Juan 10:14 - Kuna San Blas

¹⁴ ”Ani an sibad-wawaad-edarbed-nuedid. An-sibad-wawaad mag an daked, degi, mag an-dakmarmogad.

Bab dummad Jesucristoba igar mesisad garda

¹⁴ “Ani an sibad-wawaad-edarbed-nuedid. An-sibad-wawaad mag an na daked, degi, mag an-dakmarmogad,

Juan 10:14 Iomraidhean Croise

Salmo 1:6

Bab-Jehová dule-nued-damalad nue-bendakmaid. Dule-isganamardi, degi-bergudmaloed.

Isaías 40:11

Bab-Jehová e-dulamar-bendakdanikid. Igi sibad-wawaad-edarbedi, e-sibad-wawaad-mimmi nakwaa imakdae, geb e-binasgargi semaidae, degi, sibad-wawaad-milesmalad nue nimaidae. Deyobi, Bab-Jehová e-dulamar bendakdanikid.”

Isaías 53:11

Sabsur-wilegoed-sorbali, magar-daknonikoed, e-sabsur-wilesadi, binsa wilessuli, degidbali na yeer-itononikoed. Bab-Jehová soged: “An-mai-innikigwadi, e-ibmar-wisidbali, dulemarga igarmar nabogoed. E na dule-ibmar-isgana-imaked sedoed.

Nahúm 1:7

Bab-Jehová, duledar-nuedid, suli-suli-itogedgine, anmar-odukuedid. Dule-egi-bensurmalad-bendakedid.

Juan 10:11

”Ani an sibad-wawaad-edarbed-nuedid. Sibad-wawaad-edarbed-nued na sibad-wawaad-ular, e-san-burba na uked.

Juan 10:13

Dule-manigi-arbaed wakitedaed, ar ade, unnila bennuklegega arbaed. Degisoggu, sibad-wawaad-baisur daksundo.

Juan 10:27

An-sibad-wawaad an-gayaburba mag-itomalad, an mag daked, degine, anba naddamalad.

Juan 17:3

Burba-geg-berguedi wedid: Dule magar be-daked, bebi unnila Bab-Dummad-sunsoged-wargwenadi. Deginbali, Jesucristo-magar-dakmarbalid. Ar bee be, Jesucristo-barmialidid.

Juan 17:8

Ar ade, be-gayaburba-be-anga-uksadi amarga an uksamogad. Amar, be-gayaburba abingasmalad. Degine, amar an-begi-danikid mag nue-itosmalad. Deginbali, bee be an-barmialid gwen bengussurmalad.

2 Corintios 4:6

Ar Bab-Dummad sogsad: “Negsichidgi gwallu-mee gasun.” Génesis 1:3 A-Bab-Dummad anmar-gwagegi ibmar-magar-itoge anmar-imaknonikid, adi, Bab-Dummad-e-yeerdakleged Jesucristoʼbali anmar wisgumalagar.

Efesios 1:17

Anmar-Dummad-Jesucristo-e-Bab-Dummad, Bab-Gandikid-Yeerdakleged, ase an bemarga egisdaed, bemarga ibmar-burbar-mag-itoged ukegar, adi, bemar mag itogegar, doa Bab-Dummad-gue.

Efesios 3:19

Deginbali, Cristo-sabgued-dule-geg-bela-wisguedi, a bemar magar-itogemarsun, adi, Bab-Dummad bela-bela bemargi gudii guegar.

Filipenses 3:8

Ar napiragwad, an-Dummad-Cristo-Jesús an bur bela-bela-wisgubied-ular, we-ibmarmar an indaksad. Ar an Cristo-sabed-ular, bela we-ibmarmar, ibmar-isganayob an daked. Degi, an Cristo-nue-baramiega we-ibmar binsa-ibmar-isgana-milegedyob an daked.

2 Timoteo 1:12

Ar A-Gayaburbagi an sunmakdiidba, an esgaryagi mellesisunnad. Degi-inigwele, gwen binge an itosulid, ar an wisid doagi an bensuli gudii. Ar an nue-wisid, a-dule, gangued-nue-nikadba an-yardakosulid, an-edarbedii guoed. Anga-igar-uksad-obelogedse anba gudii guoed. We-napnegse-gannar-danikidse deyob guoed.

2 Timoteo 2:19

Degi-inigwele, Bab-Dummad-Igar-Mesisaddi, geg gwaged. Ar weyob anmarga oyomaid: “Bab-Dummad na wisid, doamar e-sordamala.” Números 16:5 Degine, weyob oyomaibalid: “Bela dulemar-Cristoʼba-nanaimaladi, isguedgi banguergebed.”

1 Juan 5:20

Ar anmar wisbardo, Bab-Dummad-Machi we-napnegse nonikid. A Bab-Dummad-napiragwad-maid magar-ito anmar-imaknonikid. Degisoggu, anmar E-Machi-Jesucristoʼgi, dule-napiragwadba gudisunnad. Ar we-Jesucristo Bab-Dummad-napiragwadid, degi, san-burba-geg-bergued-sunnadbalid.

Apocalipsis 2:13

An be-ibmar-imakdiid an wisid. Be-maid an wisbalid. Be gudiidi, nia-saila-Satanás-ologan-siidgi be gudiid. Degi-inigwele, amba an-nug be sediid, be angi amba be bensurbalid. Antipas, an-barsoged-sunsoged, bemar-abargi nia-saila-Satanás-maidgi burgwisad. A-ibaganginbela bemar an-osulossurmalad.

Apocalipsis 2:19

Be-ibmar-imakdiid an wisid. Be an-sabed, be an-bensulid, degi, be aimarga-ibmar-imaked, be anba-nai-guegala be alamakdiid, an wisbalid. Degi, emi-be-ibmar-imaked, idu-be-ibmar-imaksadba bur bule-nuedid, an wisbalid.

Apocalipsis 2:2

” ’Bela be-ibmar-imakedi, be-arbaed-dummad-imakdiidi, be-anba-nai-guega be dummad-alamakdiidi, an nue-wisid. An be-wisbalid, dulemar-ibmar-isgana-imaked be nabir daksurbalid. Deginbali, Bab-Jesús-e-sapingan-bur-dummaganye-binsa-sogdimalad be wilubdaksabalid. Wemar daklenonimalad, gwen a-surmala, binsa gakansadimar be daknonikid.

Apocalipsis 2:9

Bela-be-ibmar-imakedi, an nue wisid. Boniganba-be-galitodiid an nue-wisbalid. Be-wilediid an nue-wisbalid, degi-inigwele, be ibmar nue-nika gudiid. Degine, Judíoʼmarye-na-sogdimalad, amar-be-ukabsadimalad an wisbalid. Ar wemar burbar Judíoʼsurmalad, unnila nia-saila-Satanásʼga-danar-ambikumalad-dulemalad.

Apocalipsis 3:1

“Anba-nanaimalad-Sardisʼgi-bukmalad-e-baliwiturse garda narmak: ” ‘Dule Bab-Dummad-burba-gugle-nikad (7), degi, niisgwa-gwagugle-ganibalid, weyob bemarga soged: An bela be-ibmar-imaked wisid. Ar bemar-dulagudiiye benik-sogmar-inigwele, bemar burgwar gudidiid.

Apocalipsis 3:15

An bela be-ibmar-imaked wisid. Bela-bela be anba naisulid. Wis-sikwas-be-anba-naid, an wisbalid. Bitigi bur bela-bela be anba gudiguoena gadin. Degisulile, mer bur be anba nagusun.

Apocalipsis 3:8

An bela be-ibmar-imaked wisid. An bega yawagak-egaar-ogwichisadyob an bega igar uknaid. Degisoggu, we-yawagak-dule-geg-ediedyob, dule geg be-igar gaed. An wisbalid, amba be nollosaar-inigwele, an-gayaburbaba be nanadiid, degine, an-nug gwen be osulodisurbalid.