Juan 16:11 - Kuna San Blas

¹¹ ¿Ibiga Bab-Dummad-dule-sabsur-odurdakoedgi sunmakoe? Ar nia-saila bato sabsur-odurdaklesad-ular, we-igargi sunmakoed.

Bab dummad Jesucristoba igar mesisad garda

¹¹ Deginbali, Bab-Dummad-dulemar-sabsur-odurdakoed mag itononimarbaloed, ar ade we-napneggined-e-dummad bato sabsur-odurdaklegoye ega igar-megisad-ular.

Juan 16:11 Iomraidhean Croise

Génesis 3:15

Ome-ebogwa na be isdar-dakdii an be-imakoed. Ome-e-wagwa, be-wagwa-ebo na isdar-dake gumaloed. Ome-e-wagwa be-nonogi annaoed. Bedina e-mali-gasigi onakliksaoed.”

Salmo 68:18

Bab-Dummad-Jehová, niba be nakwisgua, dule-galesmalad beba be sesa gusad. Dulemar-ibmar-bega-binsa-uksad be susad, dule-uayasulidamalad-e-ibmar be susad. Adi, be be-dulamar-abargi gudii guegar.

Mateo 12:18

“We an-mai, anga arbaega an susad. An nue na sabed, an egi nue-weligwar itoged. An-Burba an ega ukoed, ar dulemar-yar-baid-baidgi-bukmaladga igar-naboged-igargi sunmakoed.

Mateo 12:36

Ar andi an bemarga sogdo, ar dule yogasaar galagwensuli sunmaksale, Bab-Dummad-igar-nabogoed-ibagangine, Bab-Dummadga na dukin barsoggwichi gumalodo.

Lucas 10:18

Jesús amarga sogded: “Mer be na san-dummarba itomalo. Nia-saila-Satanás, mar-gaedyob nibneggi argwannali an daksad.”

Juan 12:31

Emigindi, we-napneggi-dule-bukmalad-sabsur-odurdakleged-iba nagunonikid. Emigindi, nia-saila we-napneg-dummadga-gudiid-onoleged-iba nonisunnad.

Juan 14:30

”Bemarga bar suitii an sunmakosulid. Ar ade, we-napneggi-dummadga-gudiid, Nia-saila, danikid. We-dule, angi obinega gangued-sated.

Juan 16:12

”Amba an bemarga ibmar-bukidar-soged-nika-inigwele, an bemarga sogosurmalad, ar ade, bemar aku itomaloed.

Gusmalad 10:42

”Jesús anmarga sogsad: ‘Be an-barsognamar, an-gayaburbagi sunmaknamar, dulemarga sognamar: Bab-Dummad, dulemar-bukwadga, degi, dulemar-burgwismaladga igar-nabogega Jesús-nugsasye.

Gusmalad 24:25

Ar Pablo ega igar-napiragwadgi, na dukin-san-bargaedgi, degi, Bab-Dummad-yoedse-na-igar-nabirogoedgi ega sunmakargu, Félix dobe-itonaded, Pabloʼga sogded: —Emidi be nagwer. Ibagwengi, an binsa-gudiidgi, an gannar bese gorbaloed.

Gusmalad 26:18

Adi, amarga be ibya egaegar, mer negsichidgi bar garmakdii gumalagar, nabir bur gwallu-meegwadgi gudigumalagar, mer nia-saila-Satanás-ganguedba bar-nanamalagar, nabir Bab-Dummad-igarba nanamalagar. Amarse an be-barmid, angi mer bar bengumalagar. Geb degiir, e-isgudiid Bab-Dummad ega elioed, degi, nabir nibneggi angi-akasmaladba ibmar-nued nikumarmogoed.’ ”

Romanos 16:20

Degine, Bab-Dummad-Ulubgi-bogidik-itogega-anmar-imaked, a emisgwasaar nia-saila-Satanásʼgi-nakwed be-imakmaloed. Bemar nia-saila-birgi annasayobi be gumaloed. Anmar-Dummad-Jesucristo bemargi nued binsasun.

Romanos 2:16

Ar igi an Bab-Dummad-Gayaburba-Nuedgi-sunmakdii, deyobi, Bab-Dummad, Jesucristoʼba dulemarga igar-nabononikoed. A-ibagine, Bab-Dummad dulemar-na-gwagegi-ibmar-odukuar-sedimalad magar imaknonikoed. Abali, ega igar nabogoed.

1 Corintios 4:5

Degisoggu, Bab-Jesús-igar-nabogoed-ibagan-danikoed-iduar mer be sogmar: “Dule-wargwen nued arbasye, ichakwa arbasye.” Bab-Jesús-gannar-danikid be edarbemar. Ar a-dule, ibmar-negsichidgi-bukwad gwallu-meegwadse onononikoed. Bab-Jesús dulemar-e-gwagegi-binsanaid osanalogoed. Geb degi, wala-walagwen Bab-Dummad amarga sogoed, “Be nued ibmar-imaksaye.” Geb agi, dule-nug-odummogoed.

2 Corintios 4:4

Ar amar we-Gayaburba-Nued yapa-abingamarsoggu, a-ulale, bab-dummad-we-napneggined amar-binsaed-gassunnad, aku-ito imaksasunnad. Adi, Bab-Gayaburba-Cristo-yeerdaklegedgi-sunmaklesad, mer magar itomalagar. We-Cristo, Bab-Dummad-e-wilub-napiragwad-sunnadid.

Efesios 2:2

bemar we napneggi-igar-mamaidba nanadii gusmalad. Nia-saila-burbar-negsemaidba be ibmar-imakdii gusmalad. Emide, amba a-nia-saila-burba dulemar-yapa-Bab-Dummad-itomaladgi alamaknaid.

Colosenses 2:15

Bab-Dummad bela burbar-gangued-nikamalad-e-gangued, degi, burbar-gandikidba-sunna-ibmar-imakmalad-e-gangued obelosad. Bab-Dummad bela dulemar-wagab, Cristo nakrusgi burgwisgua, we-burbamar-ibgwensuli imaksad, degi, egi nakwisbalid.

Hebreos 2:14

We-mimmigan-sanar-gwalulemaladyobi, we-Jesús, sanar gwalulesmogad. Adi, na e-burgwisadgi burgwed-igar-semaid-e-dummad obelogegar. We-burgwed-e-dummadde, nia-sailad-Satanásʼye nugad.

Hebreos 6:2

Bab-diigi-ogleged-igargi, dulemar-nugsaega egi-argan-mesed-igargi, dulemar-burgwisad-gannar-durgued-igargi, degisadegu-sabsur-odurdaklegoed-igargi, We-igarmargi mer bar gannar-gannar sunmakmarsun.

Hebreos 9:27

Ar dulemarga, unnila irgwenna-burgwed igar maid. Geb a-sorbali, Bab-Dummad ega e-nanasad-igar itogoed.

2 Pedro 3:7

Emi Bab-Gayaburba-sogsadba-nibneg-naidi, degi, napneg-naidi, soo-sailaga sabolenaid, igar-naboleged-ibagan edarbenaid. Degine, dulemar-galagwensuli-isgudimalad-sabsur-odurdaklegoed-ibagan edarbenaibalid.

1 Juan 3:8

Dule isguedgi-nanaedi, we-dule nia-saila-sordado. Ar nia-saila gusgu gebesaila-akale, isgudiguad. Agala, Bab-Dummad-Machi wese sanar-gunonikid, adi, nia-ibmarmar-imaked obelogegar.

Apocalipsis 1:7

Bela-dulemar Jesús-mogir-imbaba-aidedani dakmaloed. Dulemar-Jesús-ewarismalad amba dakmogoed. Bela-dulemar-baid-baid-we-napneggi-danar-danar-bukmalad Jesús-dani-dakdagogu, bodmaloed. Eye, deyob gusun.