Juan 1:4 - Kuna San Blas

⁴ We-Gayaburbagi san-burba-dulad maid. We-san-burba-dulad, dulemarga gwallu-meegwadga gued.

Bab dummad Jesucristoba igar mesisad garda

⁴ A-Gaya-Burba-Nuedgi san-burba-dulad gudiid, we-a-san-burba-dulad dulemarga gwallu-meegwadga-gued.

Juan 1:4 Iomraidhean Croise

Salmo 49:6

Dule-mani-nikadba-dobsuli-itodimalad, na e-ibmar-nikadba san-dummarba-imakdimalad, ¿a-dulemarde an dobguode? Suli, an dobguosuli.

Salmo 84:11

Bab-Jehová, dad-ibeleryob gued, sigu-abgaedyob gued. Bab-Dummad, anmar-nug dummarba imaked, anmarga gangued uked. Bab-Jehová, dule-galagwensuli-gudisurmaladga, e-ibmar-nikadi obinagwar uked.

Isaías 42:16

Dule-aku-atakmalad, igar-dakdisurmaladba an nidoed, nanaledisulid-igarba an nidoed. Amar-asabinni, negsichidi neg-meegwadga an imakoed. Amar-idu, neg-muru-murumalad an innikii imakoed. Deyob an imakoed, an gwen amar-obanosulid.

Malaquías 4:2

Ar bemar-an-dobee-nanadimaladgardi, dad-gaedyobi igar-innikigwad-imakleged nagunonikoed, degi, bemar-abonoleged-igar bemarga nonikoed. Bemar moli-bebe-nikad-sapingana-emisgwa-mas-guchadyob ichomakdemaloed.

Mateo 4:16

Dulemar-negsichidgi-gudigusmaladi, neg-meegwad daksamalad. Negsichidgi-bukwagusmaladga, neg mee gunonikid.” Isaías 9:1-2

Lucas 2:32

Dulemar-yar-baid-baidgi-bukmaladga neg-meegwadga guoed. Degi, we-mimmi, Israel-dulemarga gandikidba-be-nug-odummogedga guoed.” Isaías 42:6; 49:6

Juan 11:25

Jesús, abin-sogded: —Ani an gannar dule-odurguedid, degi, ani an burba-geg-bergued ukbalidid. Ar dule angi bensulile, ar burgwar-mai-inigwele, gannar durguoed.

Juan 12:35

Geb degi, Jesús, abin-sogded: —Emigindi, ani gwallu-meegwadga ichesaar amba bemar-abargi an gudiid. Gwallu-meegwad amba bemar-abargi-gudiidgi eba be nanamar, adi, melle negsichid ukiarmakar begi nonimalagar. Ar dule negsichidgi-nadapile, wissurdaed, bia nadapi.

Juan 12:46

Ani, we-napnegse gwallu-meegwadga, an nonikid. Adi, bela-angi-bensurmalad, mer bar negsichidgi-gudii gumalagar.

Juan 14:6

Jesús, abin-sogded: —Anbi unnila Bab-Dummadse be-sedoed. Ani an napiragwadid, degine, dulagudigued angi danikid. Dule angi nasulile, geg Bab-Dummadse warmaked.

Juan 3:19

”Gwallu-meegwad we-napnegse nonikid. Degi-inigwele, dulemar bur ibmar-isgana-imakmalad-ulale, bur gwallu-meegwadba negsichid sabgusmalad. A-ular, dulemar sabsur-odurdaklegoed.

Juan 5:21

Ar igi Bab dule-burgwar-maid gannar oduloge, ega san-burba-dula-gued uke, amba E-Machi deyobmodo, ar doaga san-burba-dulad ukbie, ega ukodo.

Juan 5:26

Ar igi Bab na-dukin dula-gudigued-nika, amba deyob, na E-Machiga na-dukin dulagudigued uksamogad.

Juan 8:12

Gannar Jesús dulemarga sunmakdebargu, sogded: —Ani an we-napneg-naid-e-gwallu-meegwadid. Ar dule anba dagele, negsichidgi nanaosulid, gwallu-meegwad nikuoed.

Juan 9:5

An we-napneggi-gudiidgi, an gwallu-meegwadyob gued. Ani an dulemar-bukwadga igar-napiragwad oyonaid.

Gusmalad 26:23

Weyob sogsamalad: ‘Cristo, Bab-Dummad-dule-wargwen-barmidagoye-sogsad-dule, burgwega we-napnegse nonikoye. Burgwisad-sorba, e-inse gannar durguoye, degi, gwallu-neg-mee-imakedyob anmar-Judío-dulemarga, degi, Judíoʼsurmaladga gunonikoye.’ ”

1 Corintios 15:45

Ar weyob Bab-Dummad-Gardagi sognaid: “Adán, dule-gebesailadga gunonikid. We-dule, dulasaila gunonikid.” Génesis 2:7 Adán-napid, Cristoʼd. Cristoʼdi, dulega burba-dulad uked.

Efesios 5:14

Ar a-ulale, sogleged: “Be gabmaid, ataksun, dulemar-burgwarmalad-abargi be gwisgusun, degi, Cristo gwallu-meegwadga bega gunonisunnoed.”

Colosenses 3:4

Ar Cristo, bemar-san-burba-dula-imaknonikid, we-napnegse-danikile, bemar eba e-gangued-yeerdaklegedba danimarmogoed.

1 Juan 1:1

Gebe-negasailaunni, Gayaburba-Nued, Gayaburba-Dulad bato gudiid. A-Gayaburba-Nued anmar itosad, anmar-sunnad anmar-ibyanugi daksad. Ar anmar-sunnad ise-dakarmalad, an-argangi an ebusmalad.

1 Juan 1:2

Ar San-Burba-Dulad sanar anmarse oyolenonikid, anmar-sunnad daksad. A-dule, anmar barsogmalad, a-dule-Burba-Geg-Berguedgi an bega sunmakmalad. A-dule-Burba-Geg-Bergued Babba gudii gusad. A anmarse sanar oyolenonikid.

1 Juan 5:11

Ar Bab-Dummad anmarga weyob sunmaknaid: Bab-Dummad anmarga san-burba-geg-bergued uksad. We burba-geg-bergued Bab-Dummad-Machigi danikid.

Apocalipsis 22:1

Degine, a-sorbali, baliwitur diwar-nued, diwar-burba-dula-dule-imaked, anse oyosbalid. We-diwar isbe-daledyobi dakarmakmaid. We-diwar, Bab-Dummad-ologanagi, degi, Sibad-Wawaad-Mimmi-ologanagi, danikid.

Apocalipsis 22:16

”Ani an Jesús. An-baliwitur an bese barmialid, adi, anba-nanaimalad-danar-ambikunonidamaladga we-ibmarmar sogegar. Ani an David-e-wagwad, ani an sapi-siklesadgi-e-dutugwad-noardaeyobi Davidʼgi danikid. Ani an niisgwa-wakudar-binnasur-mee-nakwiar-daedbalid.”