Jonás 4:9 - Kuna San Blas

⁹ Agine, Bab-Dummaddi Jonásʼga sogded: —¿Ar dagargii-dakleged-dingusadbina nue be urwe? Jonás, Bab-Dummad-abin sogded: —Eye, nue-bela-bela an sae-itoged.

Jonás 4:9 Iomraidhean Croise

1 Reyes 21:4

Acab bukib-itosad, degine, nabir itossulid, Jezreel-dule-Nabot ega weyob sogsagu: “An-nainu-an-sergan-anga-uksadi, an bega ukosurye.” Degidba, Acab bukib-itogedba e-gabedgi wagar-biria megisad, uludedba bar mas-guchasulid.

Job 18:4

Ar be urwed doggussoggu, abali, na be dukin wionaid. ¿Ar degidbali, napaneg swiri naguoye be binsasi? ¿Ar be-sogedba akwamar ainiroye be binsasi?

Job 36:18

¡Degisoggu, nue salak! Abakalegi be manibina surbinsa itodager, manise be binsaed-galenai gudager, ese be baklenai gudager.

Job 5:2

Ar emargi-isdar-binsalegedi, dule-binsaedsulid-oburgwed. Emargi-nobgulegedi, dule-binsaedsulid-oburgwed.

Jonás 4:1

We-ibmar-gusad bela-bela Jonás-sae-itogega imaksad. Sae-itogedba, sabsur-uluded.

Jonás 4:10

Geb degine, Bab-Jehová Jonásʼga sogdebalid: —¿We-dagargii-dakleged-urwa, mutiki-dungusad, a-banedgine, mutiki burgwisbalid, a-bina be bukib-binsade? Emide be, gwen digsasulid, be gwen odummossurbalid.

Jonás 4:8

Dad nakwiargu, Bab-Dummad, dad-nakwedsikid-burwa diopisur-golega imaksad. Degisoggu, Jonásʼgi dad-dummadi-ganai-gualid. Degidbali, Jonás, sulibinsa-ito-naded, na neg negoe-itoged. Agala, burgwebi-guarsunnad, geb, weyob sogded: “Bitigi an burgwissunnana gadina, ar dula-gudiidba bur-nuedid.”

Mateo 26:38

Geb degi, Jesús e-sapingan-walapaagwadga sogded: —Andi an ulubgi nue-bukib-itogedba sunna an burgwisar-itoleged. Wegi be ambikumar, nue atakmalo, Bab-Dummadse be gormalo.

2 Corintios 7:10

Ar bukib-binsaed Bab-Dummad-sogedba-danikidi, isguedgi-banguega dule-imaked, adi, abonolegegar. We-ibmar-guedi ibiga-an-imaksadibeye-binsaega anmar-imaksulid. We-napneggined-bukib-binsaeddi, dule-oburgwed.

Apocalipsis 9:6

A-ibagangi, dulemar burgwebi gudagoenad, degi-inigwele, gwen burgosurmalad. Ar burgwebi-gumaloen-inigwele, burgwed egi bangudoed.

Jueces 16:16

Dalila, bane-bane Sansónʼgi alamakdidaed, adi, ega e-gangued-sogegar. Na Sansón budar-itogusadbali, na burgwebi-guarsunnad.