Juan 10:10 - Kuna San Blas

¹⁰ ”Dule-atursaed danikile, unnila sibad-wawaad-atursaegala, oburgwegala, degine, osulogega, nonidamalad. Andi an nonigua, burba-dulagudigued-ukega an nonikid, degine, bela ulubgi yeer-itodiguega an nonikid.

Bab dummad Jesucristoba igar mesisad garda

¹⁰ “Dule-atursaed danikile, sibad-wawaad-atursaegalad, oburgwegalad, degine, osulogega unnila nonidamalad. Andi an nonigua, burba-dula-gudigued ukega an nonikid, degine, bela ulubgi yeer-itodii guegar.

Juan 10:10 Iomraidhean Croise

Isaías 56:11

Bemar achumar-gadi-mas-gunnedyobmalad, immeleged itodasurmalad. Bemar sibad-wawaad-edarbemalad, ibmar akusunna itomalad. Na war-wargwen e-itolegedba gudidii nanaed, bela na e-ibmar-abegedba wala-walagwengi gudidiid.

Oseas 7:1

Bab-Jehová sogdebalid: “An-dulamar an na bendakbienad, an Israel-yar nudakbienad, degi-inigwele, Efraín-dulemar-isgued wilub-obichad, degi, Samaria-dulemar-isgued wilub-obichabalid. Ar ade, wemar gakangi gudimalad. Ar dule-atursaedyobi ibmar-atursaegala, negyaba dogmalad, gandikidgi danagwen galimbaba ibmar-atursaddamalad.

Mateo 18:10

Jesús sogdebalid: “Nue be salakarmar, mer ibgwensur we-burwigana be dakmalo. Ar napira an bemarga soged, ar nibneggi e-baliwiturmar an-Bab-nibneggi-maid-walik gudigumalad.

Mateo 18:11

[Ar ani, Dule-Machi, an nonigu, dulemar-yoggus-gudimalad-abonogega an nonikid.]

Mateo 20:28

”Ar ani Dule-Machi, we-napnegse an nonikidi, mai-nikuega an nonisulid. Maiyob dulemar-bendakega an nonikid, degi, an na-san-burba-ukega an nonikid, degine, dule-isgudimalad-anar-burgwega an nonikid.”

Mateo 21:13

Jesús amarga sogded: —Bab-Dummad-Gardagi narmakar naid: Bab-Dummad soged: ‘An-nega, anse-goled-negye nugguoed.’ Isaías 56:7 ”Ar emigindi bemardi atursamalad-negga imaksamalad.”

Mateo 23:13

”Bemar, Garda-Narmaked-Dulemar, Fariseoʼmar, ¡be duledar-wilesmar! ¡Wagar-darbomalad! ”Ar bemar, Bab-Dummad-e-negdakmaidse dulemar-dogbigudimalad-idu be yawagak edidimalad. Ar bemarbela ase dogsurmalad. Ar bemar, dulemar-ase-dogbigudimalad-gwen-dogega be imaksurmalad.

Marcos 11:17

Geb Jesús dulemar-odurdakde, weyob sogded: “Bab-Dummad-Gardagi weyob narmakar naid: ‘An-neg bela dulemar-yar-baid-baidgi-bukwamaladga, anse-goled-negye nugguoed.’ Ar bemardi, atursamalad-negga imaksamalad.” Isaías 56:7; Jeremías 7:11

Lucas 19:10

Ar ade, ani Dule-Machi, dulemar-yoggusmalad-amiega nonikid, degi, dulemar-isguedgi-gudiid-abonogega nonikid.

Juan 10:1

Jesús sogdebar: “Napira an bemarga soged: Dule sibad-wawaad-galu-emakaled-yawagakgi dogsulile, yarganba dukuar dogele, we-dule, sibad-wawaad-atursaeddo, degi, dule-atursili-sunnaddo.

Juan 10:11

”Ani an sibad-wawaad-edarbed-nuedid. Sibad-wawaad-edarbed-nued na sibad-wawaad-ular, e-san-burba na uked.

Juan 12:47

”Ar dule an-gayaburba-itogedba dasulile, ani an sogosulid, be dummad-nosye. An we-napnegse nonisulid, dulemarga sogega be nue-isgusmarye. An dulemar-abonogegala nonikid.

Juan 12:6

Ar Judas degisogsadi, dule-wilegana-sabedbali, deyob sogsasulid. Ar ade, dule-atursilid. Ar mani-sagu-sedidasoggu, agi mani-urbilemaid gusgu arbak atursadii daed.

Juan 3:17

Ar Bab-Dummad we-napnegse na E-Machi-barmiargu, dule-we-napneggi-bukmalad-sabsur-odurdakega barmiarsulid. Na E-Machi-barmialid, adi, dule-we-napneggi-bukmalad E-Machigi abonolemalagar.

Juan 5:40

Degi-inigwele, bemar burba-geg-bergued-nikuega anse yapa dagmalad.

Juan 6:33

Ar Bab-Dummad-madu nibneggi-aidenonikidi, we-napnegginmaladga burba-duladi uked.

Juan 6:51

Ani an a-madu-duladid, nibneggi aidenonikidid. Ar dule-wargwen a-madu-guchale, bar burgosulid, degidula sadeguoed. An madu-ukoedi, we an-sanad. We-napneg-naidgi dule-bukmalad-dula-gudiguega an-san an ukoed.”

Romanos 2:21

Emide, bede dule-baid-odurdakdiid, degite, ¿geg na be dukin odurdakde? Bede Bab-Igargi be sunmakdiid, mer atursamaloye, degite, ¿be atursadide?

1 Timoteo 1:15

We gayaburba-napiragwadid, bela dulemar bensulidgi abingaewilubbid: “Cristo-Jesús bela dulemar-isgudimalad-abonogega we-napnegse noniye.” Ar andi bur bule amarba dule-isgusad-duled.

Hebreos 6:17

A-ulale, Bab-Dummad, Abrahamʼga-ibmar-ukoye-sogsad, Abraham-waganga-nue-oyogegala, ede, ibmar-soged-geg-bar-ogwaye, degi, we-ibmar-sogsad-napiraye-sogegala, na dukin e-nuggi-napiragwadgi ise-sogar-imaknonikid, an imakedseye.

Hebreos 7:25

A-ulale, dulemar Jesús-nuggi Bab-Dummadse-danimalale, Jesús degisadegu a-dulemar-abonoged. Ar ade, Jesús degisadegu Bab-Dummadse amarga gormaiguad.

2 Pedro 1:11

Ar degidbali, anmar-Dummad-Jesucristo-anmar-Abonoged, e-negdakmaid-degisadeguadse bela-bela nuedgine anmar-abingaoed.