Juan 13:34 - Kuna San Blas

³⁴ ”Igar-binid an bemarga ukmarsunnad. Na be muchub-muchub sabgumalo. Ar igi an be-sabgusmarmoga, deyob be muchub-muchub sabgumarmogo.

Bab dummad Jesucristoba igar mesisad garda

³⁴ “Igar-binid an bemarga ukmarsunnad, na be muchub-muchub na be sabgumar, ar igi an be-sabgusmarmoga, na deyob be muchub-muchub sabgumarmosun.

Juan 13:34 Iomraidhean Croise

Salmo 119:63

Ani an, dulemar-be-dobekwaa-nanadimalad-e-aid. Ani an, Be-Igar-Islidik-Mamaidba-nanadimalad-e-aid.

Salmo 16:3

Dule-gwage-swilidikmalad we-yargi-bukmaladgi an yeer-itoged. Dule-gwage-inniki-gudimaladgi an yeer-itoged.

Levítico 19:18

Melle be-dulemar be buged-mai imako, deginbali, melle isdar-dakdii be gubalo. Ar igi na be san-sabgue, deyobi dule-baid be sabgumogoed. Ani an Bab-Jehová gued.’ ”

Levítico 19:34

We-dule-bemar-abargi-maidi, be-negginedyob be dakmalo. Ar bemaryobgusoggu, be nue sabgumalo. Be insamalo, Egipto-yargi, be-yarsulidgi, be deyob gudii gusmarmogad. Ani an bemar Bab-Dummad-Jehová gued.

Mateo 5:44

”Ar andi an soged: Be-isdarmalad be sabgumar. Dulemar-be-nug-ichodimaladga, degi, be-baregindimaladga Bab-Dummadse ega be gormar.

Juan 15:17

We an bemarga sogmarsun: Na be muchub-muchub sabgumar.”

Juan 17:21

Adi, bela-angi-bengussurmalad unnila wargwennayob guegar. Baba, ar igi be angi gudii, degi, an begi gudimoga, deyobi, angi-benguosurmalad anmarba wargwenna-gudiguega be imakmo, adi, dulemar-we-napneggi-bukwad be-an-barmialid mer bengumalagar.

Romanos 12:10

Na be muchub-muchub sabgumar, na gwenatigwale be sabgumar. Na be muchub-muchub dummaganyob be dakmar.

Romanos 13:10

Ar be dule-baid-sabele, geg egi be ibmar-isgana imaked. Degisoggu, dule-baid-sabguedi, we bela-Igar-Maidba nanaedid.

Romanos 13:8

Melle dule-baidgi mani-gani-gudii be imakmar. Bur na be muchub-muchub sabgued-oyodii gumar. Ar ade, be dule-baid sabele, Moisés-Igar-Maidba be imaksamardo.

Gálatas 5:22

Bab-Burbadi, weyob dule-dae imaked: Dule-sabee-nanae imaked. Weligwar-itoge imaked. Ulubgi-bogidik-itoge imaked. Ukurmakar-ibmar-imaksuli imaked. Yeer-itogedgi-dulemar-bendake imaked. Emargi-nueddae imaked. Bab-Dummadgi-bensulidae imaked.

Gálatas 5:6

Ar Cristo-Jesúsʼgi-akanimaladgi, dule-abgan-uka-duku-sikaled, degi, dule-abgan-uka-duku-sikarsulid-ebo gwen akarsulid. Unnila dulemar Bab-Jesúsʼgi-bensulidba sabedgi-ibmar-imaked bur napiragwad.

Gálatas 6:10

Degisoggu, anmar ibmar-nued-imaked-nikale, bela dulemarga ibmar-nuegan imakmalo. Bur buledo, gwenadgan-Jesúsʼba-nanaimaladga ibmar-nuegan-imaked.

Gálatas 6:2

Wilubdakleged begi nonimalale, na be muchub-muchub ogannomalo, na be bendakmalo. Ar deyob be imakmalale, Cristo-igar-maidba be nanadimardo.

Efesios 5:2

Degi, sabguedgi be nanamar, ar igi Cristo anmar-sabgusmoga, degine, ise-wawadik Bab-Dummadga ibmar-ogumakar-uklegedyob anmar-ular na e-san uksamoga, ayob be nanamar.

Colosenses 1:4

Ar anmar be-itomalad, bemarde Cristo-Jesúsʼgi nue-bensurmarye, degi, Jesucristoʼba-nanaimalad nue-sabmarbarye.

1 Tesalonicenses 3:12

Bitigi Bab-Jesús gatik bemar-onasgumai imakena gadin, adi, bemar na muchub-muchub bur bule-sabgumalaga, igi anmar bemar-sabmarmoga.

2 Tesalonicenses 1:3

Gwenadgan, anmar bemar-ular gusgu Bab-Dummadga dog-nuedye sogergebed. Ar deyob anmar sogele, wede ibnuedid, ar bemar Cristoʼgi-bensulid-nikad bur bule nasgumaid, deginbali, na bemar muchub-muchub-sabgued bur bule nasgumaibalid.

Hebreos 13:1

Na be Cristoʼgi gwenadganga gunonikidgi na be muchub-muchub sabgudii nanamalo.

Santiago 2:8

Bemar igar-dummad-sunsoged-maidba nanaele, igar-nued be imakdimardo, ar igi Bab-Dummad-Gardagi sognaiyob: “Ar igi na be san-sabgue, deyobi dule-baid be sabgumogoed.” Levítico 19:18

1 Pedro 1:22

Emide, bemar Bab-Burba-Isligwaledgi, igar-napiragwadba nanaed-ular, Bab-Dummad bemar-san-burba uruknonikid. Adi, be gwenadgan nue-napiragwadgi sabgumalagar. Degisoggu, gwage-swilidikidgi na be muchub-muchub ise-nue-sabguar nanamarsun.

2 Pedro 1:7

Bab-Dummad-ibmarbina-sogedgi, gwenadganbina-itogee be nanabalo. Gwenadganbina-itogedgi, gwenadgan-sabee be nanabalo.

1 Juan 3:11

Ar we-gayaburba gebesailaunni bemar itosmalad: Na muchub-muchub anmar sabgumarye.

1 Juan 3:23

We, Bab-Dummad-igalad: E-Machi-Jesucristo-nuggi anmar bensuli gumar, degine, anmar na muchub-muchub sabgumar. Ar igi Cristo anmarga bato sogsagusa, deyob be imakmalo.

1 Juan 4:21

Ar Bab-Dummadi anmarga weyob igar-uksad: “Dule Bab-Dummad-sabele, e-gwenad sabgubaloye.”

2 Juan 1:5

Emigindi, omegwa, an bese wilesunnad, anmar na muchub-muchub gwenadgan-sabgumarsunye. An weyob bese garda narmakedi, wedi igar-binidsulid, ar gusgu bato negasailaun-akale, we-igar anmarga uklesad.