, baisursunna nuu-daeyob be damarbaloed.

Mateo 5:48

Ar be-Bab-nibneggi-maid ibmar-nuegan imaksoggu, a-ular, bemar ulubgi dule-nueganga gumarmosundo.”

Mateo 6:9

Degisoggu, bemar weyob Bab-Dummadse be gormalo: ‘Anmar-Bab-nibneggi-maid, be-nug swilidik obariledii gusun.

Juan 13:1

Jesús Oburgwilegoenad-Iba bane-nagudoed-iduar, Jerusalénʼgi gudiid. Jesús na wisid, we-napneggi-gudiid e-Babse-gannar-naed-ibagan ega warmaksad. Ar Jesús we-napneggi-e-sapingan-bukwad nue-sabsoggu, nue bela-bela-sabgudii, e-burgwedse gussunnad.

Juan 13:3

Jesús wisid, e-Bab bela ibmar-imakega ega igar-uksad. Degine, Jesús wisbalid, na ede Bab-Dummadgi danikid. Degi, ede Bab-Dummadse gannar nabaloed.

Juan 14:20

A-ibagine, an-Babgi-an-gudiid bemar magar itogoed. Bemar-angi-gudimogad, degine, an-bemargi-gudimogad, magar be itomarbaloed.

Juan 16:28

An we-napnegse dagegala, Babgi an bangualid. Emigindi, gannar we-napneg an mete-naesokalid, Babse gannar an naesokalid.”

Juan 16:33

”An we-ibmar an bega sogsamalad, adi, bemar angi ulubgi-bogidik-itoleged nikumalagar. We-napneggi be naibi-itodii gumaloed, degi-inigwele, gandik be imakmalo, mer be bengumalo. Ar an burba-isganamar-we-napneg-semamaidgi bato an nakwisad.”

Juan 17:23

Ani an wemarba gudiid, degi, be angi gudimogad. Baba, wemar wargwennayob gumalaga be imake, adi, we-napneggi-dulemar-bukwad mag dakega be an-barmialid, deginbali, mag dakmarbaliga, igi be an-sabgusa, deyobi, be wemar-sabgusmogad.

Juan 17:25

”Baba, bedi dule-innikigwadid. We-napneggi-dulemar-bukwad aku-be-daked. Andi an magar be-daked. Degine, anba-nanaimaladi magar-itomalad be bee, an-barmialid.

Juan 17:6

”We-napneggi dulemar-be-anga-uksadga an be-oyosad, be doa gue. A-dulemar begadinad, be anga uksad. Amar, be-gayaburbaba nanadimalad.

Juan 7:33

Geb Jesús dulemar-e-itobukwadga sogded: —Napi-ichesaar an bemar-abargi gudiid. Dule-an-barmialidse an naesokalid.

Gusmalad 3:21

”Emidi, a-Jesucristo bina nibneggi meggwelergebed, bela Bab-Dummad ibmar nue-nudakedse-mai gugwelergebed. Ar deyob bato Bab-Dummad epenne E-gayaburba-barsogmalad-gwage-swilidikmaladba sogsagusad.

Romanos 12:5

Ar anmar Cristoʼba-nanaimalad deyobmodo, anmar ichesur-gumar-inigwele, Cristoʼgindi anmar san-wargwennaa gued, degine, anmar unnila san-wargwengi bela na akananai gumalad.

Romanos 9:17

Ar Bab-Dummad-Gardagi narmakar naid, deun Bab-Dummad Faraónʼga sogsagusgu: “A-ulale, dummadga an be-imaksad, adi, begi an-gangued an oyogegar, degine, bela we-napneg-naidgi an-nug ogannomalagar.” Éxodo 9:16

1 Corintios 1:10

Gwenadgan, anmar-Dummad-Jesucristo-nuggi an bemarse nue-wilesakwaa an gorsun. Mer na be akar-akar sunmakmar, bela balibi be-bukwa gumar. Bela be-damaladgi, be-binsamaladgi yopira na be binsabukwa gumar.

Gálatas 3:28

Ar emigindi, a-ular, dulemar bar akar-akardeeye soglesulid: Judíoʼmar, Griegoʼmar-ebo bar akarsulid. Maigan, e-itoleged-gudidimalad-ebo bar akarsurmogad. Machergan, omegan-ebo bar akarsurmarmogad. Ar ade, bemar belagwapa soggwennaa Cristo-Jesúsʼgi gunonimalad.

Efesios 4:4

Unnila Jesúsʼba-nanaimalad san wargwennaa gued, degi, Bab-Dummad-Burba wargwennaa gubalid. Degine, Bab-Dummad, abonoleged-igar-soggwennaa-maid-nikuega bemarse gochad.

Filipenses 2:9

A-ulale, Bab-Dummad, Cristo-Jesús dulemar-baiganba bur bule dummadga imaksasunnad. Ega bur dule-baiganba nug-dummarba-gued uksasunnad.

Hebreos 1:3

Bab-Dummad-e-Machi Bab-Dummad-gangued-yeerdakleged nikamogad. Bela Bab-Dummadga-guedi, E-Machi deyob gumogad. Degine, Bab-Dummad-Machi na e-gayaburba-gandik-nikadba, bela ibmar semaid. Bab-Dummad-Machi anmar-isgued-uruknonigu, nibneggi Bab-Dummad-ologana-argan-nuedsik sigidapsunnad.

Hebreos 9:24

Ar Cristo, dulemar-argangi-Bab-Dummadse-goled-neg-sobsadse dogsasulid. Dulemar-argangi-neg-sobaleddi unnila nibneggined-e-wilubgan gued. Cristo nibneg-sunnadse-dogsad, anmar-irwa emigindi Bab-Dummad-asabin gwisgudasunnad.

Santiago 4:4

Bemar ¡Na-abirgunagwarsuli negsichidgi-yoledimaladid! Dule we-napneg-naidbo ai-imakele, Bab-Dummad-e-isdaradga-gunonidaed, ¿ar be wissurmarsi? Ar dule we-napneg-naidbo ai-imakbiele, Bab-Dummad-e-isdaradga gunonidaed.

1 Pedro 1:5

Bemar-Jesucristoʼgi-bensulidba, Bab-Dummad na e-ganguedgi bemar-akwedisunnad. Adi, bemar-abonolesad bemarga-guagwar-sabolesadi, ibagan-berguoedgi-ogwinmaklegoed bemarga oyolegegar.

1 Juan 3:12

Melle Caínʼyobi gumalo. Ar Caín nia-saila-sordasoggu, a-ular, na e-urba-oburgwisad. ¿Ibiga e-urba-oburgwis be insae? Ar ade, ibmar-isgana imaksad. E-urbadi, ibmar-inniki-imaksasoggu, egi nobedba e-urba-oburgwissunnad.

1 Juan 5:19

Anmar wismardo, anmardina Bab-Dummadgad gumalad, degine, bela dule-we-napneg-naidgi-bukmaladi nia-saila-sogedba gudidimalad.

Judas 1:1

Judas, Jesucristo-e-mai, degine, Santiago-e-urba, bemarse garda narmaksiid. We-garda bemarse-gollesmaladse, Bab-Dummad-anmar-babga-gumaidse-sabgulesmaladse, degine, Jesucristoʼgi-sabgules-bukwadse narmaksiid.

Judas 1:24

Ar Bab-Dummad-wargwennaa-gued, anmar-Abonoged, isguedgi-argwansuli sunna anmar-sedii imaked. Degine, e-gangued-nikadbali weligwaledgi e-gangued-yeerdakleged-asabin, mola-binid-gutusuliyobi anmar-ogwiched.

Apocalipsis 15:4

Bab-Dummad, ¿doa be-dobguosuli? ¿Doa be-nug ogannogosuli? Ar bebi unnila dule-isligwaledid. Bela dule-yar-baid-baidgi-bukmalad bese nonimaloed. Amar, Bab-Dummad-be-dakedba, be-nug ogannomaloed. Ar be igar-innikigwad-imaked be oyononikid.”

Apocalipsis 19:12

E-ibya-daklegedi, sooyob-dakleged. E-nonogi, ologurgin-bukidar siid, deginbali, nug narmakar naibalid. We-nug-narmakaled, dule gwen wissulid, unnila na ebi wisid, igi-narmakar nai.

Apocalipsis 4:8

Wemar-ibdula-walabakegwadi bela sakan nergwa (6) nikadbimalad. E-sakan-birgine, degine, e-sakan-urbali, bela ibyagibi dakleged. Mutikidbali, degi, ibginedbali, weyob-soged gwen bogilenaisurmalad: “Bab-Dummad-Bur-Biriginedi, Bab-Dummad-Isligwaledid, Bab-Dummad-Isligwaledid, Bab-Dummad-Isligwaledid. Bab-Dummad-Bela-Gangued-Nikad, gudigusad, Bab-Dummad-Bela-Gangued-Nikad, gudiid, Bab-Dummad-Bela-Gangued-Nikad, gudigubaloed.”