Juan 15:6 - Kuna San Blas

⁶ Ar angi dule akanaisulile, uva-dub-giagan-miled-daedyobi melledoed. We-uva-dub-giagan dingudoed, geb degi, dulemar weemalogu, soogi-ogumakega midmaloed.

Bab dummad Jesucristoba igar mesisad garda

⁶ Ar angi dule akanaisulile, melledoed, igi uva-dub-giagan miled-daedyob. We-uva-dub-giagan dingudoed, geb degi dulemar wemaloed, geb degine soogi midmaloed ogumakegar.

Juan 15:6 Iomraidhean Croise

2 Samuel 23:7

Dule a-gagan-weebiele, esgorogi weed, sulile, suargi weebalid. Geb a-gaganmar soogi yog-ogumakar imakleged.”

Job 15:30

Burgwedgi wakinnosulid, sapi-gannar-ainiardaed soogi-gummakeyob guoed. Ar Bab-Dummad unnila e-bunnogedgi we-dule-obelogoed.

Salmo 80:15

Be-sunnad we-uva-dub be digsagusad. Begadga-guega e-ana be odummosad.

Isaías 14:19

Ar bedi napa-ulugi-maidgi be-onosmalad, igi durgan-nunud mileddae, deyob be-imaklesad. Dule-es-suidgi-oburgwilegar-burgwismaladi, neg-uluba-melledmaladi, bela be-omurus mamaid. Dule, muigi dii-dii-annasadyobi be dakleged.

Isaías 27:10

”Ar neggwebur-gandikid-siid bela oitoles siid, neg olloo mellesiid. Igi-nega-dulesulidganba dule sate, deyobi siid. Moli-bebe-nikad-senigwad-gagan-maed-negga guded, moli-bebe-nikad-senigwad-obunnoged-negga guded. Sapi-gaganmar bela ese bergued.

Ezequiel 17:9

”Ega be sogbali, Bab-Jehová-Bela-Gangued-Nikadi weyob sogbarye: ‘¿We-uva-dubde, nasguo be ebinsae? ¿Sulubagide, bela sailanagase uva-ungosur be ebinsae? ¿E-sanmar e-ibe obatosur be ebinsae? ¿Degidba uva-dub odinguosur be ebinsae? Eye, uva-e-muumar-dutugwad dingudoed. Sailanagase-ungegala, arbaed-dummad abelegosulid, dulemar-bukidar abelegosurbalid.

Mateo 13:41

Ar Dule-Machi na e-baliwiturmar-barmidagoed, e-negdakmaidgi dulemar-ibmar-ichodimalad, degi, ibmar-isgana-imakdimalad, soo-sailase-ogumaknaega, weenonikoed.

Mateo 27:5

Geb degi, Judas Bab-Dummadse-goled-neggi mani-mide nadsunnad. Geb agi na dukin gammu gadapid.

Mateo 3:10

”Deginbali, ar bato akan guar sapi-maligi yoid. Degisoggu, sapi nue-sanmaksulile, a-sapi ogumaklegega siklegoed, soogi melledoed.

Mateo 7:19

”Ar sapimar e-durba nued sanmaksulile, olalegodo, soogi ogumaklegodo.

Juan 15:2

An-dub-gigwengi e-san nagusulile, an-Bab siked. Ar an-dub-gigwengi e-san nairdina, bur bule sanmakega, an-Bab nue-nudaked.

Hebreos 10:27

Deyob anmar isgusale, unnila sabsur-odurdakleged, degine, Bab-Dummad-e-isdarmalad-soo-gwabunye-siidgi-odurdaklegoedi, an edarbedimarsunnad.

2 Pedro 2:20

Ar dulemar anmar-Dummad-Jesucristo-anmar-Abonoged-wisgunonikidba we-napneggi isguedgi anmar bachikgunonikid. Geb a-sorba, gannar a-isguedgi gannar bipirmakder, agi gannar nanaarbalir, epenne-daedba bur bule ege gunonidaed.

1 Juan 2:19

We-dulemar anmar-sordasurmarsoggu, anmargi nodmarsunnad. Ar we, anmar-sordamalana, anmarba amba akanai gumaloenad. Emigindi, mag daklemalaga anmargi nodmalad, we-bela-anmarba-gudidiid, bela anmar-sordasurmarye.

Apocalipsis 20:15

Ar dule, dule-dula-gudimaloed-e-nug-narmakaled-gardagi e-nug-naisuliddi, soo-mata-dummad-gwakwarmaksiidgi melleded.

Apocalipsis 21:8

Dule-doberbamaladdi, angi-gadi-bengumaladdi, ibmar-isgana-imakedba isdar-daklemaladdi, dule-gindakmaladdi, na-abirgunagwarsuli-negsichigi-yoledimaladdi, ina-isganagi-dulemar-yardakmaladdi, bab-dummaganga-imaklegedse-gormaladdi, degine, bela dule-gakansilimaladdi, soo-mata-dummad azufreʼba-mesa-gwakwarmaksiidgi melledmaloed. Ar we, burgwed-ilabogwad gued.”