Juan 1:45 - Kuna San Blas

⁴⁵ Felipe, Natanael-aminaded. Amisgu, ega sogded: —Anmar dule-wargwen amisad. Igi Moisés e-Igar-Mesisadgi-narmaksagusa, degi, igi Bab-Dummad-gayaburba-barsogmalad narmaksagusmarmoga, yoedse dule-wargwen danikoye, a-dule anmar amisad. A-dule, Jesúsʼye-nugad, Nazaretʼginedid, José-machid.

Bab dummad Jesucristoba igar mesisad garda

⁴⁵ Felipe, Natanael-aminad. Amisgu, ega sogde: —Moisés e-igar-mesisadgi igi narmaksa, degi, Bab-Dummad-gaya-burba-berbemalad egi narmaksamarmoga, yoedse dule-wargwen danikoye, a-dule anmar amisad. A-dule, Jesús, José-machi, Nazaretginedid.

Juan 1:45 Iomraidhean Croise

Génesis 22:18

Deginbali, ar an bega-ibmar-sogsadyob be imaksasoggu, bela dula-we-napneggi-bukwamalad be-waganba an egi ise-nued binsamogoed.’

Génesis 3:15

Ome-ebogwa na be isdar-dakdii an be-imakoed. Ome-e-wagwa, be-wagwa-ebo na isdar-dake gumaloed. Ome-e-wagwa be-nonogi annaoed. Bedina e-mali-gasigi onakliksaoed.”

Génesis 49:10

Judá-dulemar-abargi dule-negsemaid gwen surguosulid, degine, gaapoled-e-ibed danikidse e-gaapoled-ganikid egi suosurmarbalid. Ar ade, dulemar-yar-baid-baidgi-bukmalad e-rey-Siloh-nonikoed, a-rey-sogedba nanamaloed.

Isaías 4:2

A-ibagangine, Bab-Jehová, sapi-siklesad gannar ainiega imakoed. We-sapi-gannar-ainioedi, yeerdaklegedga guoed, degi, gandikidba-yeerdaklegedga gubaloed. Ibmar-durbamar-welemaloedi, Israel-dulemar-besmalad-e-nug-odummogega guoed, degi, e-nug-ogannogega gubaloed.

Isaías 53:2

Bab-Jehová, e-mai sapi-e-nii-dutugwad-dungueyobi odummosad. Sapi-e-mali napa-isganagi dogdedaeyobi, e-mai-odummosad. E-mai yeer daklesulid, gandik daklesurbalid. E-daklegedi, wilubba dakleged. Dulemar baisur-dakmalad.

Isaías 7:14

A-ulale, Bab-Jehová-sunnagwad ibmar-guoed-e-wilub oyogoed: Yagwa-wargwen gurgin-nika guoed, degi, goe nikunonikoed. Emanuelʼye onugsaoed.

Isaías 9:6

Ar susugwa-gwensak anmarga gwalulesad, mimmi-gwensak anmarga uklesad. A-machi gandikidba negseoed, weyob nugguoed: Binsaed-Daked-Wilub-Obichadye, Bab-Dummad-Bela-Gangued-Nikadye, Bab-Degisadeguadye, Neg-Bogidikid-E-Dummadye, nugguoed.

Miqueas 5:2

Bab-Jehová sogdebalid: “Belén-Efrata, ar bedi Judá-yargi-neggweburmar-bukwadba bur bipigwadid. Begine, dule-Israel-yala-seoed nodagoed. We-dulede, amba yoo-napaneg-nague bato gudibinned.”

Zacarías 6:12

Ani, Bab-Jehová-Bela-Gangued-Nikad-gued. Geb Josuéʼga an-nuggi, weyob be sogoed: ‘Wegi-dule-gwichidi, Sapi-Siklesad-Gannar-Ainieyobidye nugadid. Ar na e-sailagi gannar ainidagoed, Bab-Jehováʼse-goled-neg gannar sobnonikoed.

Zacarías 9:9

Sión-dulemar, ¡be nue-wergumala! Jerusalén-dulemar, ¡weligwaledba be binnasur gormala! ¡Weligwaledba be gormakmala! Be dake, be-rey bese danikid. Be-rey, dule-innikigwadid, emar-abonogedid, na san-dummarba imaksulidid. Moli-uayasuid-bipigwad-birgi-sii danikid, we-moli-bipigwad, moli-uayasuid-ome-e-mimmid.

Mateo 10:3

Degine, Felipe, Bartolomé, Tomás. Deginbali, Mateo, Roma-dummadga-mani-gaedgi-arbasad. Jacobo, Alfeo-machid. Lebeo, Tadeoʼye nugbalid.

Mateo 13:55

¿Ar wede, urgogi-arbaed-dule-machisursi? ¿Ar e-nande, Maríaʼye-nugsursi? ¿Santiagoʼde, Joséʼde, Simónʼde, degine, Judasʼde, e-urbamarsursi?

Mateo 2:23

José Galilea-yarse nonigua, neggwebur-Nazaretʼye-nugadse megnonikid, adi, Bab-Dummad-gayaburba-barsogmalad-sogsamaladba guega, deun sogsamargu: “Nazaretʼginedye bilegoye.”

Mateo 21:11

Dulemar-bukidarad-Jesúsʼba-danimalad sogdemalad: —We-dule, Jesús Bab-Dummad-gayaburba-barsoged, Nazaret-neggweburginedid, Galilea-yarginedid.

Marcos 14:67

Bunagwa, Pedro soogi wasii dakargua, nue-nuu dakdegu, ega sogded: —Be Jesús-Nazaretʼginedba gudidamogad.

Marcos 6:3

¿Ar wede urgogi-ibmar-sobed-dulesursi? ¿María-machisursi? ¿Santiago, José, Judas, degi, Simón, amarde e-urbamarsursi? ¿E-bunmarde anmar-abargi gudimarsursi? Degisoggu, suli-suli-itoge oes-bukusmalad.

Lucas 18:37

Ega sogdemalad: —Jesús-Nazaretʼgined nadapye.

Lucas 2:4

José, Galilea-yargi, Nazaret-neggweburgi-gudii Judea-yarse, Rey-David-neggweburse, Belénʼye-neg-nugadse aligusmogad. Ade, José, David-e-wagwad, aga Belénʼse nonigusad.

Lucas 2:48

E-babgan, dummagan-abargi-sii Jesús-dakarmargu, geger dakarmalad. E-nan Jesúsʼga sogded: —Machi, ¿ibiga we deyob be anmar-imaksa? Emide, an be-babmala surbinsa bebina miamakdimalad.

Lucas 24:27

Geb Jesús we-dulemarga Bab-Garda-narmakar-maidba egi-sunmaklenaid bela sogsad. Moisés-sogsad-narmakar-naidgi onoded, degi, bela Bab-Dummad-gayaburba-barsogsamalad egi-sogsamaladse ega ibmar sogsad.

Lucas 24:44

Jesús amarga sogded: —Amba an bemar-abargi gudigu, bemarga bato weyob an sogsad: ‘Moisés-Igargi-Angi-Narmakar-Maidi, bela angi guergebye. Degi, Bab-gayaburba-barsogmalad-angi-narmaksamaladba, degine, Salmosʼgi angi-narmakar-maidba bela angi guergebye an bemarga sogsamalad.’

Lucas 3:23

Jesús na e-arbaed imakdegu, deun birga-durgwen-gakambe (30) nikad. Jesús, José-e-machiye bimalanad. Jesús-e-dad-dummagan, wemalad: José, Elí-machi.

Lucas 4:22

Bela-dulemar-bukmaladi, Jesúsʼgi nuedbi sunmakedbimalad. Geger dakmalad, ibiyobi Jesús yeer sunmake. Degine, sogdemalad: —¿Ar wede, José-machisursi?

Juan 1:44

Felipe, Betsaida-neggweburginedid. Andrés, degi, Pedro, a-neggweburginmarmogadid.

Juan 12:21

Amar, Felipeʼse nonimalad. Felipeʼde, Galilea-yargi-Betsaida-neggweburginedid. Griego-dulemar Felipeʼgi wilenaigusmalad, ega sogdemalad: —Dummad, anmar Jesús-dakbimalad.

Juan 14:8

Felipe Jesúsʼga sogded: —Dummad, Bab-Dummad be anmarga oyoge. Geb anmar gusbin itogoed.

Juan 18:5

Abin-sogdemar: —Jesús-Nazaretʼgined an amimalad. Jesús, abin-sogded: —Ani an a-duled. Judas, darba-Jesús-uknaid, amar-abargi deun gwichi gusmogad.

Juan 18:7

Jesús gannar amarse egisdebarsun: —¿Doa be amimala? Gannar amar, abin-sogdemar: —Jesús-Nazaretʼgined an amimalad.

Juan 19:19

Pilato Jesús-nakrus-birgi-nasikega nug-narmaksad. Weyob nug-narmakar sognaid: Jesús-Nazaretʼgined Judíoʼmar-E-Reyd

Juan 21:2

Deun danar-bukwamalad, Simón-Pedro, Tomás Dídimoʼye-nugbalid, Galilea-yargi-Caná-neggweburgined-Natanael, degi, Zebedeo-machimala, deginbali, Jesús-sapingan-baigan-warbogwad.

Juan 6:42

Judíoʼmar Jesúsʼgi sogdemalad: —¿Ar wede Jesús, José-machisursi? Degine, e-bab, e-nan, ¿anmar mag daksursi? Ar degite, ¿ibiga sogsunna? ‘Nibneggi an aidenoniye.’

Juan 6:5

Jesús atakdegu, dakded, dulemar-bukidar ese nonimala. Agi Felipeʼga sogded: —Wemar madu-gunmalaga, ¿wede bia anmar madu bakoe?

Juan 6:7

Felipe, Jesús-abin sogded: —Belagwapa wis madu bipi-bipi-gunmalaga dule-nii-walabaabak-arbasad-manigi (8), madu-bakele, amba madu unnisuliled.

Gusmalad 10:38

Deginbali, bemardi nue wismarbalid, igi Bab-Dummad Jesús-Nazaretʼginedga E-Burba-Isligwaled uksa, degine, e-gangued ega uksabali. Degine, igi Jesús ibmar-nueganbi imakdii gusbali, degi, igi dulemar-niaburbase-wiledimalad nudakdii gusbali. Ar Jesús weyob gudigusad, ar ade, Bab-Dummad eba gudiguad.

Gusmalad 2:22

Pedro sogdebalid: “Israel-dorgan, an-bemarga-ibmar-sogoedi nue be itomalo: Jesús Nazaret-dolad, bemardi nue-wismalad, bemar-abargi Bab-Dummad-nuggi ibmar-dakledisurmaladi, ibmar-wilubgan, degi, ibmar-gegerdaklemaladi oyosad, ar a bemar bela-wisi bukwamalad, adi, bemar dakega, Jesús doa-dule gue.

Gusmalad 22:8

”Abin an sogded: ‘¿Dummad, be doasunna?’ A-dule an-abin imaksad: ‘Ani an Jesús-Nazaretʼginedid. Ar ani be an-baregindiid.’

Gusmalad 26:9

Pablo sogdebar: “Gebeunni, an binsadaenad, Jesús-Nazaretʼginedgi an galagwensuli egi gwisguergebye.

Gusmalad 3:6

Pedroʼdi ega sogded: —An mani sate, or satebalid. Degi-inigwele, an-ibmar-nikad an bega ukodo: ‘Jesucristo-Nazaretʼgined-nuggi an bega-soged, be gwisgu, yog-nanaar be gusun.’