Juan 14:23 - Kuna San Blas

²³ Jesús abin-imakdegu, sogded: —Ar dule an-sabele, an-gayaburba-sunmakedba daoed, degine, an-Bab a-dule-sabgumogoed, degine, anmar a-dulegi-megega ese nonikoed.

Bab dummad Jesucristoba igar mesisad garda

²³ Jesús abin-imakdegu, sogded: —Ar dule an-sabele, an-gaya-burba-sunmakedba daoed, degine, an-Bab a-dule-sabgumogoed, degine, anmar a-dulese danikoed, a-dulegi megegar.

Juan 14:23 Iomraidhean Croise

Génesis 1:26

Geb degi, Bab-Dummad sogdebalid: “Emisgindi, anmar, dule-obinyesun, anmar-sunnague anmar imakoed. Dulede, we-ibmar-durganmargi gangued-nika guoed: Uamargi, nuumargi, ibmar-durgan-sunna-akwilemaladgi, ibmar-durgan-sapurbarmaladgi, ibmar-durgan-napagi-garmakdimaladgi, bela we-ibmarmargi we-napneggi gangued-nika guoed.”

Génesis 11:7

A-ulale, anmar aidenaergebed, ei gaya oburnaegar, adi, na aku itomaloed.”

Salmo 90:1

Bab-Jehová, be anmarga degisadegu, anmar-dukuedga gudiguad.

Salmo 91:1

Dule, Bab-Dummad-Bur-Biriginedgi-dukued-amiedi, Bab-Dummad-Bela-Gangued-Nika-Maid e-edarbedga guoed.

Isaías 57:15

Ar ade, ani an Bab-Dummad-degisadegu-maidid, an-nuga Isligwaledid, weyob an soged: Ani an niba-maid, neg-isligwaledgi an maid, degi, dulemar-bukib-binsadimaladgi, degi, gwage-eikwaa-imakmaladgi an burbar maibalid. Adi, dulemar-gwage-eikwaa-imakmaladga niga-ogannogegar, degi, dule-bukib-binsadimalad baisur-ito imakegar.

Juan 10:30

Ani, an-Babbo, anmar wargwenna gued.

Juan 14:15

Jesús sogdebar: “Ar be an-sabmalale, an-igar-mamaidba be damaloed.

Juan 14:17

Dule-Bab-Dummad-wissurmalad gege we-Burba-Napiragwadi, abingaed. Ar ade, sanar daksurmalad, deginbali, amba aku dakmarbalid. Ar bemardi, we-Burba-Napiragwad mag-daked, ar bemarba gudiid, degine, bemargi gudii gubaloed.

Juan 14:21

Ar dule, an-igar-mamaid sediile, degine, ar aba gudiile, we-dule, nue-an-sabed. Ar dule, an-sabele, an-Bab a-dule sabgumogoed. An a-dule sabgumogoed, degine, an ese magarobaloed, an doa-dule gue.”

Juan 14:24

Ar dule an-sabsulile, an-gayaburba-sunmakedba daosulid. Bemar an-ibmar-sogsad-itosmaladi, an-itolegedba an ibmar sogsasulid. An-Bab-an-barmialid-sogedba an ibmar soged.

Juan 15:10

Ar igi an an-Bab-Igar-Mamaidba an dae, degi, e-sabguedgi an akanai, deyobi, bemar an-igar-mamaidba-daele, an-sabguedgi bemar gudii gumarmogoed.

Juan 16:27

Suli, degisuli. Ar bemar an-sabgusad-ular, degine, Bab-Dummadgi-an-danikid-bengussurmalad-ular, Bab na e-sunnad bemar-sabmogad.

Juan 6:56

Ar dule-an-san-gunmalad, degi, an-abe-gobmalad, anginbi gudigumalad, degine, an egi gudigumogad.

Juan 8:51

Napira an bemarga soged, dule an-gayaburba-sogedba-daele, we-dule burgosulid.

Juan 8:52

Geb degi, Judíoʼmar Jesúsʼga sogdemalad: —Emigindi, anmar nue-wisdo, begi nia naid. Abraham, degi, Bab-Dummad-gayaburba-barsogmaladdi burgwismalad. Emide, bedi soged: ‘Ar dule-wargwen an-gayaburba-sogedba-daele, burgwed itogosurye.’

2 Corintios 6:16

Degine, ¿Bab-Dummadse-goled-neg, bab-dummadga-imaklemalad-ebo sunna emar guo be insae? Suli, geg gued. Ar ade, bemar Bab-Dummad-Dula-Maid-goled-negga gumalad. Igi Bab-Dummad na sogsagusa: “Amar-abargi an gudiguoed, amarba an nanadioed. Ani an E-Bab-Dummadga an guoed, degine, amar an-dulamarga guoed.” Levítico 26:12; Ezequiel 37:27

Efesios 3:17

Adi, bemar ulubgi Cristo-bensulidba, Cristo bemar-gwagegi megegar. An Bab-Dummadse bemarga egisbar, ar bela-bela-sabguedgi ise-diglegaledgi,

1 Juan 2:24

Gebesaila-gayaburba-bemar-itosad, be-gwagegi-naigu be imakmar. Ar gebesaila-gayaburba-bemar-itosad bemargi naiguale, bemar Bab-Machigi, degine, Babgi-akanai gumaloed.

1 Juan 2:5

Ar dule-wargwen Bab-Dummad-Gayaburba-Maidba ibmar-saele, we-dulegi Bab-Dummad-sabgued nue nasgumaido. Ar agi anmar wisgusunnodo, anmar Bab-Dummadgi nue-akanaimarye.

1 Juan 4:4

Mimmigan-sabesailamalad, bemar Bab-Dummadgad gumalad. Bemar we-dule-gakansamaladgi be obichamalad. Ar Bab-Burba-bemargi-maid bur we-napneggined-burbaba bur dummad.

1 Juan 5:3

Ar Bab-Dummad-sabgulegedi, E-Igar-Mamaidba-nanalegedgi sabguleged, ar E-Igar-Mamaid dutusursulid.

2 Juan 1:6

Bab-Dummad-Igar-islidikid-maidba-nanaedgi, sabgued oyoleged. Ar bemar negasailaun-akale, we-igar-islidikid-maid-bega-sognaid bato itodimalad, na be sabgudii nanamarye.

Apocalipsis 21:22

We-neggweburgi Bab-Dummadse-goled-neg sii, an daksasulid. Ar ade, Bab-Dummad-Bur-Birigined-Bela-Gangued-Nikadi, degi, Sibad-Wawaad-Mimmi na Babse-goled-negga gubukwad.

Apocalipsis 21:3

Geb degi, nibneggi gayaburba binnasur gole an itosad. Weyob soged: “Emigindi, Bab-Dummad-meged-neg dulemar-abargi signonisunnad. Bab-Dummad dulemar-abargi gudigusunnoed. Dulemar Bab-Dummad-sordamarga gunonikoed. Bab-Dummad-sunnad we-dulemar-e-Bab-Dummadga gumogoed.

Apocalipsis 22:3

Agine, bar ukabsaleged nikuosulid. A-neggweburgi Bab-Dummad-ologana, degi, Sibad-Wawaad-Mimmi-e-ologana, sii guoed. Agi e-maimar ega nug odummobukwa guoed.