Jonás 4:8 - Kuna San Blas

⁸ Dad nakwiargu, Bab-Dummad, dad-nakwedsikid-burwa diopisur-golega imaksad. Degisoggu, Jonásʼgi dad-dummadi-ganai-gualid. Degidbali, Jonás, sulibinsa-ito-naded, na neg negoe-itoged. Agala, burgwebi-guarsunnad, geb, weyob sogded: “Bitigi an burgwissunnana gadina, ar dula-gudiidba bur-nuedid.”

Jonás 4:8 Iomraidhean Croise

Génesis 41:6

Wemar-sorba, orosgi-dakleged-baid-sargwengi gagugle-ainiarbali (7) daksabalid. Amardi gara-gara, degi, dad-nakwedsik-burwa-goledse dinna-dinnagusa daksad.

1 Reyes 19:4

Geb Elías nega-dulesulidganba ibagwen-dummad nanasad. Agine, sapi-senigwad-urba signonikid. Elías burgwebiedba weyob sogded: “Bab-Jehováʼye, an budar-itogusad, an-dadganba bur an ege gudiid. Degisoggu, be an-oburgwe.”

1 Reyes 21:4

Acab bukib-itosad, degine, nabir itossulid, Jezreel-dule-Nabot ega weyob sogsagu: “An-nainu-an-sergan-anga-uksadi, an bega ukosurye.” Degidba, Acab bukib-itogedba e-gabedgi wagar-biria megisad, uludedba bar mas-guchasulid.

Job 2:10

Job, e-omega sogded: —Dule-binsaed-satedyob be sunmaked. Ar Bab-Dummad anmarga ibmar-nuegan-ukedi, anmar abingadiid. Degitega, ¿ibiga geg anmar bonigandi abingabarsunna? Anmar, bonigan abingabalirgebed. Weyob Job wiles-inigwele, degite gwen Bab-Dummadgi yolessurgusad, isdar egi sunmaksasurbalid.

Job 7:15

Bur an-gammu-gasmarsunnana gadin, adi, an-gudiidi bar an itogosulid.

Salmo 121:6

Ibgine, dad-ibeler be-oakalogosulid, mutikidba, nii gwen be-oakalogosurbalid.

Salmo 39:9

”An bar sunmaksasulid, an bar ibmar-sogsasulid, ar bee be deyob ibmar imaked.

Eclesiastés 7:9

Mer urwed begi-obinega be imako, ar urweddi, dule-binsaedsulidaedgadid.

Cantares 1:6

Mer an-uka-sichigwadgi be atakmala, ar dad-ibeler-gaedba, deyob an gusad. An-susmar anse ulusmalad, e-uva-dub-nainu-akwega an-imaksamalad. A-ulale, an-uva-dub-nainu bar an nue akwissurgusad.

Isaías 49:10

Bemar ukudmaada itogosurmalad. Dad-ibeler-gaedi, degi, neg-ueguedi, budar-itoge be-imakosurmalad. Ar dule-wile-be-daked, be-nioed, dian-aryomamaidba be-sedoed.

Ezequiel 19:12

Degi-inigwele, urwedgine sabsur-unnulesad, napagi balimetemalad. Dad-nakwedsik-burwa-uereged-goledi, uva-dub-odinnosad, dulemala e-san-nanaid wesmalad. E-anagan-dutusurmalad bela dinare gusad, geb soose ogumaklessunnad.

Oseas 13:15

”Ar bemar, Efraín-dulemar, be-gwenadgan-abargi be nasgudele, ani an bemar-obelogoed. Igi-burwa-dad-nakwedsikid nega-dulesulidgansik-goledi, dianmaid, degi, diwarmaid dinnaa imake, deyobi an bemar-imakoed. Geb agi, be-isdarmalad be-ibe bela be-ibmar-nuegan sumaloed.

Levítico 10:3

Geb Moisés, Aarónʼga sogded: “Bab-Jehová we, sogsa gusad. Deun sogsagusgu: ‘Dule anse warmakmaladga, an-islidik-gued an ega oyogoed. Bela dulemarga an-gangued-yeerdakleged an oyogoed.’ ” Agine, Aarón bar sunmaksasulid.

Jonás 1:17

Ar Bab-Jehováʼdi Jonás-ua-dummadse-dolegegala, idu guakwaa ua-dummad-nasiksad. Jonás ua-dummadse-dolesgua, e-saban-yaba ibapaa megisad.

Jonás 1:4

Agine, Bab-Jehová mataba burwa binnasur-golega imaksad. Geb degidbali, demar bela-bela dunguded, degisoggu, ur mared-naga-gualid.

Jonás 4:3

Bab-Jehováʼye, degisoggu, an bega soged, bur be an-oburgwesunna. Bur an dula-gudiidba burgwisunnana gadinad.

Jonás 4:9

Agine, Bab-Dummaddi Jonásʼga sogded: —¿Ar dagargii-dakleged-dingusadbina nue be urwe? Jonás, Bab-Dummad-abin sogded: —Eye, nue-bela-bela an sae-itoged.

Mateo 20:12

sogdemalad: ‘Wemar-sorba-nonimalad, unnila wachi-irgwen wis arbasmalad. Anmardi bur dummad-arbasad, dadba dummad-galitosad, degite, anmar-sunnaa bennuklesmarmogad.’

Apocalipsis 3:19

” ’An bela dulemar-sabedga binnasur ibmar an sogdaed, sabsur an odurdakdabalid. Degisoggu, gatik Bab-Dummad-ibmarbina be sogmar. Mer bar isguega, be-daed be ogwamarsun.

Apocalipsis 7:16

A-dulemar bar ukud itogosurmalad, bar uku-ukud itogosurbalid. Degine, bar dad-ibelerba gummakosurmalad, bar neg-diopisulid itogosurbalid.

1 Samuel 3:18

Samuel, Elíʼga bela ibmar-sogsad, gwen bipisaale egi ibmar odukussulid. Geb Elí sogded: —Edi Bab-Jehováʼsoggu, na e-dakedba bur ibmar-nued imakodo.