Jonás 3:9 - Kuna San Blas

⁹ Abakale, Bab-Dummad, wile anmar-dakalile. Bela-bela sabsur-anmar-odurdaksokalidgi, bar sabsur-anmar-odurdakarsulile, adi, melle anmar burgwemalagar.”

Jonás 3:9 Iomraidhean Croise

2 Samuel 12:22

David e-sapin-dummagan-abin sogded: —Mimmi-nailikgumaiun, an mas-gunbisur-gusad, ise-boar an-gudii gusbalid, an binsasad: ‘Abakar Bab-Jehová wile an-dakalirye, anga mimmi-bendakalirye.’

Salmo 106:45

e-dulamarbo-igar-mesisad ebinsaded. Sabbarsoggua, wile dakded.

Salmo 85:3

Bab-Jehová, be-sae-itoged bela be osulosad, be-urwed na be bargasad.

Salmo 90:13

Bab-Jehová, gwae be anmarse dage. Ar anmar be-dulamar gued. ¡Be-maimar be wile dake!

Jeremías 26:13

Degisoggu, be-damalad be ogwamar, be-ibmar-imaked be ogwamar, Bab-Dummad-Jehová-sogedba be damar. Adi, Bab-Jehová sabsur-bemar-odurdakoye-sogsad bar imakosulid.

Daniel 4:27

Degisoggu, dummad-rey, an bega binsaed-ukoedba, be ibmar-imakoena gadin: Be-isgued be indake, innikigwadba be ibmar-imake. Be-ibmar-isgana-imaked be indake, dule-wiledimalad be bendake. Dummad-rey, weyob be ibmar-imakedba, abakale be bogidik, degi, weligwar-gudii gualile.”

Amós 5:15

Igar-isgana be obane, igar-nuedbina be soge, igar-nabiroleged-neggi, igar-innikigwadba igar be nabomala. Abakale, Bab-Dummad-Jehová-Bela-Gangued-Nika-Maid, José-wagan-besmalad wile dakalile.

Jonás 1:15

Agine, selamar Jonás-gasmalad, geb, demargi metemalad. Jonás-melledgua, demar yog bogilegargusad.

Jonás 1:6

Agine, ur-seed Jonás-gabmaidse nonikid, geb ega sogded: —Ar bedi, ¿ibu be samai weyob be gabmaigu? ¡Gwisgue! ¡Be-Bab-Dummadse be gole! Ar abakale, be-Bab-Dummad wile anmar-dakalile, nabir anmar-bendakalile, adi, anmar burgosulid.

Jonás 4:2

Geb Jonás, Bab-Jehováʼse goted. Weyob ega sogded: —Bab-Jehová, ¿ar an we-obarissursi, deunni an-yargi an gudigu? Agala, an Tarsis-neggweburse nadegusanad. Ar an nue-wisid, be, Bab-Dummad-emar-saberbadid, be, wile-emar-dakedid. Be wissur-gwae-gwae urwebalidid. Ar be, dulemar-nue-sabsoggu, emar-sabsur-odurdakoye be sogdaenad, degite, be sorba sogdedabalid, be-isgued bergusye.

Sofonías 2:3

Napneggi bela na san-bipi-imakdimalad, Bab-Jehová amimala. Bab-Jehová-Igar-Maidba-gudidimalad, Bab-Jehová amimala. Igar-inniki-imaked be amimala, san-bipi-imaked be amimala, abakalegi, Bab-Jehová-e-urwed-ibagi, na be dukued amiarmalale.”

1 Samuel 6:5

Degisoggu, boni-dusiyob-dakleged be sobmalo. Baiddi, nusayob-daklege be sobmalo. We-bonigande bemar-yar-wionaid. Geb Israel-e-Bab-Dummad-e-nug be odummomarbalo. Adi, abakale, Israel-e-Bab-Dummad, we-bonigi bemar-yar-wionaid bemarga osuloalile, be-bab-dummaganga osuloarmogale.