Juan 11:19 - Kuna San Blas

¹⁹ Judíoʼmar-bukidar, Lázaro-burgwisad-ular, Martaʼse, degi, Maríaʼse nonigusmalad. Adi, amar-e-gwage baisur-itoge imakegar.

Bab dummad Jesucristoba igar mesisad garda

¹⁹ Lázaro-burgwisad-ular, Judiomar-bukidar Martase, degi, Maríase nonigusmalad, adi wis e-gwage odimakegar.

Juan 11:19 Iomraidhean Croise

Génesis 37:35

Bela e-masmala, degi, e-bunamala aisaale Jacob-gwage-baisur-itoge-imaknaidaenad, ar Jacobʼdi e-gwage-baisur-itoged abesurdaed. Aka bur bule e-machibina bodii daed, sogdii daed: “An-machi-burgwisad-ular, an burgwedse bodii guoye.”

2 Samuel 10:2

Geb David sogded: “Igi Nahas angi nued gudigusa, e-machi-Hanúnʼga an deyob ibmar oyobimogad.” David, Hanún-e-bab-burgwisad-ular, mer-dogdar-wile-itogega, e-garda-berbemalad Hanúnʼga barmisad. David-e-garda-berbemalad Amón-dulemar-e-yarse nonimargua,

1 Crónicas 10:12

bela e-sorda-gandikmalad nadegusmalad. Geb Saúl-e-mui, degi, e-masmala-e-mui suapmalad. Geb Jabes-neggweburse senonimalad. Agine, sapi-encinaʼye-nugad-urba, Saúl-e-mui digsamalad, degi, Saúl-e-masmala-e-mui digsamarbalid. Degidbali, Israel-dulemar nue-nunmaked-itomaladba, ibagugle (7) mas-guchasurmalad.

Job 2:11

Job-e-aimar-warbaagwadi, Job-boniganba-galaitonaid wisgunonimalad. We-dule-warbaagwadi Job-dakdamalaga, degi, ega-gwage-armakega, daredibi na e-yargi noargusmalad. Amar, wemalad: Temán-neggweburgined-Elifaz, Súah-neggweburgined-Bildad, degine, Naamat-neggweburgined-Zofar, wemala Job-e-aimalad.

Job 42:11

Geb bela Job-e-gwenadgana, e-bunmarse-bakale, degine, dule-magar-Job-dakmaladse-bakale, Job-dakmalagala e-negse nonigusmalad. Agine, iba-dummad onosmalad, mas gullenai gusad. Job-ogannonanai gusmalad, Bab-Jehová-egi-bonigan-bukidar-barmiargusadba mer-bar-bukib-binsaye ega sognanai gusmalad. Geb e-gwenadgan war-wargwen Jobʼga mani-gwa-gwagwen uknanai gusmalad, degine, olargan deyob ega gwa-gwagwen uksamarbalid.

Eclesiastés 7:2

Iba-dummad-nonaidse-ataknaedba dule-burgwisadse-ataknaed, bur nuedid. Ar dule bela burgwedsegad, degisoggu, dulemar-dula-gudimalad, burgwedgi binsadii gumalawilubbinad.

Isaías 51:19

We-bonigan-sogbogwad begi nonigusad: Be-neggwebur bibichisgusad, degi, be-neggwebur obelolesgusad. Ukudba be gala-itosgusad, es-suidgi oburgwilesgusad. ¿Doa wile be-dakoe? ¿Doa be-gwage baisur-itoge imakoe?

Lamentaciones 1:16

”Bela we-ibmala boega an-imaked, boedba nue an ataksurgusad. Dule-an-gwage-baisur-ito-imaked an-walik gudisulid, dule-wis-gadi-gadi-an-imaked, an daksulid. Ar an-isdarmalad anmargi nakwissoggu, an-mimmigan wargwen melledmarsunnad.”

Lamentaciones 1:2

Mutikidbali, naibid-dummad-itogedbali bela-bela boed, e-wagarbali e-ibyanis suurmakmaid. Dulemar-nue-sabye-sogdimalad-abargi, e-gwage-baisur-ito-imakedi, wargwensaale sated. Bela e-aimar egi aibichamalad, e-isdarmaladga gunonimalad.

Lamentaciones 1:21

”Dulemar an-gormaknaid itosmalad, ar dule-an-gwage-baisur-ito-imaked sated. Bela an-isdarmaladi, an-wilenaid wismalad, be igi-an-imaksadgi wergumalad. An igi-wilesa, deyobi wilemarmosun. Be sabsur-odurdaklemaloye-sogsagusadi, an-isdarmaladgi gwae be barmidasun.

Lamentaciones 1:9

Bela e-mor nue-isgusad, na e-berguoedgi binsassulid. Ukiagwar oitolenonikid, dule-bamalad gwen-wile daksasulid. Emidi, soged: “Bab-Jehováʼye, an-wile-itoged be dake. An-isdarmalad angi obichad.”

Lamentaciones 2:13

Jerusalén-yeerdakleged, ¿ibu an begi obarosunna? ¿Doabogwa an be-wilubsaosunna? Jerusalén-neggwebur-swilidikid, be-gwage-baisur-itogega, ¿ibu an bega oyogergebe? Be-naibi-gusad, demar-wiladyob gued. ¿Doa gannar be-nudakoe?

Lucas 10:39

We-omede urba-nikad, Maríaʼye-nugad. María, Jesús-walik sigisad, Jesús-ibmar-odurdaked itosii gusad.

Lucas 10:42

Ar unnila ibmar-soggwenbi bur-nuedid. Ar Maríaʼdi ibmar-soggwen-bur-nued susad, an-sunmaked-itoged. A-ibmar Maríaʼgi gwen egwallegosulid.

Juan 1:19

Diigi-dule-oged-Juan weyobi Jesúsʼgi sunmaksagusgu, weyob gusdo. Deunni, Judíoʼmar-dummagan Jerusalén-akar dule-irwa-Bab-Dummadse-gormalad, degi, a-bendakmalad-Levitaʼmar barmiargusad, Juanʼse-egismalaga: —¿Be doa-dulesunna?

Juan 11:1

Dule-wargwen, Betaniaʼgined, Lázaroʼye-nugadi uellemaid. We-Betania-neggweburde María, degine, e-ior-Marta-e-neggweburad. We-omegan, Lázaro-e-bunmalad.

Juan 11:31

Judíoʼmar-wis-María-gwage-baisur-itogega-imakega eba e-neggi-bukmaladi, María gwae-gwisgus-node-daksamargu, eba nodmarmogad. Amardi binsamalad: “María neg-uanse nad-dakleye, ase bonad-dakleye.”

Juan 11:33

Jesús, María-ise-boale dakdegu, degine, Judíoʼmar-María-gwage-baisur-itoge-imakega-nonimaladi, ise-boarmarmoga dakdegu, ulubgi nue-nunmak itonadmogad, degi, nue-María-wile dakded.

Juan 11:36

Geb Judíoʼmar sogdemalad: —Nue be dake. Ibiyobi Jesús, nue-Lázaro-sabe.

Juan 11:45

Judío-bukidar Maríaʼse-nonigusmaladi, Jesús, gannar-Lázaro-odulosad daksamargu, Jesús-bensuli gunonimalad.

Juan 11:8

E-sapingan ega sogded: —Odurdaked-saila, emichaale Judíoʼmar akwagi be-makbigusmaladde, degite, be ¿gannar nabarde?

Romanos 12:15

Dulemar-weligwar-itodimaladba be wergumar. Dulemar-bodimaladba be bomarmo.

2 Corintios 1:4

We-Bab-Dummad bela anmar-wilediidgine anmar-gwage armaked, adi, anmar dulemar-baigan-wiledimalad-e-gwage Bab-Dummad-anmar-gwage-armakeyobi, armakmogagar.

1 Tesalonicenses 4:18

Degisoggu, we-gayaburbagi na be muchub-muchub ogannodii imakmarsun.

1 Tesalonicenses 5:11

A-ulale, ar igi na be imakdimalayob, na be muchub-muchub ogannomarsun, degi, Bab-Igargi nasgumai-gumalaga na be bendakdii gumarsun.

1 Samuel 31:13

Geb sorbali, e-garmar susmalad, degi, Jabes-neggweburgi ingwa-soled-sapi-urba e-garmar digsamalad. A-sorbali, ibagugle (7) mas guchasurmalad.