Juan 11:27 - Kuna San Blas

²⁷ Marta, Jesús-abin sogded: —Dummad, eye, an bensuli. Be, Bab-Dummad-Machid. Be Cristo, we-napnegse-danikoye-soglesgusadid.

Bab dummad Jesucristoba igar mesisad garda

²⁷ Marta, Jesús-abin sogded: —Dummad, eye, an bensuli, be Cristo, Bab-Dummad-Machi, we-napnegse be danikoye be sogles-gusadid.

Juan 11:27 Iomraidhean Croise

Malaquías 3:1

Bab-Dummad-Bela-Gangued-Nikad weyob soged: “An-gayaburba-berbeged an barmidasokalid, adi, an-iduar igar-mayegar. Ukiagwale be dule-dummad-amidimalad Bab-Jehováʼse-goled-negse nonikoed. Bemar bela-bela-dule-edarbediid igar-mesisad-gayaburba-berbeged-dule bato danikid.”

Mateo 11:3

adi, ese egisegar: —Ar epenne Bab-Dummad-sogsad, yoedse dule-wargwen an bemarga barmidagoye, ¿ar be a-dule? ¿Anmar dule-baid amba edarbemaloe?

Mateo 16:16

Simón-Pedro Jesús-abin sogded: —Be Cristo, Bab-Dummad-dule-wargwen-barmidagoye-sogsad-dule, Bab-Dummad-Dula-Maid-E-Machi-sunnad.

Mateo 16:20

Geb degi, Jesús e-sapinganga gandikidgi sogdesunnad: —Melle dulemar-baiganga bipisaar be sogo, ani an Jesús, an Cristoʼye, Bab-Dummad-dule-wargwen-barmidagoye-sogsad-dule-sunnadye.

Lucas 2:11

Rey-David-gwalulesad-neggweburgi, Belénʼgi, emi-ibagi bemarga Cristo gwalulesad. A-dule, Dule-Abonogedid, Dule-Bur-Dummadid, Bab-Dummad-dule-wargwen-barmidagoye-sogsad-duled.

Juan 1:49

Natanael Jesúsʼga sogdesunnad: —Rabí, be Bab-Dummad-Machid, Israel-e-Rey-sunnadid. A-ular, be an-wisid.

Juan 4:42

A-ulale, omega sokarmalad: —Anmar-Jesúsʼgi-bensulidi unnila be anmarga ibmar sogedginsulid. Ar anmar-sunnad itosmarmogad. Anmar nue-wisid, we-dule napneggi dule-isgubukmalad-abonoged-sunnadid. We-dule, Bab-Dummad-Dule-Wargwen-Barmiledagoye sogsad-duled.

Juan 6:14

Dulemar, Jesús-madu-gwaataled-omelosad-daksamaladi, sogdemalad: “We, Bab-Dummad-gayaburba-barsoged we-napnegse-nonikoed-sunnadye.”

Juan 6:69

Ar anmar begi bensulid, degine, anmar wisid, be Bab-Dummad-dule-wargwen-barmidagoye-sogsad-duled. Bab-Dummad-Dula-Maid-E-Machi-sunnadid.

Gusmalad 8:36

Degi, igarba nadapmargu, dii nai dakarmalad. Agi Etiopía-dule Felipeʼga sogded: —Dii be dake. ¿Bab-diigi-ogleged-igargi geg an oglege?

Gusmalad 8:37

Felipe, abin-imakded: —Ar na be Jesucristoʼgi nue-bensulile, be sunna Jesús-nuggi diigi oglegodo. Etiopía-dule, Felipe-abin sogded: —An bensulid, Jesucristo Bab-Dummad-Machi-sunnadid.

1 Juan 5:1

Bela-dulemar-bensurmaladi, na sogmaladi, we-Jesús, Bab-Dummad-dule-wargwen-barmidagoye-sogsad-duleye, a-dulemala Bab-Dummadgi burbar gwalulesmalad. Ar dulemar bela Bab-Dummad-sabmaladi, Bab-Dummad-mimmigan sabgumarbaloed.

1 Juan 5:20

Ar anmar wisbardo, Bab-Dummad-Machi we-napnegse nonikid. A Bab-Dummad-napiragwad-maid magar-ito anmar-imaknonikid. Degisoggu, anmar E-Machi-Jesucristoʼgi, dule-napiragwadba gudisunnad. Ar we-Jesucristo Bab-Dummad-napiragwadid, degi, san-burba-geg-bergued-sunnadbalid.