Juan 15:14 - Kuna San Blas

¹⁴ Bemar an-ibmar-sogedba be ibmar imakmalale, be an-aimardo.

Bab dummad Jesucristoba igar mesisad garda

¹⁴ Bemar an-aimar gumalad, ar an-ibmar-sogedba be ibmar imakmalar.

Juan 15:14 Iomraidhean Croise

1 Reyes 4:5

Natán-machi-Azarías, dule-negsedimalad-e-dummadga megisad. Natán-machi-Zabud, dule-irwa-Bab-Dummadse-goledga megisad, degi, reyga-binsaed-ukedga megisbalid.

2 Reyes 18:6

Ezequías Bab-Jehováʼga inniki nanasad, degi, gwen egi aibachasulid. Bab-Jehová-Moisésʼga-Igar-Islidikid-uksadba nanasad.

2 Crónicas 20:7

Anmar-Bab-Dummad, bee be Israel-dulemar-wagab, we-yargi dulemar-bukwad onisad. Bee, be-ai-Abraham-e-waganga, a-yar degisadegu ega be uksad.

Éxodo 7:6

Moisés Aarón-ebogwa ar igi Bab-Jehová ega sogsa, aba bela imaksamalad.

Proverbios 18:24

Dule, aimar-nikale, aigwar guergebed. Abar-aimar nikad, gwenad-gargwenadba bur bule walikaa daed.

Cantares 5:1

Be, an-ome-nue-sabesailad, an-bunbalid. An-dutugaluse an dogsad, agi an-mirra-wawadikid an aminonikid, agi an-ina-wawadikid an sunonikid. Agi an-achanis an nue-masad, agi an-achanis-e-uu an nue-guchabalid. Agi vino an nue-gobsad, nunis an nue-gobsabalid. An-aimar, mas-nued be gunmala, gatik be gobmarbali, immee gudii be imakmala.

Isaías 41:8

Bab-Jehová sogdebalid: “Israel, bedi an-maiga gued. Be, Jacob-wagan, an bemar-susadid, An-ai-Abraham-wagan be gumalad.

Jeremías 32:23

A-yala susmargu, degi, ese dogsamargua, bar be-sogedba ibsassurmalad, Be-Igar-Maidba dassurmarbalid. Degine, ega be igar-uksadba gwen ibmar-imaksasurmarbalid. A-ulale, egi be bela we-bonigan barmialid.

Ezequiel 12:7

Ar igi anga ibmar-soglesa, deyobi, an ibmar-imaksad. Neg-ibgine, an-mor-dukwa an onosad, ar igi dule yargi-yamo-yogasaar-ononnolenaidyobi, an nodoed. Sedogudgua, galugine an yaa ollomaksad. Geb mutikgudgua, bela dulemar-wagab an-mor-dukwa yarganba-nai an noded.

Mateo 12:50

Ar doa-dule an-Bab-nibneggi-maidba, ibmar imakele, ar a, an-nando, a, an-bundo, a, an-urbamardo.

Lucas 12:4

Jesús sogdebar: “An-aimar, an bega sogmar: Dulemar-be-oburgwebimalad mer be dobgumar. Ar a-sorbardina, geg bar be oakalomalad.

Juan 13:17

Ar we-ibmar bemar bato wismarsoggu, bemar eba imakele, bemargi nued binsalegodo.

Juan 14:15

Jesús sogdebar: “Ar be an-sabmalale, an-igar-mamaidba be damaloed.

Juan 14:21

Ar dule, an-igar-mamaid sediile, degine, ar aba gudiile, we-dule, nue-an-sabed. Ar dule, an-sabele, an-Bab a-dule sabgumogoed. An a-dule sabgumogoed, degine, an ese magarobaloed, an doa-dule gue.”

Juan 14:28

”An-bega-sogsamaladi be an-itosmalad: ‘An nae, gannar an bemarse danibaloed.’ Ar bemar an-sabmalana weligwar be itosmalanad. Ar ade, an bemarga sogsad an-Babse an naesokarye. An-Bab anba bur dummadid.

Juan 2:5

Jesús-e-nan, neg-ibed-e-maiganga sokalid: —Jesús, ibi imakye bemarga sokalile, a-sogedba, bela be imakmalo.

Santiago 2:23

Deyobi, Bab-Dummad-Garda-narmakar-maidba gunonikid: “Abraham Bab-Dummadgi bengussulid. A-ulale, Bab-Dummad Abraham-isgussuliyob daknonikid.” Génesis 15:6 Abraham Bab-Dummad-e-aiye bilenonisunnad.

1 Juan 5:3

Ar Bab-Dummad-sabgulegedi, E-Igar-Mamaidba-nanalegedgi sabguleged, ar E-Igar-Mamaid dutusursulid.

Rut 3:6

Geb agi Rut, sapurba cebada-omukuleged-neg-siidse nadegusad. E-saka-ega-bela-ibmar-sogsad imaksad.