Juan 13:8 - Kuna San Blas

⁸ Pedro, Jesúsʼga sogded: —Be an-nag enukosur guoed. Jesús, abin-sogded: —An bega nag-enuksulile, geg be an-sapinga gued.

Bab dummad Jesucristoba igar mesisad garda

⁸ Pedro, Jesúsga sogded: —An-nag be enukosurguoed. Jesús, abin-sogded: —An bega nag enuksulile, geg be an-sapinga gued.

Juan 13:8 Iomraidhean Croise

Génesis 42:38

Ar Jacob e-machi-abin sogded: —An-machi-Benjamín bemarba naosuli. Benjamín-e-ia-José burgwisad. Unnila Benjamínʼbi napi-anga gudiid. Ar bemar nasokalidba, igarba Benjamín akar-gusale, ar bemargindo. Ar an seredgusad, bukib-binsaedba an burgwisar, bemargindo.

2 Samuel 20:1

Degi-neg-gunaidgi dule-isgana, Benjamín-dule Bicri-machi-Seba gudimogad. A-dule gar-trompeta ogote gusad, degi, iseedi sunmakded: “¡Israel-dulemar, bela e-neg-e-negse namalo, anmar Davidʼba naguosuli, Isaí-machiba ibmar-nued anmar amiosulid!”

1 Reyes 12:16

Israel-dulemar, Rey-Roboam e-itossuli daksamargua, weyob sogdemalad: “¿Ibiga anmar bar David-e-gwenadganba naguosunna? ¡Ar anmar Isaí-wagwaba bar ibmar nikuosulid! Degisoggu, ¡Israel-dulemar! ¡E-neg-e-negse namalo! ¡David-wagwa, be-gwenadganbi na be sedii gusunno!” Agi, Israel-dulemar e-neg-e-negse nadegusmalad.

Salmo 51:2

Bela an-ibmar-isgana-imaksad be anga obeloge. Bela an-isgued be anga osuloge.

Salmo 51:7

An swilidik-guega, hisopo-gagangi be an-nudake. An boo-sibudikidba bur bule sipuu guega, swilidik be an-imake.

Isaías 4:4

Bab-Dummad, sabsur-odurdakleged-igar mesnonikile, degi, geb sabsur-odurdakdele, omegan-Sión-yalaginmalad-e-isgued osulogoed, degi, Jerusalén-dulemar-ablis-eosmalad-e-isgued elioed.

Ezequiel 36:25

Dii-diregwadgi an be-ogoed, geb bemar swilidik gumaloed. Bela be-isgusadgi, degi, be-bab-dummadyob-ibmar-imakleged-e-nug-odummosadgi, an swilidik be-imakmaloed.

Zacarías 13:1

Bab-Jehová sogdebalid: “A-ibagine, Rey-David-e-gwenadgan-e-isgued-eliega, degi, Jerusalén-dulemar-e-isgued-eliega, dii ariomai guoed.

Mateo 16:22

Pedro, deyob-Jesús-sogsad-itosgu, bachikii Jesús-sesad, Jesúsʼga sabsur-ibmar sogded: —¡Dummad! Deyob be gued, sate. Ar bela we-ibmar-be-sogsadi, guosulid.

Mateo 21:29

Machi, e-bab-abin-imakded, sogded: ‘Yapa an nae.’ Geb a-sorba, bukib-itoargu, nadegusad, arbanad gusad.

Mateo 26:33

Pedro, abin-sogded: —Bela begi bangudmalale, andi begi gwen banguosulid.

Mateo 26:35

Pedro, abin-sogded: —Ar an beba burgweye sogele, amba an be-osulogosulid. E-sapingan-baigan bela degibi sogdemarmogad.

Juan 13:6

Geb degi, Jesús Simón-Pedroʼse nonikid. Geb Pedro ega sokalid: —Dummad, ¿be anga nag enukode? Sulirgebed. Be anga nag enukosulid.

Juan 13:9

Geb degi, Simón-Pedro Jesúsʼga sogdesunnad: —Dummad, ar be deyob-sogele, an-nagbi be anga enukosulid. An-argan, an-nono be anga enukbalirgebed.

Juan 3:5

Jesús, abin-sogded: —Napira an bega soged, ar dule diigi, degi, Bab-Dummad-Burba-Isligwaledgi gwalulesulile, gege Bab-Dummad-e-negdakmaidse doged.

Gusmalad 22:16

Emide, ¿ibu be bar abdaksunna? Be gwisgue, Bab-diigi-ogleged-igargi be obnasun. Jesús-nuggi Bab-Dummadse be gorsun, adi, ulubgi be gwage-isgunaid bega eliegar.’ ”

1 Corintios 6:11

Bemar epenne gwenna-gwenna deyob nanadii gusmalanad. Emigindi, bemar, gwage uruklesmalad, gwage-swilidik gusmalad, isgussuliyob Dummad-Jesús-nuggi, degi, Bab-Dummad-Burbagi bemar gunonimarsunnad.

Efesios 5:26

Ar Cristo, deyob eba-nanaimalad E-Gayaburba-sogedba, degi, Bab-diigi-ogleged-igar-imaklegedba swilidik imaksad.

Deuteronomio 12:12

Be-Bab-Dummad-asabinni bela bemar wergumaloed: Be, be-masmala, be-bunamala, be-maigan-machergan, be-maigan-omegan, degi, Levita-dule-be-abargi-gudidimalad. Amala, be-Bab-Dummad-Jehová-asabin bela bemarba wergumaloed. Ar ade, Levita-dulemargardi bemarba nainu ega uklegosulid.

Colosenses 2:18

Dulemar-na-yamo-san-bipi-imakdimalad, degi, baliwitur-nug-odummodimalad, mer Bab-neggi-be-ibmar-nued-maid begi sued be imako. Ar amardi, ibmar-daksasuli binsa gordiid, degi, na e-galagwensuli-binsaedba san-odummodimalad.

Colosenses 2:23

Ar napiragwad, we-ibmar igar-nuedyob dakleged, ar ade, dule-wiledakedgi, na san-bipi-imakedgi, degi, sabsur na-san-saedgi dule-odurdaked. Ar degi-inigwele, we-ibmarmar anmar-isgubiedgi geg anmar-bendaked.

Tito 3:5

Bab Dummad wile-anmar-daksadba anmar-abonononikid. Anmar ibmar-innikii-imaksadbarsulid. Bab-Dummad-Burba-Isligwaled-uksadba anmarga isgued-elinonikid, burba-dulad anmarga uknonikid. Deyob anmar-abonononikid.

Hebreos 10:22

A-ulale, gwagegi-innikigwadgi Bab-Dummadse an namarsun. Nue-Jesúsʼgi-bensulidgi, galagwensuli-ulubgi-binsaed-bela-elilesadgi, degi, dii-swilidikidgi nue-san-enuklesadgi, Bab-Dummadse an namarsun.

Apocalipsis 1:5

Ar Jesucristo we-ibmar-napiragwad-daksadid, e-inse-durgusadid, reymar-napneggi-negsemamaid-e-dummadid. We-Jesucristo anmar-sabgusadid, e-abegi anmar-isgued-osulononikid.

Apocalipsis 7:14

An ega sogded: “Dummad, be wisid, wemar, doa gumala.” Geb anga sogdebalid: “Wemala, ise-nue-wilegagwar-gudigusmaladgi nosmalad-dulemalad. Wemar, na-e-mor Sibad-Wawaad-Mimmi-e-abegi enuksamaladid, agi sibudik na e-mor imaksamalad-dulemalad.