Jonás 4:2 - Kuna San Blas

² Geb Jonás, Bab-Jehováʼse goted. Weyob ega sogded: —Bab-Jehová, ¿ar an we-obarissursi, deunni an-yargi an gudigu? Agala, an Tarsis-neggweburse nadegusanad. Ar an nue-wisid, be, Bab-Dummad-emar-saberbadid, be, wile-emar-dakedid. Be wissur-gwae-gwae urwebalidid. Ar be, dulemar-nue-sabsoggu, emar-sabsur-odurdakoye be sogdaenad, degite, be sorba sogdedabalid, be-isgued bergusye.

Jonás 4:2 Iomraidhean Croise

1 Reyes 19:4

Geb Elías nega-dulesulidganba ibagwen-dummad nanasad. Agine, sapi-senigwad-urba signonikid. Elías burgwebiedba weyob sogded: “Bab-Jehováʼye, an budar-itogusad, an-dadganba bur an ege gudiid. Degisoggu, be an-oburgwe.”

Salmo 103:8

Bab-Jehová dule-wiledakedid, dule-nuedid, irgwensuli urwesulid, e-sabguedi dummarbad.

Salmo 145:8

Bab-Jehová wile dulemar-dakdaed, nue dulemar-sabdaed. Bab-Jehová wissur gwae-gwae urwed, nue dulemar-sabgumaid.

Salmo 78:38

Degi-inigwele, Bab-Dummaddi wemar-wiledaksad, e-isgusad ega elisad, wemar-obelossurgusad. Bab-Dummad, gannar-gannar na e-urwed-barganai gusad, e-urwedba ibmar-imaknai gussulid.

Salmo 86:15

Bab-Jehová, bedi dule-nuedid, emar-wiledakedid. Bedi, baisursunna urwesulidid, sabgued-dummad-nikadid, dule-innikigwadbalidid.

Salmo 86:5

Bab-Dummad, be dule-nued gued, isgudsuliyob be emar-dakedid. Dulemar-bese-gormalad be bela-bela sabed.

Salmo 90:13

Bab-Jehová, gwae be anmarse dage. Ar anmar be-dulamar gued. ¡Be-maimar be wile dake!

Éxodo 32:14

Geb degine, Bab-Dummad e-dulemar-obelogoye-sogsagusadi, emisgi sogdesunnad, bar obelogosurye.

Jeremías 18:8

Ar we-dula-bukwad-gwensak-bukwadi, e-isguedga-ulubgi-bukib-binsaele, ibmar-isgana-imaked iemarsogele, an sabsur-odurdakoye-sogsad bar an odurdakosulid.

Jeremías 20:7

Ani Jeremías Bab-Dummadga weyob sogded: “¡Bab-Jehová, be nue an-binsaed gasad! ¡Nue an bese binsaed galesad! Ar be anba bur dutusurgusoggu, be angi obichad. Bela-dulemar angi dodogedbimalad, anga alledibidamalad.

Jeremías 26:13

Degisoggu, be-damalad be ogwamar, be-ibmar-imaked be ogwamar, Bab-Dummad-Jehová-sogedba be damar. Adi, Bab-Jehová sabsur-bemar-odurdakoye-sogsad bar imakosulid.

Jeremías 42:10

” ‘Ar bemar we-yalagi ambikuega guakwamalale, an be-onasgumai samaloed, an bemar-obelogosulid, an bemar-urboed, an bemar-osulogosulid. Ar ade, an bemargi boni-dummagan-barmisadi an nue-nunmak itoged.’ ”

Amós 7:3

Degidgine, Bab-Jehová wiledakde, sogded: —Degir nabir, an deyob neg imakosulid.

Amós 7:6

Degidgine, Bab-Jehová wiledakde, sogded: —Degir nabir, an deyob neg imakosulid.

Jonás 1:3

Ar Jonásʼdi Bab-Jehováʼba gwen ibsassulid. Bab-Jehováʼgi-wakinnegala aka Tarsis-neggweburse naedgi binsaali gusad. A-ular, Jope-neggweburgi urmar-naguedse nade gusad. Jopeʼse modapgua, Tarsis-neggweburse ur-nae-sognai dakdapid. Geb Jonás agi ur-bennuksad, eba naegar. Deyob Bab-Jehováʼgi dikasur-wakinnega Tarsis-neggweburse nadegusad.

Jonás 3:10

Bab-Dummad Nínive-dorgan e-isguedga na bukib-binsasa, degi, e-ibmar-isgana-imaked mete daksagua, na sognonisunnad, we-dulemar-osulogoye an sogsadi, emigindi, bar an sabsur-odurdakosurye.

Jonás 3:9

Abakale, Bab-Dummad, wile anmar-dakalile. Bela-bela sabsur-anmar-odurdaksokalidgi, bar sabsur-anmar-odurdakarsulile, adi, melle anmar burgwemalagar.”

Miqueas 7:18

Bab-Dummad, ¿ar doa beyobid e-mimmigan-besmaladga isgusad-elied gudii? ¿Doa beyobid ibmar-isgana-imaksad bela ei-ieged gudii? Ar be degisadegu, urwedii guosulid, ar ade, bur bule anmar-sabguedgi be binsaed.

Lucas 10:29

Ar Moisés-Igar-Maid-oduloged-nue-wisid na dukin dule-nuedga-imakbisoggu, Jesúsʼga sogded: —¿Degite, doa-dule-baid an sabguergebsunna?

Deuteronomio 4:31

Ar be-Bab-Dummad-Jehová, dule-wiledaksoggu, bemar-dadgan-ebo-igar-mesisad iegosulid, ar ade, sogsad, ede a-igar imakedseye. A-ular, Bab-Jehová bemar-metosulid, bemar-obelogosurbalid.”