Juan 12:13 - Kuna San Blas

¹³ ogob-gagangiid-e-gagan gwachamalad. Degine, Jesús-nug-odummogega Jesús-abin nadmalad. Jesús-dakarmargu, binnasur gotemalad, sogdemalad: “¡Bab-Dummad-nug odummomar! We-dule, Bab-Dummad-nuggi danikid, bela ega ibnuedga gusun. We-Israel-e-Reygi nued binsalesun.” Salmo 118:26

Bab dummad Jesucristoba igar mesisad garda

¹³ ogob-gagangiid-e-gagan gwachamalad, degine, Jesús-abin nadmalad, Jesús-nug odummogegar. Jesús-dakarmargu, binnasur gotemalad, sogdemalad: ¡Bab-Dummad-nug odummomar! ¡We-dule Bab-Dummad-nuggi-danikid, bela ega ib-nuedga guena-gadin, Israel-e-Reygi! Sal. 118:26

Juan 12:13 Iomraidhean Croise

Isaías 44:6

Weyobi, Bab-Jehová, Israel-dulemar-e-Rey, Israel-dulemar-Bendakmaidi, degi, Bela-Gangued-Nikadi, soged: “Ani an gebesailadid, anse bergunaibalid, Bab-Dummad-baidi sulid.

Oseas 3:5

Geb sorbali, Israel-dulemar gannar na e-Bab-Dummad-Jehová amidmaloed, degi, e-rey-David amidmaloed. Ibagan-bergued-mosale, Bab-Jehová-dobekwaa gunonimaloed, degi, Bab-Dummad-e-nued-binsaed-egisnai gunonimaloed.

Levítico 23:40

Gebe-iba-onodoedgine, bur sapimar-nuegangi e-sanmar-nuegan-nanaid, ogobgi-dakleged-e-gagan, sapimar-dummagan-e-anagan, degi, sosgamar bemar amimaloed. Ibagugle (7) bemar be-Bab-Dummad-Jehová-asabin wergumaloed.

Sofonías 3:15

Bab-Jehová bar sabsur be-imakosulid, Bab-Jehová be-isdarmalad gannar sorsik-duurmakega imaksad. Israel-e-rey-Bab-Jehová, bemar-abargi gudiid. Bar be ibmar-isgana dobguosurmalad.

Mateo 23:39

Ar an bemarga sogsun, emigindi, bar be an-dakosurmalad. Ar bemar geb weyob-sogedse be an-dakmaloed: ‘We, Bab-Dummad-nuggi-dule-danikid, Bab-Dummad egi nued-binsasun.’ ” Salmo 118:26

Mateo 27:42

—We-Jesús, dule-baigandi nabir bendaksad, edi dukin geg na bendaked. Ar Jesús Israel-Dulemar-E-Reyle, nakrusgi-naid aidedadeen, geb agi anmar egi benguosulid.

Juan 1:49

Natanael Jesúsʼga sogdesunnad: —Rabí, be Bab-Dummad-Machid, Israel-e-Rey-sunnadid. A-ular, be an-wisid.

Juan 12:14

Jesús moli-uayasuid-e-mimmi amisad. Geb e-birgi sigisad, ar igi Bab-Dummad-gardagi narmakar-sognaiyob:

Juan 12:15

“Siónʼgi-bukmalad, mer be dobgu. Be dake, be-Rey, moli-uayasuid-e-mimmi-birgi-sii bese danikid.” Zacarías 9:9

Juan 19:15

Ar Judíoʼmardi oimakarmalad: —¡Oburgwe! ¡Oburgwe! ¡Nakrusgi bioke! Pilato, abin-imakde, sogded: —¿An, bemar-e-Rey nakrusgi biokode? Dule-irwa-Babse-gormalad-e-dummagan, abin-sogdemalad: —Anmar rey-baid sulid, unnila Césarʼbi anmar-e-reyd.

Apocalipsis 15:3

Amar, Bab-Dummadga-arbaed-Moisés-e-namaksad namakbukwad, degine, Sibad-Wawaad-Mimmigi-namaklegedgi namakbukwamalad. Weyob namakbukwad: “Bab-Dummad-Bur-Birigined-Bela-Gangued-Nikad, be-ibmar-imakedi, nue-dummarbad. Be ibmar-imakedi, geger-daklegedid. Be, dulemar-yar-baid-baidgi-bukmalad-e-Reyd. Igar-innikigwad, igar-napiragwad be imakbalid.

Apocalipsis 19:16

Dule-moli-sibudikid-birgi-siid-e-mor-yoidgi, degi, e-duawargi, weyob nug narmakar naid: Reymar-E-Rey, Dummagan-E-Dummad.

Apocalipsis 7:9

A-sorbali, an dulemar-bukidar dakdebalid. Dog-merguedba geg ebisleged: Bela dulemar bukwadi, soga-iliba dulemar-yar-baid-baidginmalad bukwamalad, bela soga-iliba dulemar-ablis-galagwenmalad bukwamalad, bela soga-iliba dulemar-baid-baid-danar-danar-bukwamalad, degi, bela soga-iliba dulemar-gaya-akar-akar-sunmakmalad bukwamalad. Wemar, ologana-asabin, degine, Sibad-Wawaad-Mimmi-asabin bukwamalad. Bela mola-sibu-yoyoi bukwamalad. E-arganmargine, ogob-gagangiid-gagan gani bukmarbalid.