Josué 7:2 - Kuna San Blas

² Josué, Jericó-akale, Hai-neggwebur-arganamalaga dulemar-barmisad. Hai-neggweburde Betel-neggwebur-dad-nakwedsik, Bet-Avén-walik siid. Josué a-dulemarga weyob sogsad: “Bemar Hai-neggwebur arganamar.” Degisoggu, dulemar Hai-neggwebur-arganadmarsunnad.

Josué 7:2 Iomraidhean Croise

Génesis 12:8

Geb agine, Abram yalagansik naded. We-yalagande Betel-neggweburgi dad-nakwedsik siid. Agi, dordoneg sidapid. Degisoggu, Betel-neggwebur egi dad-argwanedsik signonikid. Hai-neggweburdi dad-nakwedsik egi signonikid. Abram agi Bab-Jehováʼga-ibmar-ogumakar-ukleged-aila-baid sobsabalid. Geb degine, Bab-Jehováʼse agi gochasunnad.

Génesis 28:19

Iduale, agi neggwebur-siidi, Luzʼye nuganad. Jacobʼdi a-neggwebur Betelʼye onugsasad.

1 Reyes 12:29

Degidgine, Jeroboam, Betel-neggweburgi moli-orbiid-wargwen ogwichisad. Dan-neggweburgi baid-moli-bebe-nikad ogwichisbalid.

Nehemías 11:31

Benjamín-wagandi we-neggweburmargi ambikusmalad: Geba-neggweburgi, Micmas-neggweburgi, Aía-neggweburgi, Betelʼgi, degi, e-neggwebur-burwigangi ambikusmalad.

Proverbios 20:18

Igarmar-nuegan-amilegedi, binsaed-nued-dakedba amileged. Bila-onolegegala, igar-nikaa imaklegergebed.

Proverbios 24:6

Nue-igar-amiale, bila onoleged. Bukidar-dulemar-binsaed-dakmaladgi nakwileged siid.

Isaías 10:28

Be-isdarmalad-Asiria-sordamar Ajatʼye-neg-nugadgingus naid, Migrónʼye-neg-nugadgi nadapid, Micmasʼye-neg-nugadgi e-ibmarmar obesad.

Jeremías 49:3

Bab-Jehová soged: “Hesbón-dulemar, Hai-neggwebur-bibichisadga be bomar. Rabá-bunamala, Haiʼga be binnasuli gormakmar. Bukib-binsaed-mor be yomar, ega be bukib binsamar. Gannar-gannar abarmakgwichi be imakmar. Ar bab-dummad-Milcom dule-irwa-ese-gormaladbo, degi, ega-arbamaladbo-galesa selesad.

Oseas 4:15

”Ar Israel-dulemar galagwensuli negsichidgi nanadimalad, Judá-dulemar, bemardi mer be deyob damarmogad. ”Judá-dulemar, melle Gilgalʼye-neg-nugadse be namalo, melle be Bet-Avénʼye-negye-nugadse be namalo. Melle be ‘Bab-Jehová-nuggi’ ise-sogar-imakmalo.

Mateo 10:16

Jesús, e-sapinganga sogded: “Emigi bemar, sibad-wawaadyob, achu-burburumalad-abargi an na be-barmidmar. Degisoggu, naibeyob bemar guagwar gudimaloed. Deginbali, baisursunna nuu-daeyob be damarbaloed.

Efesios 5:15

Degisoggu, be-daedgine nue be nanamarsun, melle dule-ibmar-wissurmaladyob be damar, dule-nue-ibmar-wisidyob be nanamarsun.

Josué 12:9

Israel-dulemar we-neggweburmar-e-reymargi nakwisad: Jericó-e-reygi, Hai-e-reygi. Hai-neggweburde, Betel-naba siid.

Josué 18:12

Dad-nakwed-sapiledsik yar-abingunaidi, Jordán-diwargi onoded, geb Jericó-dad-nakwed-argan-sapiledsiki yar-mullu-siidba nakwemaid. Agine, dad-argwanedsiki, yarmar-bukwadsik namaid, geb Bet-Avén-nega-dulesulidganse momaid.

Josué 2:1

Nun-e-machi-Josué, Sitim-akale dule-warbo arbakee barmisad. Amarga sogsad: “Yar-naid, degi, Jericó-neggwebur be arganamar.” A-dule-ebogwad Jericó-neggweburse mosmargua, ome-gambanuchu-saed-Rahabʼye-nugad-negse dogdapmalad.

Josué 7:3

Geb sordamar gannar nonimargua, Josuéʼga sognonimalad: “Bila-ononamalagala melle be bela sordamar barmido. Anmar Hai-neggwebur-suega, unnila Milibodibe (2,000), milipaadibe (3,000), sordamar abeleged. We-neggwebur machergan-ichee nikad, degisoggu, melle bela dulemar binsa gegguega be imako.”

1 Samuel 13:5

Filistea-sordamar, Israel-sordamargi-bila-onogega na atosmarmogad. Filistea-dulemar ur-napagined-bila-onoged mili-dulagwen-gakambe (30,000) nikamalad, dulemar-moli-birgi-sii-urwemalad milinergwa (6,000) nikamarbalid, geb e-sordamar-nagab-urwemaladdi demar-gakaba-ukub-naidyob bela-bela mergued. Bet-Avén-dad-nakwedsik, Micmasʼgi Filistea-sordamar bukunonimalad.

1 Samuel 14:23

Bila-onolenaid Bet-Avén-neggweburse warmaksad. A-ibagine, weyobi Bab-Jehová Israel-dulemar-bendaksad.

1 Samuel 30:27

David we-girmar-dummaganga ibmarmar barmisad: Girmar-dummagan-Betelʼginmaladga, Neguev-Ramotʼginmaladga, Jatirʼginmaladga,