Juan 15:7 - Kuna San Blas

⁷ ”Ar bemar angi akanaile, degine, an bemarga an-gayaburba-sogsadba be damalale, bemar ibu Babse egisbimala, bela bemarga guoed.

Bab dummad Jesucristoba igar mesisad garda

⁷ “Ar bemar angi akanaile, degine, an-gaya-burba an-bemarga-sogsadba be damalale, ar bemar ibu Babse egisbimala, bela bemarga guoed.

Juan 15:7 Iomraidhean Croise

1 Reyes 3:5

Salomón Gabaón-neggweburgi-gudiun, mutik gabmaigu, Bab-Jehová ese magar-gunonikid. Geb Bab-Dummad Salomónʼga sogded: —Ibu be anse egisbie, an bega imakoed.

Job 22:26

Bab-Dummad-Bela-Gangued-Nikad yeer-ito be-imakoed. Bab-Dummad-asabinni bar be bingeguosulid.

Job 23:12

E-Igar-sogsagusadgi an bangudisulid. E-ibmar-sogsadi, an-gwage-ulubgi an sediid.

Salmo 119:11

Melle begi-isguegala, Be-Gayaburba an-gwage-ulubgi an na sediid.

Salmo 37:4

Bab-Jehováʼgi be nue-wergudii sae. Ar be ibmarbina-sogdiid, Bab-Dummad bega ukoed.

Proverbios 10:24

Dule-isgana, na ibmar-dobgudiid egi aibined. Dule-innikidaeddina, na ibmar-abediid ega nabir gued.

Proverbios 4:4

an-bab an-odurdaksad, weyob anga sogsad: “An-bega-ibmar-soged, ulubgi be nue-sedii imako. An-bega-ibmar-soged be imako. Deyob be imakele, we-napneggi suitii be gudiguoed.

Isaías 58:8

Ar be weyob mas-gunsuli-gudigued imakele, igi-wakudar-dad-ibeler noardae, deyobi be guoed. Boni-be-nikadi, yog-bega nugudoed. Be-igar-inniki-imakedi bega igar egaoed, gandikidba-an-yeerdaklegedi beba gudioed.

Jeremías 15:16

”Bab-Dummad-Jehová-Bela-Gangued-Nikad, be-anga sunmaksagua, bela-belad sogedba an abingasad. An be-gayaburba-itoargua, yeer-ito an-imaksad, ar an begadga gued.

Mateo 7:7

Jesús sogdebalid: “Be Bab-Dummadse ibmar egismar, ar Bab-Dummad bemarga ukoed. Be Bab-Dummadgi ibmar amimar, be amimaloed. Be Bab-Dummadse gole, bega Bab-Dummad yawagak egaoed.

Juan 14:13

An-nuggi bela an-Babse be ibmar egisele, an bega imakoed, adi, Bab na E-Machigi nug ganguegar.

Juan 15:16

”Bemar an-sussurmalad, ani an be-susmalad. An be-susmaladi, adi, bemar ibmar-nuegan imaknamalagar. Degine, bemar-ibmar-saedi, degisadegu guegar. Adi, ibu bela Babse an-nuggi be-egisbimardibe, Bab bemarga ukegar.

Juan 16:23

A-ibagangi bemar bar anse ibmar-egised nikuosurmalad. ”Napira an bemarga soged, bemar an-nuggi Babse ibu egisbimardibe, Bab bega ukoed.

Juan 8:31

Jesús, Judíoʼmar-egi-bengussurmaladga sogded: —Ar bemar an-gayaburba-sunmakedgi nue eba nanaele, bemar an-sapingan-sunnadga gumaloed.

Juan 8:37

An wisi bemar Abraham-wagan gumalad, degi-inigwele, an-ibmar-sogsad be benmalad-ulale, an-oburgwebimalad.

Gálatas 4:2

We-mimmi e-bab-ega-ibmar-ukoye-sogsad-e-ibagan-warmakedse, geb na e-sogedba imakoed. Ar emigindi, dule-baigan a-mimmi akwedigweled, ega ibmar imakdimargweled.

Gálatas 5:16

Degisoggu, bemarga an sogsun: Bab-Burba-sogedba be nanamar, melle be-san-ibmar-imakbiedba be damar.

Deuteronomio 6:6

”Emi-ibagi, we-gayaburba an bemarga-sognaid, nue be-gwage-ulubgi be sedii imakmalo.

Colosenses 3:16

Cristo-gayaburba bela-bela bemar-gwagegi-nai be imakmarsun. Nue-binsaed-nikaa na be muchub-muchub odurdakmar, degi, na be muchub-muchub binsaed-dakmarba. Gwagegi doggus-nuedye-sogedgi, be Bab-Dummadga ega-namaklegedmar, namaklemalad-nuegan, degi, burbar-namaklemalad namakmar.

1 Juan 2:14

Babgan, bemar Cristo-gebesailad-mag-daksamalad-ular, an bemarse garda narmakmalad. Sapingana, bemar dutusurmalad-ular, Bab-Dummad-Gayaburba bemargi-naid-ular, degi, nia-saila-birgi-nakwismalad-ular, an bemarse garda narmakmalad.

1 Juan 2:27

Ar Cristo bemarga Bab-Burba-Isligwaled-uksad amba bemarba gudiid. Degisoggu, dule-baid bemar-odurdaked be abesurmarsunnad. Ar Bab-Burba-Isligwaledi bela ibmarmargi bemar-odurdaked. Ar Bab-Burba-Isligwaledi napiragwadid, gakansulid. Ar igi Bab-Burba-Isligwaled bemar-odurdaksamala, deyobi, Cristoʼgi-akanai bemar gumarsun.

1 Juan 3:22

Ar ibu anmar Bab-Dummadse-egichidele, anmarga Bab-Dummad ukoed. Ar ade, anmar e-Igar-Mamaidba nanadiid, degine, ar anmar Bab-Dummad-asabin ibmar-nuegan imakdiid.

1 Juan 5:14

Ar anmar weyob Bab-Dummadgi-bensulid: Ar anmar e-sogedba ese ibmar egichidele, Bab-Dummad anmar-itoged.