Juan 15:8 - Kuna San Blas

⁸ Ar bemar-ibmar-nuegan-imakedba an-Bab-nug odummoleged. Geb degine, bemar an-sapingan-sunnadga gunonimaloed.

Bab dummad Jesucristoba igar mesisad garda

⁸ Ar agi an-Bab-nug odummoleged, bemar gatik ibmar-nuegan-imakedba. Geb degine, bemar an-sapingan-sunnadga gumaloed.

Juan 15:8 Iomraidhean Croise

Isaías 60:21

”Degisoggu, bela innikigwadga be-dulemar guoed, degi, bela be-dulemar napneg gaoed. Sapi-ainiedyob ainidamaloed. Ani an deyob imakoed. An-sunnagwad an imakoed, an-nug odummolegoed.

Isaías 61:3

degi, Sión-dulemar-gwage-nunmak-itodimalad-niga ogannoegar. An-barmialid, nonogi-buru-biin-gudiid-muchub, ega ologurgin ukegar. An-barmialid, wile-itoged-muchub, weligwaledba ega gwallu-wawad ukegar. An-barmialid, bukib-binsadiid-muchub, ega weligwar-itoged ukegar. Geb degine, wemar weyob biledmaloed: ‘Igar-innikigwad-urwar-sapimarye.’ Bab-Jehová na e-gangued-oyogega digsad.

Hageo 1:8

”An-neg gannar-sobega, bemar sapurba urgo aminamala. Anse-goled-neg-soblegoedi an yeerdakoed. Agine an-gangued-yeerdakleged an oyogoed. Ani Bab-Jehová deyob soged.

Mateo 5:16

Debayobi, gwallu gaeyobi, bemar dulemar-asabin damarmogo, adi, dule-baigan be-ibmar-nuegan-imakdiid dakmalagar, degine, be-Bab-Dummad-nibneggi-maid-e-nug ogannomalagar.”

Mateo 5:44

”Ar andi an soged: Be-isdarmalad be sabgumar. Dulemar-be-nug-ichodimaladga, degi, be-baregindimaladga Bab-Dummadse ega be gormar.

Mateo 9:8

Ar dulemar dule-nugusad-dakdegu, geger dakdemalad. Bab-Dummad dulega we-gangued-uksadba, dulemar Bab-Dummad-nug odummodmarsunnad.

Lucas 6:35

”Degisoggu, be-isdarmalad be sabgumar, ibmar-nued ega be imakmar. Ibmar-bei-abeged ega be ukmar, mer gannar-bega-ibmar-uked edarbedii be gumalo. Ar bemarga ibmar-uklegoed bur-dummarba gued. Degine, Bab-Dummad-Bur-Birigined-e-mimmiga bemar gunonikoed. Ar Bab-Dummad bela dulemar-sunnasurdamalad, degi, dulemar-isganamar wiledakmaid.

Juan 13:35

Ar na be muchub-muchub nue sabgumalale, bela dulemar mag be-dakmaloed, bemar an-sapingan gumalad.”

Juan 15:5

”Ani an uva-e-saila-sunnadid, bemardi e-dubmar-giagan gumalad. Ar dule angi akanaile, degine, an egi naimogale, we-dule, bela-bela ibmar-nuegan imaked. Ar be angi ollormalale, gege be ibmar-nuegan imakmalad.

Juan 8:31

Jesús, Judíoʼmar-egi-bengussurmaladga sogded: —Ar bemar an-gayaburba-sunmakedgi nue eba nanaele, bemar an-sapingan-sunnadga gumaloed.

1 Corintios 10:31

Degisoggu, be mas gundibe, be gobdibe, ibu be imakdibe, bela Bab-Dummad-nug-odummogega be imake.

1 Corintios 6:20

Ar Bab-Dummad gargedgi bemar-baksad. Degisoggu, bemar-sangi, degi, bemar-burbagi, Bab-Dummad-nug odummomarsun, ar sogbobela, be-san, degi, be-burba, Bab-Dummadgad gued.

Filipenses 1:11

Ar dulemar Bab-Dummad-nug-odummomalaga, bemar Jesucristo-nuggi ibmar-nueganbi oyodii gumaloed.

Tito 2:10

Degine, mer e-ibe be ibmar atursamaloye. Na be oyoged imakmarye, bemar geg-dulemar-yardakmaladye, adi, begi dakmalagar, Bab-Dummad-anmar-Abonoged-e-Igar, igar-nuedi.

Tito 2:5

nue-binsaed-nikadaedgi, san-swilidik-nanaedgi, neg-nued-akwedgi, nueddaedgi, e-sui-urbaligwa-nanaedgi, adi, dulemar mer Bab-Dummad-Gayaburbagi isdar sunmakmalagarye.

1 Pedro 2:12

Gwenadgan, bemar dule-Bab-Dummad-wissurmalad-abargi nued-nanadii be imakmar. Adi, gakansaar-dule-isganaye-begi-sunmakdimaladi be ibmar-nuegan-imakedbali, a-dulemar, Bab-Dummad-bela-dulemarga-igar-nabodanikid-ibagi, Bab-Dummad-nug odummomalagar.

1 Pedro 4:11

Ar gwenad-wargwen sunmakele, Bab-Dummad-gayaburba-maid-sogedba sunmakoed. Ar gwenad-wargwen dule-bendakele, Bab-Dummad-ega-gangued-ukedba bendakoed, adi, bela e-ibmar-imakedgi Jesucristoʼba Bab-Dummad-nug dunguegar. Ar Bab-Dummad dummarbaa maid, degi, e-gangued-yeerdaklegedba bela degisadegu-negdakmaid egadid. Ar deyobdo.