Juan 11:52 - Kuna San Blas

⁵² Jesús unnila Judío-dulemar-anarbi burgosulid. Bela Bab-Dummad-mimmigan-aisakis-bukmalad-danakwaa-urbega burgwebaloed.

Bab dummad Jesucristoba igar mesisad garda

⁵² Jesús unnila Judio-dulemar-anarbi burgosulid, burgwebaloed, adi bela Bab-Dummad-mimmigan aisakis-bukmalad na danakwaa urbegar.

Juan 11:52 Iomraidhean Croise

Génesis 49:10

Judá-dulemar-abargi dule-negsemaid gwen surguosulid, degine, gaapoled-e-ibed danikidse e-gaapoled-ganikid egi suosurmarbalid. Ar ade, dulemar-yar-baid-baidgi-bukmalad e-rey-Siloh-nonikoed, a-rey-sogedba nanamaloed.

Salmo 22:15

Dobedba bela an-gaya dinguded. An-gwabinse-bakale, gege bar banamakgusad. Napa-urba bato ber an megisayob na itoged.

Salmo 22:27

Bela we-napneggi-dulemar-yar-baid-baidgi-bukwamalad, dulemar-ablis-akar-akar-bukwamalad-ugakaasega, Bab-Jehová-ebinsadmaloed, Bab-Jehováʼse gannar aibirnonimaloed, sindigar abin ambikunonimaloed.

Salmo 72:19

¡Degisadegu, e-nug-gandikid odummoledii gusun! ¡Bela napneggi e-yeerdakleged neg-ganai gusun! ¡Deyob-gusun!

Isaías 49:18

Nue be-atake, be-dikarba nue be neg-dake. Bela bulakwaa ambikunonimalad, bese danimalad.” Bab-Jehová soged: “An dula-maisoggu, bela wemar, ibmar-nuegan-ebulegedyobi gumaloed, abirgin-nikued-mor-yolegedyobi gumaloed.

Isaías 49:6

Bab-Dummad weyob e-maiga soged: “Be an-maiga-guedgi, unnila be anga Jacob-waganbi gannarse nudakosulid. Unnila be anga Israel-dulemarbi gannar-e-yarse sedagosurbalid. Dulemar-yar-baid-baidgi-bukmaladga, neg-meegwadga-guega an be-imakbalid, degi, bela napaneg-naid-ugakaasega, an-abonoleged-igar-sedega an be-imakbalid.”

Isaías 55:5

Israel-dulemar, dulemar-dakdisurmaladbina be goloed, degi, dule-aku-be-dakdimarmogadi, bese abarmakdanimaloed. Ar ani an be-Bab-Dummad-Jehová Israel-dulemar-e-Bab-Dummad-Isligwaled, be-nug odummosad.”

Isaías 56:8

Bab-Dummad-Bur-Birigined-Jehová weyob soged: “Israel-dulemar e-yargi-gudisurmaladi, gannar e-yargi-ambikuega imaked. An-dulamar dagega an imakoed, bato an Israel-dulemar-baigan-urbisadbo, an oatogoed.”

Isaías 60:4

”Nue be atake, be-dikarba be nue neg-dake: Bela danar-ambikusmalad, bese danimalad. Be-mimmigana dikasuli bese danimaloed. Be-bunamala argangi-annikaa nidanimaloed.

Ezequiel 34:12

Ar igi sibad-wawaad-edarbed sibad-wawaadmar-aisakisbukwar edarbedae, deyobi, an-sibad-wawaadmar an edarboed. Ibagwengi dii-widanikir, negsichi-naguedgi, na bia aisakis-bukusmala, agi-bukwadgi, an gannar sedagoed.

Oseas 1:10

”Ar ibagwengine, Israel-dulemar ukub-merguedyob dule-bukib-gunonimaloed. Dogdar-merguedba geg wilubsalege, geg ebislege gunonimaloed. Bia e-annik soglesa, ‘an-neggwebursulidye,’ agine, ‘Bab-Dummad-Dula-Maid-e-mimmiganye’ bilenonikoed.

Lucas 15:8

Jesús sogdebar: “Ar ome-wargwen, mani-gwaambe-nikad (10), ei gwagwen yoggusar, ¿gwallu ogassulir be insae? ¿Neg durwinagusar, mani-amiedse imaksasulir be insae? Eye. Mani-amiedse imaksale.

Lucas 2:32

Dulemar-yar-baid-baidgi-bukmaladga neg-meegwadga guoed. Degi, we-mimmi, Israel-dulemarga gandikidba-be-nug-odummogedga guoed.” Isaías 42:6; 49:6

Juan 1:12

Ar bela dulemar we-Gayaburba-abingasmaladdi, e-nuggi-bengussurmaladba, amarga Bab-Dummad-e-mimmiganga-guega igar-uknonikid.

Juan 1:29

A-banedgine, Juan, Jesús-ese-dani-dakargua, sogded: “Be dakmalana, we-dule, Bab-Dummad-Sibad-Wawaad-E-Mimmid, bela dulemarga we-napneggi isgued-osulogedid.

Juan 10:16

An Sibad-wawaad-baigan we-galu-yabalidsulid, an nikbalid. Amar anse an sedamogargebed. Deyobi, amar an-gayaburba itomaloed. Degine, sibad-wawaad dangwennaa guoed, degine, e-edarbed wargwennaa nikubaloed.

Juan 12:32

Ar napagi-onakwiles an nagusale, bela dulemar anba nagumalaga an ebioed.

Gusmalad 18:10

Ar an beba gudiguad, degisoggu, dule gwen be-oakalogosulid. Ar ade, we-neggweburgi dulemar-bukidar-anba-nagumaloed an nikad.”

Romanos 3:29

¿Ar Bab-Dummadde unnila Judíoʼmar-e-Bab-Dummadbisi? ¿Ar Judíoʼsurmalad-e-Bab-Dummadmosursi? Napiragwad, ar Bab-Dummad Judíoʼsurmalad-e-Bab-Dummadmogad.

Romanos 4:17

Ar igi Bab-Dummad-Gardagi narmakar nai: Bab-Dummad soged: “Ani an dulemar-bukidarad-akar-akar-bukmalad-e-dad-sailaga an be-imaksad.” Génesis 17:5 Degisoggu, Abraham, Bab-Dummad-asabin anmar-dad-dummadga gunonisunnad. Bab-Dummad dulemar-burgwismalad gannar odulogedid. Degine, ibmar-amba yoo-ambikued, bato ibmar-ambikusadyob e-nugba ese goledid. We-Bab-Dummadgi Abraham bengussulid.

Efesios 1:5

Bab-Dummad anmar-sabedba Jesucristoʼgi-e-mimmiganga-anmar-imakega, iduar bato anmar-susad. Ar ade, Bab-Dummad na yeer-itogedba, na e-sogedba deyob anmar-susad.

Efesios 3:11

Ar gusgu Bab-Dummad na weyob igar-mesisadi, anmar-Dummad-Cristo-Jesúsʼgi bela ibmar imaksad.

Santiago 1:1

Ani Santiago, Bab-Dummad-e-mai, degi, Bab-Jesucristo-e-maibar. Israel-dulemar-sogambe-gakabo (12) we-napneggi-aisakis-bukwadga nued-sogeye sogsiid.

1 Pedro 1:1

Ani Pedro, Jesucristo-e-sapin-dummadga-nugsalesmogadid. We-garda, an bemar-na-e-yargi-gudisurmaladse an narmaknaid: Ponto-yargi-bukmaladse, Galacia-yargi-bukmaladse, Capadocia-yargi-bukmaladse, Asia-yargi-bukmaladse, degine, Bitinia-yargi bukmaladse an narmaknaid.

1 Juan 2:2

Jesucristo anmar-isgued-nabogega anmar-anar na dukin san-uksa gusad. Anmar-isguedgarbi na san uksasulid, bela dulemar we-napneg-naidgi-isgusgudimalad-anar san uksabalid.

1 Juan 3:1

Bemar dakmalana, anmar Bab-Dummad-mimmiganye-bilemalaga, ibiyobi, Bab-Dummadi anmar-sabgusa. We-napneggi-bukwamalad Bab-Dummad-akudakmarsoggu, a-ular, we-napneggi-bukmalad aku anmar-dakmarmosunnad.

1 Juan 3:10

Ar weyob-magar-daklenoni dasunnad, dule nia-saila-e-mimmidibe, Bab-Dummad-mimmidibe. Ar dule-wargwen igar-maidba innikii ibmar imaksulile, degine, na e-gwenad-sabsulile, we Bab-Dummad-mimmisulid.

1 Juan 3:2

Gwenadgan-sabesailamalad, anmar emigindi, Bab-Dummad-mimmigan gumalad. Amba anmar wissurmalad, igi an nue gudapmaloe. Ar an wisiddi an wismardo, Cristo anmarse na san-oyononikile, Cristoʼyob anmar gunonimogoed. Ar anmar Cristo-daklegedyobi, an daklemaloed. Ar anmar-sunnad dakoed, igi Cristo-daklege.

Apocalipsis 5:9

Ibdula-walabakegwadi, degine, girmar-selegan-dulagwen-gakabakegwadi (24), namaked-binidgi weyob namakbukmalad: “Be burgwisad-ular, bebi sunna garda egaed, bebi sunna e-wilubgan-naid be bisgebalid. Be-ablisgi be Bab-Dummadga dulemar-baksad. Bela dule-ablis-akar-akarmalad, dule-gaya-akar-akar-sunmakmalad, neggwebur-bukwamalad, dule-yar-baid-baidgi-bukwamalad, amar belagwapa be Bab-Dummadga baksad.