Juan 10:27 - Kuna San Blas

²⁷ An-sibad-wawaad an-gayaburba mag-itomalad, an mag daked, degine, anba naddamalad.

Bab dummad Jesucristoba igar mesisad garda

²⁷ An-sibad-wawaad an-gaya-burba mag-itomalad, mag an daked, degine, anba nad-damalad.

Juan 10:27 Iomraidhean Croise

1 Reyes 18:21

Elías, Israel-dulemar-asabin gwisgunonigu, ega sogded: —¿Sanadse bemar darbo-binsadiid iemaloe? Ar Bab-Jehová, bemar-Bab-Dummad be dakmardibe, aba be ibsamardo. Ar bab-dummad-Baal bemar-Bab-Dummad be dakmardibe, aba be ibsamalodo. Israel-dulemar Elías-abin-imaksasurmalad.

Isaías 66:22

Ar igi an-asabinni nibneg-gwapid, degi, napneg-gwapid degisadegu-nai-guoe, deyobi, be-waganmar degisadegu-bukwa an imakoed. Degi, bemar-nug degisadegumogoed. Ani Bab-Jehová deyob soged.”

Mateo 16:24

Geb degi, Jesús e-sapinganga sogded: —Ar dule-wargwen an-sapinga gubiele, na dukin san iegergebed, bato burgwenadapidgi-nakrus-semaiyob nanaergebed, geb a-dule anba dagodo, geb a an-sapinga guodo.

Mateo 17:5

Amba Pedro-sunmakgwichi, mogir mee emar-birgi nagunonikid. Geb agi mogir-imbaba gayaburba gollalid, sogded: “We, An-Machi-sabedid. We-Machigi an yeer itoged. We-Machi nue be itomar.”

Mateo 25:12

”Ar dummad abin-imakdegu, sogded: ‘Napira an bemarga soged, aku an bemar-daked.’ ”

Mateo 7:23

Geb degi an abin-sogoed: ‘Aku an be-dake. Angi be bangumar. Bemar, unnila ibmar-isgana-saedginbi arbadimalad.’ ”

Marcos 10:21

Jesús dule-dakdegu, nue-sabedba ega sogded: —Ibmar-gwensak amba be napi: Be nae, bela be ibmar-nikadi, be manigi ukna. Geb a-mani wileganaga be mimioed. Deyobi be nibneggi ibmar-nued nikuoed. Geb a-sorba, be an-sapinga-guega be dagoed.

Marcos 8:34

Geb Jesús na e-sapinganse, degi, dulemar-baiganse-gochagua, ega sogded: —Ar dule-gwensak an-sapinga gubiele, na dukin san-iegergebed. Bato burgwenadapidgi-nakrus-semaiyob nanaergebed, geb a-dule anba dagodo.

Lucas 13:27

”Ar we-dule, be-abin-imakdamarbaloed: ‘An bega sogmar, an be-wissurmala, be bia danimala. Bela bemar angi bangumar, bemar ibmar-isgana-imakmalad-dulemalad.’

Lucas 9:23

Degine, Jesús bela-dulemarga sogded: “Ar dule-wargwen an-sapinga gubiele, na dukin san iegergebed. Bato burgwenadapidyobi, bane-bane nakrus-semaiyob anba nanaergebed.

Juan 10:14

”Ani an sibad-wawaad-edarbed-nuedid. An-sibad-wawaad mag an daked, degi, mag an-dakmarmogad.

Juan 10:16

An Sibad-wawaad-baigan we-galu-yabalidsulid, an nikbalid. Amar anse an sedamogargebed. Deyobi, amar an-gayaburba itomaloed. Degine, sibad-wawaad dangwennaa guoed, degine, e-edarbed wargwennaa nikubaloed.

Juan 10:8

Dulemar-odurdakega an-idu-nonimaladi, atursamaladid, degi, gandikidgi atursamaladid. Degi-inigwele, Sibad-wawaadmardi amar-gayaburba itossurmalad.

Juan 12:26

Ar dule anga arbabiele, an-sogedba-nanaega anba dagodo. Dule-anga-arbaedi, an-gudiguoedgine gudii gumogoed. Ar dule anga arbaele, an-Bab a-dule-nug odummomogoed.”

Juan 21:22

Jesús ega sogded: —We-dule an-gannar-dagedse amba dula-gudii an abegele, ¿be anga akar sogosi? Geg be anga akar soged. ”Bedi be anba dage.”

Juan 5:25

Napira an bemarga soged: Ibagan danikoed, emigindi, ibagan nonisunnad. Dule-burbar-burgwar-gudimalad Bab-Dummad-Machi-e-gayaburba itononikoed. Ar dule-a-gayaburba-itomaloedi durgunonikoed.

Juan 8:12

Gannar Jesús dulemarga sunmakdebargu, sogded: —Ani an we-napneg-naid-e-gwallu-meegwadid. Ar dule anba dagele, negsichidgi nanaosulid, gwallu-meegwad nikuoed.

Juan 8:43

¿Ibiga nue-akusunna an-ibmar-soged be itomala? Ar ade, bemar an-ibmar-soged yeer-itosurmalad, aga be aku itomalad.

Gusmalad 3:23

Ar doa-dule, we-dule-ibmar-sogedba ibmar-imaksulile, dulemar-abargi onolegoed.’ Deuteronomio 18:15, 18-19

1 Corintios 8:3

Ar dule Bab-Dummad-sabele, Bab-Dummad na wisdo, we-dule e-sabed.

Gálatas 4:9

Ar emigindi, bemar Bab-Dummad-mag-dake gunonikid. Bur sogleged, Bab-Dummad e bemar-susadba, magar be-dake gunoniye. Ar degite, ¿ibiga bemar we-igar-yogasaarmaladse, igar-nollomaladse, e-maiga-gannar-guega be gannar nabimarbali?

2 Timoteo 2:19

Degi-inigwele, Bab-Dummad-Igar-Mesisaddi, geg gwaged. Ar weyob anmarga oyomaid: “Bab-Dummad na wisid, doamar e-sordamala.” Números 16:5 Degine, weyob oyomaibalid: “Bela dulemar-Cristoʼba-nanaimaladi, isguedgi banguergebed.”

Hebreos 3:7

A-ulale, Bab-Burba-Isligwaled-sogedyob be imakmalo: “Emi-ibagi Bab-Dummad-gayaburba be itomalale,

Apocalipsis 14:4

Wemala, omeganse-gochasurmaladid, na san-swilidik sedigusmaladid. Wemar, Sibad-Wawaad-Mimmi bia naoe, eba naddamalad. Wemar-insega Bab-Dummadgadga-gumalaga, degi, Sibad-Wawaad-Mimmigadga-gumalaga, dulemar-abargi abonolesmalad.

Apocalipsis 3:20

Ar emigindi, yawagakgi an bese gorgwichid. Ar dule-wargwen an-ese-goled-itosale, anga yawagak-egasale, an ese dogoed. An ebo mas gunnoed, a-dule anbo mas gunmogoed.