Juan 1:49 - Kuna San Blas

⁴⁹ Natanael Jesúsʼga sogdesunnad: —Rabí, be Bab-Dummad-Machid, Israel-e-Rey-sunnadid. A-ular, be an-wisid.

Bab dummad Jesucristoba igar mesisad garda

⁴⁹ Natanael Jesúsga sogdesun: —Rabí, be Bab-Dummad-Machi, Israel-e-Rey-sunnadid, a-ular be an-wisid.

Juan 1:49 Iomraidhean Croise

Salmo 110:1

Bab-Jehová an-Dummadga sogsad: “An-argan-nuedsik be sige, be-isdarmalad an bela ogalakuedse be sige.”

Salmo 2:6

Bab-Jehová weyob ega sogded: “Ani an-yar-islidikid-Siónʼye-nugadgi, an-rey an mesisad.”

Isaías 9:7

E-gangued bela nasguoed, e-neg-bogidik-seoed bela nasguoed, gwen berguosulid. David-ologangi dummadga sigoed. E-yalagi dummadga negseoed. E-negseoedi, igar-napiragwadba yar-seoed, innikigwadba negseoed, emi-ibase, degisadegu negseoed. Bab-Jehová-Bela-Gangued-Nikad we-ibmar-imakoedi, e-sabgued-oyomaidba, deyob imakoed.

Daniel 9:25

” ’We-ibmar be magar-itogergebed, be nue-wisguergebed: Jerusalén-neggwebur gannar-soblegega igar-uklesad-akale, Dule-Dummad-Nugsalesad nonikoedse, Itoged-gugle (7) naguoed. A-sorbali, itoged-dulapaa-gakabo (62) nagubaloed. Geb degine, Jerusalén-neggwebur, e-igar-dummagan, degi, e-galu-matusurmalad gannar soblenonikoed, A-ibagan, bukib-itoged-ibagan, degi, wile-itoged-ibagan guoed.

Oseas 3:5

Geb sorbali, Israel-dulemar gannar na e-Bab-Dummad-Jehová amidmaloed, degi, e-rey-David amidmaloed. Ibagan-bergued-mosale, Bab-Jehová-dobekwaa gunonimaloed, degi, Bab-Dummad-e-nued-binsaed-egisnai gunonimaloed.

Miqueas 5:2

Bab-Jehová sogdebalid: “Belén-Efrata, ar bedi Judá-yargi-neggweburmar-bukwadba bur bipigwadid. Begine, dule-Israel-yala-seoed nodagoed. We-dulede, amba yoo-napaneg-nague bato gudibinned.”

Sofonías 3:15

Bab-Jehová bar sabsur be-imakosulid, Bab-Jehová be-isdarmalad gannar sorsik-duurmakega imaksad. Israel-e-rey-Bab-Jehová, bemar-abargi gudiid. Bar be ibmar-isgana dobguosurmalad.

Zacarías 9:9

Sión-dulemar, ¡be nue-wergumala! Jerusalén-dulemar, ¡weligwaledba be binnasur gormala! ¡Weligwaledba be gormakmala! Be dake, be-rey bese danikid. Be-rey, dule-innikigwadid, emar-abonogedid, na san-dummarba imaksulidid. Moli-uayasuid-bipigwad-birgi-sii danikid, we-moli-bipigwad, moli-uayasuid-ome-e-mimmid.

Mateo 14:33

Degine, urgi-bukwamaladi bela deyob daksamargu, Jesús-nug odummodmarsunnad. Jesús-abin dulluu nono-imaksamalad. Geb Jesúsʼga sogdemalad: —Ar nue be Bab-Dummad-Machi-sunnadid.

Mateo 2:2

sognonimalad: —¿Bia Judíoʼmar-E-Rey-gwalulesad mai? Ar ade, anmar dad-nakwedba e-niisgwa daksamalad. Anmar e-nug-odummogega ese danimalad.

Mateo 21:5

“Siónʼgi-bukmaladga be soge: ‘Be dake, be-Rey bese danikid. Gwage-eikwaa, moli-uayasuid-bipigwad-birgi-sii danikid. We-moli-bipigwad, moli-uayasuid-ibmar-berbeged-e-mimmid.’ ” Zacarías 9:9

Mateo 23:7

We-Fariseoʼmar ibmar-ukleged-neggi dulemar bela ese goledbimalar yeer itodamalad. Degine, ‘odurdaked-sailaye,’ dulemar-ese-goled yeer itodamarbalid.

Mateo 23:8

”Ar bemardi odurdaked-sailaye mer bese-gormalad na be imakmalo. Ar bemargardi, unnila Cristoʼbi bemar-odurdaked-saila wargwenna maid. Ar bela bemar na gwenadgan gumalad.

Mateo 27:11

Dule-dummad-negdakmaid-Pilatoʼye-nugad-asabin Jesús gwisgudapid. Pilato Jesúsʼse egichialid, ega sogded: —¿Ar be Judíoʼmar-E-Rey? Jesús, abin-sogded: —Ar bede soged.

Mateo 27:42

—We-Jesús, dule-baigandi nabir bendaksad, edi dukin geg na bendaked. Ar Jesús Israel-Dulemar-E-Reyle, nakrusgi-naid aidedadeen, geb agi anmar egi benguosulid.

Mateo 4:3

Degi, nia-saila-emar-wilubdaked ese nonikid, ega sognonikid: —Ar be Bab-Dummad-Machi-sunnadiile, we-akwamarga be soge: ‘Maduga be binyeye.’

Marcos 15:32

Ede na sogsagusad, ani an Bab-Dummad-dule-wargwen-barmidagoye-sogsad-duleye, Israel-dulemar-E-Reyye. Ar nabirile, nakrusgi-naidgi emisgwa aidedage, adi, anmar dakega, degi, anmar egi benguosulid. Jesúsʼba-nakrusgi-bioklegar-naimarmogad egi dodonanai gusmarmogad.

Lucas 1:35

Baliwitur, Maríaʼga sogded: —Bab-Dummad-Burba-Isligwaled begi aidenonikoed. Bab-Dummad-Bur-Birigined-e-gangued be-edunonikoed. Degisoggu, Dule-gwage-islidikid-gwalulegoedi, Bab-Dummad-Machiye soglenonikoed.

Lucas 19:38

sogdemalad: “We, rey Bab-Dummad-nuggi danikid, bela ega ibnuedga gusun. Nibneggi bogidikid gusun, degi, nibneggine Bab-Dummad-nug odummomarsun.” Salmo 118:26

Juan 1:18

Dule gwen Bab-Dummad dakdisulid. Unnila Bab-Dummad-Machi-Wargwennagwad, e-Babba-mesa-gudiid, a, anmarga Bab-Dummad-osanalononikid.

Juan 1:34

We deyob an daksad. Degisoggu, an sogdo, we-dule, nue-Bab-Dummad-Machi-sunnadye.”

Juan 1:38

Jesús sorba-atakdegu, dule-warbogwad eba-dani-dakargu, amarga sogded: —¿Ibu be amimala? Amar, abin-sogdemalad: —Rabí, ¿bia be mai? (Rabí sogleged, odurdaked-sailaye).

Juan 1:50

Jesús, abin-sogded: —¿Higuera-sapi-urba-sii an be-daksaye an bega sogsad-ulale, be an-bensuli? Weba bur bule ibmar-dummagan be dakoed.

Juan 18:37

Geb degi, Pilato ega sogdesun: —Degisoggu, ¿be reysunde? Jesús, abin-sogded: —Ar bede soged, an reyye. Igar-napiragwadgi-sunmakega an gwalulesad. Agala an we-napnegse nonikid. Ar dule igar-napiragwad-sordale, an-gayaburba-soged itoged.

Juan 4:31

Degi-gunaigua, e-sapingan Jesúsʼgi wilenai gusmalad, ega sognai guarmalad: —Odurdaked-saila, wis mas be gungwele.