Juan 1:1 - Kuna San Blas

¹ Gebe-negasailaunni bato Gayaburba gudiid. We-Gayaburba, Bab-Dummadba gudiid, degi, we-Gayaburba, Bab-Dummad gued.

Bab dummad Jesucristoba igar mesisad garda

¹ Gebe-negasailaunni bato Gaya-Burba-Nued gudiid, we-Gaya-Burba-Nued Bab Dummadba gudiid, degi, we-Gaya-Burba-Nued, Bab Dummad gued.

Juan 1:1 Iomraidhean Croise

Génesis 1:1

Bab-Dummadi, gebe-negasailaunni, nibneg, napneg obinnisad.

Salmo 45:6

Bab-Dummad, be-negsemaid degisadeguoed. Be-negsemaid, igar-maidba be imaked.

Isaías 7:14

A-ulale, Bab-Jehová-sunnagwad ibmar-guoed-e-wilub oyogoed: Yagwa-wargwen gurgin-nika guoed, degi, goe nikunonikoed. Emanuelʼye onugsaoed.

Isaías 9:6

Ar susugwa-gwensak anmarga gwalulesad, mimmi-gwensak anmarga uklesad. A-machi gandikidba negseoed, weyob nugguoed: Binsaed-Daked-Wilub-Obichadye, Bab-Dummad-Bela-Gangued-Nikadye, Bab-Degisadeguadye, Neg-Bogidikid-E-Dummadye, nugguoed.

Mateo 1:23

“Emi be dake, yagwa-wargwen gurgin-nika guoed, goe nikunonikoed. Emanuelʼye onugsaoed.” Isaías 7:14 Emanuel sogleged, “Bab-Dummad anmarba gudiiye.”

Lucas 24:53

Bab-Dummadse-goled-neggi gudigudamalad, Bab-Dummad-nug-ogannodii, degi, Bab-Dummadgi-nued-binsabukwa damalad. Be itomargua.

Juan 1:14

We-Gayaburba, anmaryobi sanale san-nika gunonimogad, degine, anmar-abargi sanale gudigusmogad. Anmar e-gangued-yeerdakleged daksamalad. Unnila Bab-Machi-Wargwenna-Gued-e-gangued-yeerdakleged anmar daksamalad. We-dule, nue-dulemar-sabe nanadii gusad. Degine, igar-napiragwadgi nanadii gusbalid.

Juan 1:18

Dule gwen Bab-Dummad dakdisulid. Unnila Bab-Dummad-Machi-Wargwennagwad, e-Babba-mesa-gudiid, a, anmarga Bab-Dummad-osanalononikid.

Juan 1:2

We-Gayaburba, gebe-negasailaunni bato Bab-Dummadba gudiid.

Juan 16:28

An we-napnegse dagegala, Babgi an bangualid. Emigindi, gannar we-napneg an mete-naesokalid, Babse gannar an naesokalid.”

Juan 17:5

Baba, emigindi, be-nagaba an-nug be odummosun. Ar igi we-napneg-nagued-iduar, an bebogwa nug-dummarbaa nika-gudigusad, deyobi, be gannar an-nug odummosun.

Juan 20:28

Geb degi, Tomás, abin-imakde, sogded: —¡An-Dummad, an-Bab-Dummad!

Juan 8:58

Jesús, abin-sogded: —Napira an bemarga soged, amba yoo Abraham-gwalulege, bato an gudiid.

Romanos 9:5

Ar Israel-dulamargi anmar-dadgan-gebe-negsesmalad danikid. Geb degine, anmar-Israel-dulemargi Cristo sanar danimogad. We-Cristo Bab-Dummad-sunnadid, degine, bela-ibmarmar-e-dummadga maibalid. Cristo-nug birga-irba degisadegu ogannolesun. Ar deyobdo.

Efesios 3:9

Degine, belagwapa dulemar-baiganga-oyogega anga igar uklesad. We-igar, Bab-Dummad-bela-we-napneg-naidgi-ibmar-urbisadbi iduar wisi mainad. Emigindi, Cristoʼgi magar itolenonisunnad.

Filipenses 2:6

Ar Cristo-Jesús gusgu Bab-Dummad gued, Bab-Dummaddeeye na bar-binsassulid, agi alamaknai gussulid.

Colosenses 1:15

Cristo-Jesús, Bab-Dummad-akudakleged-e-wilub gued, Cristo-Jesús bela ibmar-obinnilesad-iduar bato gudibinned.

Colosenses 1:17

Cristo bato bela we-ibmar-iduale, gudiid, Cristoʼgi bela ibmar nabir selemaid.

1 Timoteo 3:16

Emide, Bab-Jesús-igar geg benguleged. Ar we-igar igar-dakledisulid-igalad, igala-dummadid, ar ade: Bab-Dummad anmarse oyolesad, anmar-dule-sunnadyob napnegse aidenonikid. Bab-Dummad-Burba-Isligwaled dule-ibmar-oakalossulidye-nik sogsad. Baliwiturmar, Bab-Jesús-nue-daksamarmogad, Judíoʼsurmaladga Jesús-igar-nuedgi ega sunmaklesad. Dulemar-napneggi-bukmalad Jesúsʼgi bengussurmalad. Degi, Bab-Dummad na e-nibnegse Jesús-onakwisad, agi e-nug odummossunnad.

Tito 2:13

Emide anmar, bensulidgi anmar-Bab-Jesucristo-Abonoged-nuedid e-gangued-yeerdaklegedgi-gannar-danikoed edarbedimarsunnad.

Hebreos 13:8

Jesucristo sae-gudigusadyob gudiid, emi-ibagi amba deyob gudibalid. Degisadegu gudii gubaloed, gwen gwagmaisulid.

Hebreos 7:3

Dule wissulid doa Melquisedec-e-baba, degine, doa e-nana, deginbali, doa e-dadganbali, dule gwen wissurmalad. Deginbali, Melquisedec-gwalulesad, degine, e-burgwisad dulemar gwen wissurmarbalid. A-ulale, Bab-Dummad-Machiyobi gumosundo, dule-irwa-Bab-Dummadse-goled degisadeguad-dulesundo.

2 Pedro 1:1

Ani Simón-Pedro, Jesucristo-e-mai, degi, e-sapin-bur-dummadga-gumogaga nugsalesmogadid. Jesucristo-anmar-Bab-Dummad, anmar-Abonogedid, e-ibmar-inniki-imaked-ular, bemar anmaryob Jesucristoʼgi-bensuli gunonimarmogad. An bemarse garda narmaksiid. Be we-Jesucristoʼgi-bensuliguedi, anmarga, degi, bemarga ibnuedga gunonikid.

1 Juan 5:20

Ar anmar wisbardo, Bab-Dummad-Machi we-napnegse nonikid. A Bab-Dummad-napiragwad-maid magar-ito anmar-imaknonikid. Degisoggu, anmar E-Machi-Jesucristoʼgi, dule-napiragwadba gudisunnad. Ar we-Jesucristo Bab-Dummad-napiragwadid, degi, san-burba-geg-bergued-sunnadbalid.

1 Juan 5:7

Ar e-warbaa anmarga nibneggi sunmaked: Baba, Gayaburba-Nued, degi, Bab-Burba-Isligwaled. Ar wemar-warbaagwadi, wargwennaa gued.

Apocalipsis 1:11

sognonikid: “[Ani an Gebesailaginedid (Alfa), ani an Napisoladbalid (Omega)]. We-ibmar be dakedi, gardagi be narmake. Jesúsʼba-nanaimalad-Asia-yargi-bukmalad-sogagugledse (7) be we-garda barmide: Éfesoʼgi-bukmaladse, Esmirnaʼgi-bukmaladse, Pérgamoʼgi-bukmaladse, Tiatiraʼgi-bukmaladse, Sardisʼgi-bukmaladse, Filadelfiaʼgi-bukmaladse, degi, Laodiceaʼgi-bukmaladse.”

Apocalipsis 1:17

A-dule deyob an dakargu, burgwisayob an e-nag-naba aimukuded. We-dule, e-argan-nued an-birgi-mesisgu, anga sogded: “Mer dobgu, ani an Gebesailaginedid, ani an Napisoladbalid.

Apocalipsis 1:2

We-Juan, na e-sunnad-daksadbali, Bab-Dummad-bela-ega-sogsadba, degine, Jesucristo-bela-ega-oyosbalidba, narmaknonikid.

Apocalipsis 1:8

Bab-Dummad-Bur-Birigined weyob soged: Ani an Gebesailaginedid, (Alfa). Ani an Napisoladbalid, (Omega). Ani an Bela-Gangued-Nikad, gudiid, ani an Bela-Gangued-Nikad, gudigusad, ani an Bela-Gangued-Nikad, gudigubaloed.

Apocalipsis 19:13

We-dule ablisgi-diduar-imaklesad-mola yoid, degine, e-nugdi, weyob nugad: Bab-Dummad-Gayaburba.

Apocalipsis 2:8

“Anba-nanaimalad-Esmirnaʼgi-bukmalad-e-baliwiturse garda narmak: ” ‘Dule-Gebesailaginedid, Dule-Napisoladbalid, dule-burgwis-gusad, dule-durgus-gusbalid, weyob bemarga soged:

Apocalipsis 21:6

Anga sogdebalid: “Bato bela gwinmaksad. ”Ani an, Gebesailaginedid (Alfa), ani an, Napisoladbalid (Omega). Ar dule uku-uku itogele, ani an ega dii binsa ukoed. We-dii, dii-saila-degisadegu-dule-dula-imakedid.

Apocalipsis 22:13

Ani an Gebesailaginedid, (Alfa). Ani an Napisoladbalid, (Omega). Ani an gebedid, anse bergunaibalid.

Apocalipsis 3:14

“Anba-nanaimalad-Laodiceaʼgi-bukmalad-e-baliwiturse garda narmak: ” ‘Napiragwad-soged-dule, degi, ibmar-daksad-barsoged-napiragwad-dule, degine, Bab-Dummad-ibmar-obinnisad-e-Dummad, weyob bemarga soged: