Juan 1:14 - Kuna San Blas

¹⁴ We-Gayaburba, anmaryobi sanale san-nika gunonimogad, degine, anmar-abargi sanale gudigusmogad. Anmar e-gangued-yeerdakleged daksamalad. Unnila Bab-Machi-Wargwenna-Gued-e-gangued-yeerdakleged anmar daksamalad. We-dule, nue-dulemar-sabe nanadii gusad. Degine, igar-napiragwadgi nanadii gusbalid.

Bab dummad Jesucristoba igar mesisad garda

¹⁴ We-a-Gaya-Burba-Nued, anmargii sanale san-nika-gunonimogad, degine, anmar-abargi sanale gudigusmogad. Anmar e-gandik-gaed daksamalad, unnila Bab-Dummad-Machi-Wargwenna-Gued e-gandik-gaed. A-dule ibibayobi dulemar-sabgue-wilubsulinad, degite, nue dulemar-sabe nanadii-gusad, degine, igar-napiragwadgi nanadii-gusbalid.

Juan 1:14 Iomraidhean Croise

Salmo 2:7

Bab-Jehová-Igar-Mesisad an soggwelo. Bab-Dummad weyob anga sogsad: “Be an-machi gued, emi-ibagi, an be-babga gunonikid.

Salmo 45:2

Rey, be bur dulemar-baiganba yeerdakleged, be bur yeer-sunmaked, ar Bab-Dummad degisadegu begi ise-nued binsasad.

Salmo 85:9

E-nug-odummodimalad-bendakega, Bab-Dummad anmar-walikaa gudiid. E-gangued-yeerdakleged anmar-napneggi nai guoed.

Isaías 40:5

Agine geb Bab-Jehová-e-gandikid-yeerdakleged bela dulemarga oyolegoed.” Ar Bab-Jehová-sunnagwad deyob sogsad.

Isaías 53:2

Bab-Jehová, e-mai sapi-e-nii-dutugwad-dungueyobi odummosad. Sapi-e-mali napa-isganagi dogdedaeyobi, e-mai-odummosad. E-mai yeer daklesulid, gandik daklesurbalid. E-daklegedi, wilubba dakleged. Dulemar baisur-dakmalad.

Isaías 7:14

A-ulale, Bab-Jehová-sunnagwad ibmar-guoed-e-wilub oyogoed: Yagwa-wargwen gurgin-nika guoed, degi, goe nikunonikoed. Emanuelʼye onugsaoed.

Ezequiel 37:27

Wemar-abargi an gudiguoed, an e-Bab-Dummadga guoed, degi, emar an-dulamarga guoed.

Mateo 1:16

Jacob-machidi Joséʼye nugad. José, María-e-suiga gusadid, geb agi Jesús gwalulesad. We-Jesús, Cristoʼye nugad.

Lucas 2:11

Rey-David-gwalulesad-neggweburgi, Belénʼgi, emi-ibagi bemarga Cristo gwalulesad. A-dule, Dule-Abonogedid, Dule-Bur-Dummadid, Bab-Dummad-dule-wargwen-barmidagoye-sogsad-duled.

Lucas 2:7

Degine, gebe ega susugwa uklenonikid. Geb samorgi-obirmas, moli-omaed-urgi mimmi-mesisad, ar ade, emarga gabedneg sate gusad.

Lucas 9:32

Pedro, degi, baigan-eba-gudidimalad, gabed egi nue-obin itomar-inigwele, nue ataksamargu, Jesús-gangued-yeerdakleged daksamalad, degi, dule-warbo Jesúsʼba-gwichid daksamarbalid.

Juan 1:1

Gebe-negasailaunni bato Gayaburba gudiid. We-Gayaburba, Bab-Dummadba gudiid, degi, we-Gayaburba, Bab-Dummad gued.

Juan 11:40

Jesús, Marta-abin sogded: —¿An bega sogsasursi? Be angi bensulile, Bab-Dummad-gangued be dakoye.

Juan 14:6

Jesús, abin-sogded: —Anbi unnila Bab-Dummadse be-sedoed. Ani an napiragwadid, degine, dulagudigued angi danikid. Dule angi nasulile, geg Bab-Dummadse warmaked.

Juan 14:9

Jesús, abin-sogded: —Felipe, an bemar-abargi dikasurgus an gudiidde, ¿amba be aku an-dakde? Ar dule an-daksale, a-dule bato an-Bab-daksado. ¿Ibiga be anse egise, Bab be anga oyoye?

Juan 17:22

Baba, gangued-be-anga-uksadi, angi-bengusurmaladga a-gangued an uksamogad. Adi, wemar, igi anmar-wargwennague, deyobi, wargwenna gumarmogagar.

Juan 17:24

”Baba, be anga-dulemar-uksadi, an neg-megoedgi, anba megbi an abemogad. Adi, wemar an-gangued-yeerdakleged be anga uksadi dakmalagar. Ar ade, amba yoo we-napneg-nagued-iduar bato be an-sabgusad.

Juan 18:37

Geb degi, Pilato ega sogdesun: —Degisoggu, ¿be reysunde? Jesús, abin-sogded: —Ar bede soged, an reyye. Igar-napiragwadgi-sunmakega an gwalulesad. Agala an we-napnegse nonikid. Ar dule igar-napiragwad-sordale, an-gayaburba-soged itoged.

Juan 2:11

Jesús we-ibmar-wilubgan-dakledisurmalad gebe Galilea-yargi, Caná-neggweburgi, imaksa gusad. Agi Jesús, e-gangued-yeerdaklegedi oyosad. Degine, e-sapingan Jesús-nue-bensuli gunonimarsunnad.

Juan 3:16

“Ar Bab-Dummad bela we-napneggi-dule-bukwad nue-sabgussoggu, E-Machi-Wargwenna-Guedi barmialid, adi, dulemar-isgued-anar burgwegar. Ar doa-dule Bab-Dummad-Machigi bensuli-gunonikile, burba-geg-bergued nikuoed, adi, mer bar degisadegu, sabsur-odurdaklesii guegar.

Juan 3:18

”Ar doa-dule Bab-Dummad-Machigi bensulile, we-dule sabsur-odurdaklegosulid. Ar dule, Bab-Dummad-Machi-Wargwenna-Gued-e-nuggi-benerdi, bato ega sabsur-odurdakleged-igar maid.

Juan 6:51

Ani an a-madu-duladid, nibneggi aidenonikidid. Ar dule-wargwen a-madu-guchale, bar burgosulid, degidula sadeguoed. An madu-ukoedi, we an-sanad. We-napneg-naidgi dule-bukmalad-dula-gudiguega an-san an ukoed.”

Juan 8:32

Degine, bemar igar-napiragwad wisgunonimaloed, degine, igar-napiragwad isguedgi bemar-ollorsanonikoed.

Gusmalad 13:33

Ar anmar e-wagan-gusoggu, Bab-Dummad anmarga we-Jesús-burgwar-maid odulononikid, igi bato Salmo-sogbogwadgi narmakar nai. Agi sognaid: ‘Be an-machi gued, emi-ibagi, an be-babga gunonikid.’ Salmo 2:7

Romanos 8:3

Ar napiragwa, Moisés-Igar-Maid anmar-abonogega gwen unnigussulid, ar ade, anmar-isguedi Moisés-Igar-Maid-e-gangued-obelosad. Degisoggu, Bab-Dummad, dulemarga isgued-bennukega, sanar na E-Machi duleyobi we-napnegse barminonikid. Deyob, Bab-Dummad, Cristo-sangine isgued-e-gargangued obelononisunnad.

Romanos 9:5

Ar Israel-dulamargi anmar-dadgan-gebe-negsesmalad danikid. Geb degine, anmar-Israel-dulemargi Cristo sanar danimogad. We-Cristo Bab-Dummad-sunnadid, degine, bela-ibmarmar-e-dummadga maibalid. Cristo-nug birga-irba degisadegu ogannolesun. Ar deyobdo.

1 Corintios 15:47

Dule-gebe-we-napneggi-aideged, unnila we-napnegginedid. Dule sorba-nonimogadi, adi, nibnegginedid.

2 Corintios 12:9

Bab-Jesús an-abin-imaksad: “Unniguar bato an begi nued binsadiid, an be-bendakdiguad. Ar an-gangued dule-nollomaladgi bur ganna oyoleged.” Degisoggu, an-nollo-guedgi an na nug-dummarba itogodo. Adi, Cristo-gangued-e-burba-angi-maid oyolemai guegar.

Gálatas 4:4

Ar Bab-Dummad na E-Machi-barmidagoed-e-ibagan-nasiksad oarmaknonigu, na E-Machi ome-wargwengi barmialid, degi, Moisés-Igar-Mesisad-urbaligwa-nanaega aidenonibalid.

Efesios 3:8

Ar an-bur Jesucristoʼba-nanaimaladba bur-bipi-inigwele, degite, Bab-Dummad, Judíoʼsurmaladga E-Gayaburba-Nued-Cristoʼgi-soglesadgi-an-sunmakega an-susad. We-Cristo-igar, bur igar-nuedid, dulemar bela-mag-itogosulid-igalad.

Colosenses 1:19

Ar Bab-Dummad na e-abegedbali, bela Cristoʼga na Bab-Dummadga-gued uksad.

Colosenses 2:3

Bela Cristoʼginbi binsaed-nuegan-mamaid, degi, ibmar-mag-itogued danikid.

Colosenses 2:9

Ar Cristoʼgi bela Bab-Dummad-gued sanar dakleged.

1 Timoteo 3:16

Emide, Bab-Jesús-igar geg benguleged. Ar we-igar igar-dakledisulid-igalad, igala-dummadid, ar ade: Bab-Dummad anmarse oyolesad, anmar-dule-sunnadyob napnegse aidenonikid. Bab-Dummad-Burba-Isligwaled dule-ibmar-oakalossulidye-nik sogsad. Baliwiturmar, Bab-Jesús-nue-daksamarmogad, Judíoʼsurmaladga Jesús-igar-nuedgi ega sunmaklesad. Dulemar-napneggi-bukmalad Jesúsʼgi bengussurmalad. Degi, Bab-Dummad na e-nibnegse Jesús-onakwisad, agi e-nug odummossunnad.

Hebreos 1:3

Bab-Dummad-e-Machi Bab-Dummad-gangued-yeerdakleged nikamogad. Bela Bab-Dummadga-guedi, E-Machi deyob gumogad. Degine, Bab-Dummad-Machi na e-gayaburba-gandik-nikadba, bela ibmar semaid. Bab-Dummad-Machi anmar-isgued-uruknonigu, nibneggi Bab-Dummad-ologana-argan-nuedsik sigidapsunnad.

Hebreos 1:5

Ar bipisaale Bab-Dummad baliwitur-gwensakga gwen weyob sogsasulid: “Be an-machi gued, emi-ibagi, an be-babga gunonikid.” Salmo 2:7 Deginbali, Bab-Dummad baliwitur-gwensakga gwen sogsasurbalid: “Ani an be-babga guoed. Bee be, an-machiga gumogoed.” 2 Samuel 7:14

Hebreos 10:5

A-ulale, Cristo we-napnegse-nonigu, Bab-Dummadga soged: “Bega-ibdula-uklemalad, gwen be abessulid, bega-ibmar-gwag-gullemalad-ukleged gwen be abessurbalid. Emidi, anga be san guakwaa uksad.

Hebreos 2:11

Ar dule-gwage-swilidik-saedi, degine, dule-gwage-swilidik-guedi, ar ebobela bab-wargwengi danikid. A-ulale, Jesucristo bingesuli, dule-eba-nanaimaladse, an-gwenadye goled.

Hebreos 5:5

Ar Cristoʼmoga na-dukin dule-irwa-Bab-Dummadse-goled-bur-dummadga nug-imaksasurmogad. Bab-Dummadi Jesús-nug-imaksad. Bab-Dummad ega sogsagusad: “Be an-machi gued, emi-ibagi, an be-babga gunonikid.” Salmo 2:7

1 Juan 4:14

Ar anmar-sunnad an daksamalad, degisoggu, anmar sogsundo, Baba na E-Machi-we-napneg-Abonoged, we-napnegse na barmiarye.

1 Juan 4:9

Bab-Dummad weyobi anmarse dulemar-sabed oyononikid. Deunni, E-Machi-wargwennaa-gued we-napnegse anmarga barmiargu, adi, abali anmar dula-gudiguegar.

2 Juan 1:7

Ar bukidar dule-yardakmalad we-napneggi ainis gudimalad. We-dulemar sogmalad, Jesucristo we-napnegse dulemaryob gwalulessurye. Ar dule-deyob-sogedi, Cristoʼgi-yolegedid, dule-yardakedid.

Apocalipsis 19:13

We-dule ablisgi-diduar-imaklesad-mola yoid, degine, e-nugdi, weyob nugad: Bab-Dummad-Gayaburba.

Apocalipsis 21:3

Geb degi, nibneggi gayaburba binnasur gole an itosad. Weyob soged: “Emigindi, Bab-Dummad-meged-neg dulemar-abargi signonisunnad. Bab-Dummad dulemar-abargi gudigusunnoed. Dulemar Bab-Dummad-sordamarga gunonikoed. Bab-Dummad-sunnad we-dulemar-e-Bab-Dummadga gumogoed.