Josué 12:1 - Kuna San Blas

¹ Moisés-dula-gudiunni, Israel-dulemar Jordán-diwar-dad-nakwedsik rey-warbo-maidgi nakwis gusmalad. Israel-dulemar we-reymar-ibe dad-nakwed-argan-nuedsik Arnón-dian-akar dad-nakwed-argan-sapiledsik Hermón-yarse yar susmalad. Deginbali, bela Arabá-dad-nakwedsik-yar-naidi susa gusmarbalid.

Josué 12:1 Iomraidhean Croise

1 Reyes 4:19

Uri-machi-Geber, Galaad-yar-naid dakmaid. Galaad-yarde, Rey-Sehónʼgadinad. Sehónʼde Amorreo-dulemar-e-reyga maigusanad. Geberʼde Rey-Og-e-yar ganikinad. Ogʼde Basán-yar-naid-e-reyga maigusanad. Galaad-yargindina, Geber wargwenna yar-semaid.

Salmo 133:3

Hermón-yalagi-dii-bomieyobi gued. We-dii Sión-yalase bomied. Bab-Jehová weyob dulemar-gwenatigwale-bukwadgi, nued binsadaed, suitii we-napneggi-gudii imaked.

Salmo 136:21

Bab-Dummad, we-reymar-e-yarmar e-dulamarga uksad. A-e-nug odummomar. Ar e-sabguedi, degisadeguad.

Salmo 89:12

Be dad-nakwed-argan-sapiledsik-yar-bukwad obinnisad, dad-nakwed-argan-nuedsik-yar-bukwad be obinnisbalid. Tabor-yar weligwar be-nugga namaked, Hermón-yar weligwar be-nugga namaked.

Isaías 16:2

Moab-dulemar-omegan, nuu-e-uugi-ise-gwayar-noddaedyobi, Arnón-diwargi obakmamai guoed.

Números 21:13

Agi-bukwa nadmarbalid, Arnón-diwar-obakar danar-danar ambikudapmalad. We-diwar nega-dulesulidganba maid. Arnón-diwar Amorreo-dulemar-e-yar, Moab-dulemar-ebo-yar-abingunaidga maid.

Números 21:21

Israel-dulemar gaya-berbenaega dule-gayaburba-berbemalad Sehónʼse barmisad. Sehónʼde Amorreo-dulemar-e-reyd. Weyob ega garda barmisad:

Números 21:24

Israel-sordamar, Sehón-sordamargi nakwismalad, ei-yar Arnón-diwar-akar, Jaboc-diwarse susmalad. A-sogledo, Amón-dulemar-e-yar-abingunaidse susmarye. Amón-sordamar e-yargi nue-nakulebukmarsoggu, Israel-dulemar agindi dogsasurmalad.

Números 32:19

Anmar, anmar-gwenadganbo Jordán-diwar-dad-argwanedsik ambikuosulid. Ar anmar-yala Jordán-diwar-dad-nakwedsik nai guoed.

Números 32:32

Anmar Bab-Jehová-sogedba Canaán-yalase bila-ononamaloed. Ar anmar-yaladi, Jordán-diwar-dad-nakwedsik naiguoed.

Números 32:33

Moisés, Gad-waganga, Rubén-waganga, degi, José-machi-Manasés-wagan-negabaladga, we-reymar-yar uksad: Amorreo-dulemar-e-rey-Sehón-yar degi, Basán-dulemar-e-rey-Og-yar Degine, bela ega neggweburmar-bukwad uksad, degi, amar-dikarba nainumar-nanaid bela uksabalid.

Deuteronomio 2:24

Moisés Israel-dulemarga sogdebalid: “Bab-Jehová anga sogsabalid: ‘Be namarbar, be Arnón-dian obakmalo. An Amorreo-dule-Sehón Hesbón-e-rey an bemarga urmaknaid. Egi-nakwega an bemar-imakoed. Be e-yar sunamar, egi be bila-ononamar.

Deuteronomio 2:32

”Degine, Rey-Sehón bela e-sordaganmala anmar-abin noalid, Jahazaʼye-neg-nugadgi anmarbo urwemalagar.

Deuteronomio 3:1

Moisés Israel-dulemarga sogdebalid: “Degine, anmar gannar arbalid, geb Basán-yarsik anmar nade gusad. Agine, Basán-e-rey-Og, bela e-sordamarmala anmarbo-urwegala, Edrei-neggweburgi anmar-abin noalid.

Deuteronomio 4:44

Moisés, Bab-Jehová-Igala, Israel-dulemarga uksad.

Deuteronomio 4:46

Deunni, Bet-Peor-neba-naidi, Amorreo-dulemargadinad. Sehón, Hesbón-yargi reyga mai gusanad. A-yargine, Moisés, Israel-dulemarmala, Rey-Sehónʼgi nakwisgusmalad.

Deuteronomio 4:48

Aroer-neggwebur-Arnón-diwar-gakaba-siid-akale, Sión-yar-siidse, we-yarmar sulesad. We-Sión-yar, Hermónʼye nugbalid.

Josué 1:15

Bab-Jehová igi-bemarga obunnoged uksa, deyobi, Bab-Jehová be-gwenadganga obunnoged-ukedse, bemar be-gwenadgan bendakmaloed. Bab-Jehová ega yar-ukoye-sogsad-suedse, bemar be-gwenadgan bendakmaloed. Geb bela weyob ibmar-gusad-sorbali, sunna bemar napa-bega-uklesadse be gannar namalad, adi, degisadegu na be begadga imakmalagar. We-napamar Bab-Jehová-e-mai-Moisés bemarga Jordán-diwar-dad-nakwedsik uksagusadid.

Josué 11:17

Deginbali, Josué, we-yarmar susbalid: Halac-yar-siid-akale, we-yala Seirʼye-neg-nugadsik nakwemaid, Baal-Gad-neggwebur-siidse. We-neggwebur Líbano-nebagangi, Hermón-yar-nakwedgi siid.

Josué 11:3

Amba deyobi, Rey-Jabín, Canaán-dulemar dad-nakwedsik-bukwamaladse, degi, dad-argwanedsik-bukwamaladse gayaburba barmisbalid: Amorreo-dulemarse, Het-dulemarse, Ferezeo-dulemarse, Jebuseo-dulemar yalagangi bukwamaladse, Heveo-dulemar Hermón-yar-nakwedsik Mizpa-yargi-bukwamaladse gayaburba barmisbalid.

Josué 13:8

Manasés-wagan-baid-negabalad, Rubén-wagan, degi, Gad-wagan, Jordán-diwar-dad-nakwedsik yar-egadga guega, bato Bab-Jehová-e-mai-Moisés iduar ega yar uksa gusad.

Josué 22:4

Ar igi be-Bab-Dummad-Jehová be-gwenadganga neg-bogidikid-nasikoye-sogsagusa, emidi, deyobi, Bab-Jehová be-gwenadganga neg-bogidikid nasiksad. Degisoggu, Jordán-diwar-dad-nakwedsik Bab-Jehová-e-mai-Moisés bemarga yar-uksa-gusadse, be-negse, be namarsun.

Jueces 11:18

” ’Geb degine, Israel-dulemar nega-dulesulidganba aligusmalad, Edom-yar-dikarba nasa gusmalad, degi, Moab-yar-dikarba nasa gusmarbalid. Geb, Moab-yar-dad-nakwedsik modapmargu, Arnón-diwar-obakar danar-danar ambikunoni gusmalad. Ar Arnón-diwar, Moab-yar-abingunaidga-gunaisoggu, Israel-dulemar Moab-yargi dogsasurmalad.