Juan 1:17 - Kuna San Blas

¹⁷ Ar Bab-Dummad Moisésʼba dulemarga igar mesisad, dulemar igi nanaergebe. Ar Bab-Dummad na e-nue-sabeddi, degi, e-igar-napiragwaddi, Jesucristoʼba anmarga uknonikid.

Bab dummad Jesucristoba igar mesisad garda

¹⁷ Ar Bab Dummad Moisésba dulemarga igar-mesisad, dulemar igi nanaer-gebe. Ar Bab-Dummad-anmargi-nued-binsaeddi anmarga uklege-wilubsulinad na e-anmarga-ukbiedba anmarga ukmaid, degi, igar-napiragwaddi Jesucristoba anmarga uknonikid.

Juan 1:17 Iomraidhean Croise

Génesis 22:18

Deginbali, ar an bega-ibmar-sogsadyob be imaksasoggu, bela dula-we-napneggi-bukwamalad be-waganba an egi ise-nued binsamogoed.’

Génesis 3:15

Ome-ebogwa na be isdar-dakdii an be-imakoed. Ome-e-wagwa, be-wagwa-ebo na isdar-dake gumaloed. Ome-e-wagwa be-nonogi annaoed. Bedina e-mali-gasigi onakliksaoed.”

Salmo 85:10

Sabgued, na napiragwadbo abingunonimaloed. Igar-innikigwad-imaked, na bogidikidbo, angaagwar akanonimaloed.

Salmo 98:3

Bab-Jehová Israel-dulemar-sabesaila maid. Ega ibmar-imakedseye-sogsa-gusad ebinsanonikid. Bela dulemar-napneggi-bukmalad, anmar-Bab-Dummad-bela-bela-e-bendaked daksamalad.

Miqueas 7:20

Jacob-waganga, be-ibmar-inniki-imaked, be oyoge, Abraham-waganga, dule-ise-wiledaked be oyoge. Epennegwa anmar-dadganga ise-sogar-imaksayobi, be ibmar imake.

Juan 1:14

We-Gayaburba, anmaryobi sanale san-nika gunonimogad, degine, anmar-abargi sanale gudigusmogad. Anmar e-gangued-yeerdakleged daksamalad. Unnila Bab-Machi-Wargwenna-Gued-e-gangued-yeerdakleged anmar daksamalad. We-dule, nue-dulemar-sabe nanadii gusad. Degine, igar-napiragwadgi nanadii gusbalid.

Juan 14:6

Jesús, abin-sogded: —Anbi unnila Bab-Dummadse be-sedoed. Ani an napiragwadid, degine, dulagudigued angi danikid. Dule angi nasulile, geg Bab-Dummadse warmaked.

Juan 18:37

Geb degi, Pilato ega sogdesun: —Degisoggu, ¿be reysunde? Jesús, abin-sogded: —Ar bede soged, an reyye. Igar-napiragwadgi-sunmakega an gwalulesad. Agala an we-napnegse nonikid. Ar dule igar-napiragwad-sordale, an-gayaburba-soged itoged.

Juan 5:45

”Mer be binsamalo, ani an-Bab-asabin bemargi gwisgumaloye. Suli. Moisésʼgi be bendaklegoye binsadimaladi, a-dule, bemargi gwisgumaloed.

Juan 7:19

”¿Ar Moisés bemarga igar-uksasursi? Degite, bemar a-igargi nanadisurmalad. ¿Ibiga be an-oburgwebimarsunna?”

Juan 8:32

Degine, bemar igar-napiragwad wisgunonimaloed, degine, igar-napiragwad isguedgi bemar-ollorsanonikoed.

Juan 9:29

Anmardi wisid, Bab-Dummad Moisésʼga sunmaksad. We-duledi, anmar wissulid, bia daniki.

Gusmalad 28:23

Degisoggu, ambikued-iba ega nasismarsunnad. A-ibagi, bukidar Judío-dummagan Pablo-maidse nonimalad. Pablo agi wakudaryala sunmakded, emarga Bab-Dummad-e-negdakmaidgi sunmaksii osedosad. Jesús-igargi aisaar emar-gwage-ogwaena-gadinye-binsaedba, emarga aisaar oyonai gualinad, igi Moisés-Igar-Mesisadi, degi, Bab-gayaburba-barsogmalad-ibmar-sogsadi, Jesúsʼgi bela deyob gusa.

Gusmalad 7:38

”Amba we-Moisés anmar-dadgan-abargi nega-dulesulidganba gudigusad. Deunni, yar-Sinaíʼgi baliwitur-ese-magarosad-ebo na sunmakdii gusad. Degi, Moisés anmar-dadganga sunmakdii gusmogad. We-Moisés Bab-Dummad-gayaburba burba-dula-uked abingasgusad, adi, anmarse ogwamarmogagar.

Romanos 6:14

Ar isgued bar bemargi obinosurmalad, ar ade, bemar Moisés-Igar-Mesisadba bar gudisurmalad. Bab-Dummad-nabir-dulemargi-binsamaid-igarba be gudimalad.

2 Corintios 1:20

Ar Bab-Dummad bela ibmar-nuegan-imakoye-sogsadi, Jesucristoʼba bela imaksagusad. Ar a-ular, anmar Bab-Dummad-nug ogannodele, Jesucristo-nuggi anmar sogdasunnad, deyob gusunye.

Gálatas 3:17

Degisoggu, an sogsundo: Bab-Dummad Abraham-ebo-gebe-igar-mesisad, Cristoʼgi ebo igar-nabosad. Geb a-sorba, birga-dulataled-ilabake-gaka-dulagwen-gakambegi (430), Moisés-Igar megnonikid. We-Igar-Megnonikidi, gege Bab-Dummad-Abraham-ebo-igar-mesisad bisged. Degisoggu, deyob gusana, Bab-Dummad-Abraham-ebo-igar-mesisad bergunonikoenad.

Deuteronomio 33:4

Anmar Jacob-wagan-guedba, we-Igar, ani Moisés, an bemarga uksagusad.

Deuteronomio 4:44

Moisés, Bab-Jehová-Igala, Israel-dulemarga uksad.

Deuteronomio 5:1

Moisés bela Israel-dulemarse gochad, ega sogded: “Israel-dulemar, emi-ibagi an bemarga Igar-sognaid, degine, an Igar-uknaid nue be itomar. Be durdakmalo, nue be ebinsadii gumalo, adi, a-sogedba be nanamalagar.

Hebreos 9:22

A-ukinbali, Moisés-Igar-Maidgi sognaido, ibmar-belasaale ibmar-durgan-abegi swilidik gusiiye. Abe milesulile, dule-isgued geg elileye.