Josué 11:3 - Kuna San Blas

³ Amba deyobi, Rey-Jabín, Canaán-dulemar dad-nakwedsik-bukwamaladse, degi, dad-argwanedsik-bukwamaladse gayaburba barmisbalid: Amorreo-dulemarse, Het-dulemarse, Ferezeo-dulemarse, Jebuseo-dulemar yalagangi bukwamaladse, Heveo-dulemar Hermón-yar-nakwedsik Mizpa-yargi-bukwamaladse gayaburba barmisbalid.

Josué 11:3 Iomraidhean Croise

Génesis 31:49

Deginbali, a-neg Mizpaʼye nuggusbalid, ar ade, Labán sogsad: —Anmar na gi yoggudmalo-inigwele, Bab-Jehová anmar-dakdii guoed.

2 Samuel 24:16

Geb degine, Bab-baliwitur dulemar-ogilogega Jerusalén-neggwebursik e-argan-oyodgu, Bab-Jehová e-baliwitur-boni-uknaidga sogded: “Mer bar dulemar akar-imako. Be-argan mer bar oyogo.” Jehová-e-baliwitur Araunaʼye-dule-nugad-e-ibmar-gwag-omukuleged-neg-dikarba gwichid. Araunaʼde, Jebuseo-duled.

2 Samuel 24:7

A-sorba, Tiro-neggwebur-gandik-siidse nadmarbalid, degine, Heveo-neggweburmarba bipirmakapmalad, Canaán-neggweburmarba bipirmakapmarbalid. A-sorbali, Beerseba-neggweburse nadegusmarbalid. A-neggwebur Neguev-yargi siid, Judá-yar-naidgi.

1 Reyes 15:22

Agine, Rey-Asa bela Judá-dulemar-onmaksad, wargwensaar obelessulid. Judá-dulemar Ramá-neggwebur-gandik-imaklenaid-e-akwamar, degi, e-urgomar bela searmalad. Rey-Asa, a-ibmarmargine, Geba-neggwebur, degi, Mizpa-neggwebur sobnai gusad. We-neggweburmar, Benjamín-neggweburmalad.

1 Reyes 9:20

Israel-dulemarsulid-e-wagan-napi-besmalad, wemalad: Amorreo-dulemar, Het-dulemar, Ferezeo-dulemar, Heveo-dulemar, Jebuseo-dulemar.

Salmo 133:3

Hermón-yalagi-dii-bomieyobi gued. We-dii Sión-yalase bomied. Bab-Jehová weyob dulemar-gwenatigwale-bukwadgi, nued binsadaed, suitii we-napneggi-gudii imaked.

Salmo 89:12

Be dad-nakwed-argan-sapiledsik-yar-bukwad obinnisad, dad-nakwed-argan-nuedsik-yar-bukwad be obinnisbalid. Tabor-yar weligwar be-nugga namaked, Hermón-yar weligwar be-nugga namaked.

Cantares 4:8

An-ome, Líbano-yar-akar anba be dage, Líbano-yargi-gudiidgi anba be dage, Amana-yar-akar be aidedage, Senir-yar-akar be aidedage, Hermón-yargi be aidedage. Achumigur-e-negmar-akar be aidedage, achu-barbad-e-yarmar-akar be aidedage.

Jeremías 40:10

Andi Mizpa-neggweburgi megoed, adi, Babilonia-dulemar-danimalar, an bemar-ular sunmakegar. Bemardi vino be sabomar, ibmar-durbagan-yorgi-sanmakmalad, degi, olivo-gwallu be sabomar, degine, gannar be-neggweburgi be megmalo.”

Jeremías 40:6

Degisoggu, Jeremías, Mizpaʼse Ahicam-machi-Gedalíasʼba nadsunnad. Mizpa-neggweburgi Gedalías-walik, degi, amba abala-neggweburgi-dulemar-besmalad-walik gudii gusad.

Jeremías 41:14

Bela dulemar-Ismaelʼse-gales Mizpa-akar-selemaidi, Carea-machi-Johanánʼba armalad.

Jeremías 41:3

A-ukinbali, Ismael, Judá-dulemar Mizpaʼgi Gedalíasʼba-gudimalad, degi, sorda-bila-onomalad, ogilosbalid.

Números 13:29

Neguevʼgi Amalec-dulemar bukwananaed. Yalaganbali, Het-dulemar, Jebuseo-dulemar, degi, Amorreo-dulemar bukwananaed. Canaán-dulemardi demar-gakaba, degi, Jordán-diwar-gakaba bukwananamalad.

Deuteronomio 4:48

Aroer-neggwebur-Arnón-diwar-gakaba-siid-akale, Sión-yar-siidse, we-yarmar sulesad. We-Sión-yar, Hermónʼye nugbalid.

Deuteronomio 7:1

Moisés Israel-dulemarga sogdebalid: “Be-Bab-Dummad-Jehová be-yar-susokarmaladgi bemargadga-guega bemar-odogoed. Bab-Jehová, bemar-idu dule-bukidar-bukwamalad onogoed: Het-dulemar, Gergeseo-dulemar, Amorreo-dulemar, Canaán-dulemar, Ferezeo-dulemar, Heveo-dulemar, degi, Jebuseo-dulemar-bukwad, onogoed. ”We-dulemar-sogagugle-gumaladi (7), bemarba bur-melu sordamar nikamalad. Degine, bemarba bur dutusurmarbalid.

Josué 11:17

Deginbali, Josué, we-yarmar susbalid: Halac-yar-siid-akale, we-yala Seirʼye-neg-nugadsik nakwemaid, Baal-Gad-neggwebur-siidse. We-neggwebur Líbano-nebagangi, Hermón-yar-nakwedgi siid.

Josué 11:8

Bab-Jehová Israel-dulemarga we-dulemar urmaksad. Israel-dulemar bela we-dulemar nue-naibi-imaksad. Geb Sidón-neggwebur-dummadse, Misrefotmaimʼse, degi, dad-nakwedsik, Mizpa-neba-naidse baregichamalad. We-dulemar wargwensaale dula bessulid.

Josué 13:11

Deginbali, wemarga Galaad-yar uklesbalid. We-yala Gesur-dulemargadid, degi, Maaca-dulemargadid. Bela Hermón-yala, degi, bela Basán-yala Salcaʼse, wemarga uklesbalid.

Josué 13:5

Deginbali, Giblita-dulemar-e-yar, degi, bela dad-nakwedsik-Líbano-yar-naidi amba yoo sulebalid. A-yala, Hermón-yar-nakwedsik Baal-Gad-akar onoalid, Hamat-dogedse bergunaid.”

Josué 15:38

Dileán, Mizpa, Jocteel,

Josué 15:63

Judá-wagan, Jerusalénʼgi Jebuseo-dulemar gwen onossurmalad. A-ulale, we-garda-narmaklenaidse, Jerusalénʼgi Judá-wagan-abargi Jebuseo-dulemar gudimalad.

Josué 18:26

Mizpa, Cafira, Mozah,

Josué 3:10

Josué sogdebalid: “Emisgwa bemar wisguoed, Bab-Dummad-Dula-Maid bemar-abargi gudiid. We-Bab-Dummadi bemar-idu we-yargi we-dule-bukwamalad onioed: Canaán-dulemar, Het-dulemar, Heveo-dulemar, Ferezeo-dulemar, Gergeseo-dulemar, Amorreo-dulemar, degi, Jebuseo-dulemar onioed.

Jueces 20:1

Degidgi, Israel-dulemar belagwable nadegusmalad, Dan-yargi-alid, Beerseba-yarse, degi, Galaad-yar-akar, soggwenagwadyob Bab-Jehová-asabin Mizpaʼye-neg-nugadgi ambikunonimalad.

Jueces 21:5

Degi, Israel-dulemar na muchub-muchub egichiarmalad: “Israel-wagan-belagwable-bukwamaladi, ¿doa-wagan Bab-Jehováʼse-goled-negse arbisuli?” Ar dule Mizpaʼgi Bab-Jehováʼse arbisulile, ega igar ise-sogar megisad: “Oburgwilegoye.”

Jueces 21:8

Degidgi, egichiarmalad: “¿Biti Israel-wagan Mizpaʼgi Bab-Jehováʼse arbisuli?” Geb dakarmalad, bela Jabes-Galaadʼginmalad Bab-Dummadse-goled-neg-siidse igar-itogega nonisurmala.

Jueces 3:3

Dulemar-baigan-bukusmaladi, wemalad: Filistea-e-dummagan walatar bukusad. Canaán-dulemardi amba bela bukusad. Sidón-dulemar-Líbano-yargi-bukwamaladi, bukusad. Degi, Heveo-dulemar-Líbano-yalaganba-bukwamarmogadi, Baal-Hermón-yar-akale, degine, Hamat-neg-nugadse-bukmaladi, amba bela bukusmarmogad.

Jueces 3:5

Israel-dulemar we-dulemar-abargi bukunonisunnad: Canaán-dulemar-abargi, Het-dulemar-abargi, Amorreo-dulemar-abargi, Ferezeo-dulemar-abargi, Heveo-dulemar-abargi, degine, Jebuseo-dulemar-abargi bukusmalad.

1 Samuel 10:17

We-ibmar-gusad-sorbali, Samuel, Mizpa-neggweburgi Israel-dulemar-onmaksad, Bab-Dummad-nug-odummomalagar.