Juan 15:1 - Kuna San Blas

¹ Jesús sogdebalid: “Ani an uva-e-saila-sunnadid. An-Babdi agi arbaedid.

Bab dummad Jesucristoba igar mesisad garda

¹ “Ani an uva-e-saila-sunnadyobid, an-Babdi agi-arbaedyobmogad.

Juan 15:1 Iomraidhean Croise

Cantares 7:12

Neg-oibosale, anmar uva-nainuse naoed, abakale, e-muumar ainisale, abakale, e-dutumar-ainisale, abakale sapi-granada-e-dutumar ainisale. ¡Agi an bega sabgued oyogoed!

Isaías 4:2

A-ibagangine, Bab-Jehová, sapi-siklesad gannar ainiega imakoed. We-sapi-gannar-ainioedi, yeerdaklegedga guoed, degi, gandikidba-yeerdaklegedga gubaloed. Ibmar-durbamar-welemaloedi, Israel-dulemar-besmalad-e-nug-odummogega guoed, degi, e-nug-ogannogega gubaloed.

Isaías 60:21

”Degisoggu, bela innikigwadga be-dulemar guoed, degi, bela be-dulemar napneg gaoed. Sapi-ainiedyob ainidamaloed. Ani an deyob imakoed. An-sunnagwad an imakoed, an-nug odummolegoed.

Isaías 61:3

degi, Sión-dulemar-gwage-nunmak-itodimalad-niga ogannoegar. An-barmialid, nonogi-buru-biin-gudiid-muchub, ega ologurgin ukegar. An-barmialid, wile-itoged-muchub, weligwaledba ega gwallu-wawad ukegar. An-barmialid, bukib-binsadiid-muchub, ega weligwar-itoged ukegar. Geb degine, wemar weyob biledmaloed: ‘Igar-innikigwad-urwar-sapimarye.’ Bab-Jehová na e-gangued-oyogega digsad.

Jeremías 12:10

Bukidar dule-isdarmalad-e-dummagan, an-uvaʼmar-digaled obelosad, an-nainu bela oichosmalad. An-nainu-yeerdaklegedi, nega-dulesulid-ollonaidga imaksamalad.

Jeremías 2:21

Uva-dub-nuediyobi, an bemar-digsanad. Bela uva-muu-nueganyobi an bemar-digsanad. Ibiga emide be, ¿uva-muu-isgana-diglesayobi, be gusa?

Ezequiel 19:10

” ’Be-nan uva-digaled-abargi uva-dubyobi, dii-dikarba digar-gwichi gusad. Ar bela-bela dii-sugwissoggu, yaisur-sanmakgwichi gusad, yaisur-aramakgwichi gusbalid.

Oseas 10:1

Oseas sogdebalid: “Israel-dulemar uva-saila-yeer-sanmakedyob guenad, ichesuli sanmakdaenad. Ar bur bukidar-sanmakdedaed-inigwele, aka bur bab-dummadyob-imaklemaladga bukidar ailamar sobdedamalad. Ar e-yar nue-nasguddaed-inigwele, aka bur bule e-bab-dummaganga ailamar yeerdakle imakdedamalad.

Zacarías 3:8

” ’Dule-irwa-Babse-goled-bur-dummad-Josué, nue be itogo. Be-sordagan-be-asabin-sigdimaladi, nue itomarmogo. Ar bemar yoedse-ibmar-guoed-wilubga gumalad. An-mai sapi-siklesad-gannar-ainieyobid an sedasokalid.

Mateo 15:13

Jesús, abin-sogded: —Ar an-Bab-nibneggi-maid sapi-digsasulidi, e-sailanagase a-sapi ungoed.

Mateo 20:1

Jesús sogdebalid: “Ar Bab-Dummad-e-negdakmaid weyobdo: Dule-wargwen neg-neguya-sediid, wakudar neggi nodgua, e-nainugi-ega-arbamalaga dule-ega-arbamalad aminaded.

Mateo 21:33

Jesús Judío-dummaganga sogdebalid: “Igar-burbar-baid-maid be itomarbalo: Ibagwengi dule-wargwen-nainu-ibedi, e-nainugi na uva-digsad. Geb bela egi galu ebiris-imaksad. A-abargi uva-egured sobsabalid. Geb degi, bela nainugi nakulegegala, aila-matusulid sobsabalid. Dule-nainu-ibed dulemar-arbamaladga e-nainu-urmaksad, adi, a-dulemar nainugi uva-wealir, e-ibedga wis ukmogagar. Deyob ebo igar mesisad. Geb nainu-ibeddi neggwebur-baidse dikasur nadsunnad.

Marcos 12:1

Geb degine, Jesús dulemarga burbar sunmakdesunnad: “Dule-wargwen nainugi uva-digsad. Ber ebilis emaksad, agi uva-egured-neg sobsad, degi, nakulegega neg-warakgwagad-matusulid sobsabalid. Geb nainu-ibed dule-arbamaladga e-nainu manigi-urmaksad. Nainu-ibeddi dikasur neggwebur-baidse naded.

Lucas 13:6

Weyob Jesús burbar sogdegusbalid: “Ibagwengine, dule-wargwen na e-nainugi higuera-sapi digsagusad. Higuera-sapi-san-maked omosgu, e-san-aminonigu, sate daknonikid.

Juan 1:17

Ar Bab-Dummad Moisésʼba dulemarga igar mesisad, dulemar igi nanaergebe. Ar Bab-Dummad na e-nue-sabeddi, degi, e-igar-napiragwaddi, Jesucristoʼba anmarga uknonikid.

Juan 1:9

We-gwallu-meegwad we-napnegse-danikidi, napiragwadid. We-gwallu-meegwad bela dulemarga neg-mee imaked.

Juan 15:2

An-dub-gigwengi e-san nagusulile, an-Bab siked. Ar an-dub-gigwengi e-san nairdina, bur bule sanmakega, an-Bab nue-nudaked.

Juan 6:32

Jesús amarga sogded: —Napira an bemarga soged, Moisés bemarga madu-nibneggi-danikid uksasulid. Ar an-Bab madu-nibneggi-danikid-sunnad bemarga uked.

Juan 6:55

Ar an-sana, masgunned-sunsogedid, degine, an-abe, gobed-sunsogedbalid.

Romanos 11:17

Ar Israel-dulemar sapi-olivo-nuegan-anaganyobid. We-sapi-anagan-abala siklesad. Bemar-Judíoʼsurmaladdi olivo-sapi-isganayobid. Sapi-anagan-napiragwad-siklesad-ular, bemar e-war-sunnadgi gwadilenonimalad. Emigindi, e-mali-bakadga, degine, e-gichi-sunnad-bakadga be gunonimarsunnad.

1 Corintios 3:9

Ar anmar unnila Bab-Dummadga-bulakwa-arbamalad gumalad. Bemar Bab-Dummad-nainuyob gumalad, bemar Bab-Dummad-neg-soblenaidyob gumalad.

1 Juan 2:8

Degi-inigwele, igar-binid an bemarse narmaksiid. Ar we-igar-napiragwad Cristoʼgi oyoleged, degine, bemargi we-igar napiragwad oyolemogad. Ar ade, negsichid bato bergumaid, gwallu-napiragwad bato mee ganaid.