Jonás 3:6 - Kuna San Blas

⁶ Nínive-e-rey we-gaya-itoargua, na e-rey-gangi-sii gwichibin-imaksad. Geb e-rey-mor-yoid-esusad, agi mor-sommereged yosad. Deginbali, buru-birgi sigisbalid, oyogegar, ede na e-isguedga bukib-binsamoye.

Jonás 3:6 Iomraidhean Croise

1 Reyes 21:27

Acab we-gaya-itosgua, e-mor-yoid siir-siir imaksad, geb wile-itoged-mor-sommed yosad. Agine, bar mas-guchasulid. Deyob wile-itoged-mor-yoi.

Job 2:8

Degidbali, Job buru-birgi sigisad. Uka-aimakalile, nog-goagi godidaed.

Job 42:6

Degisoggu, an ibmar-sogsadi, begi-ibmar-akar-sogsasuliyob be an-dake. An bukib-itogedba, buru-abargi mellesisunnad.”

Isaías 15:3

Bela-dulemar boedbimalad, galimbabali wile-itoged-mor yoyoidbimalad. Neg-ubebbali ogormakdemalad, dulemar-bukidar-ambikuedgi dulemar boedbimalad.

Jeremías 13:18

”Reyga, degi, e-nanga be weyob sogo: ‘San-bipii na be imakmala. Bemar, rey-gangi-siidgi be aidemala, napagi be sigmala. Ar be-ologurgin-yeerdakleged-yoega bar bega igar maisulid.’

Jeremías 36:13

Geb Micaías, bela Baruc-dulemar-asabin-garda-absosad-itosadi, dummaganga sogdapid.

Jeremías 36:24

Ar rey garda-absolesad-itos-inigwele, degi, dummagan itosmarmo-inigwele, degite, gwen dobe-itossurmalad. Gwen e-mor esirmaksasurmalad.

Jeremías 6:26

An-dulamar, wile-itoged-mor be yomala. Burugi baparmakmai be imakmala. Igi-dule na e-mimmi-wargwennagwad-ei-burgwisar bina boe, debayobi be ise-boale bomala. Ar dulemar-anmar-obelogedi, emisgwa anmargi danikid.”

Lamentaciones 2:10

Sión-neggwebur-yeerdaklegedgi girmar-dummagan, napayala bogidik sigismalad. Girmar-dummagan, nunmak-itogedba na e-nonogine, sogun-buru eosmalad, wile-itoleged-mor yosmalad. Bunamala-Jerusalénʼginmalad, bingedbali, napase dulluu nono imaksamalad.

Lamentaciones 3:29

Nue-bingegusa, wagar napase dulluu imakoed, abakale, amba Bab-Dummad e-bendakalile.

Ezequiel 26:16

Bela neggwebur-demar-gakaba-bukmalad-e-dummagan bar dummadga megosurmalad. E-mor-dummad-suid-yoidi, degi, mor dubgi-ise-nue-sobaled-yoidi esudmaloed. Dobed-dummad-itogedba napagi sigidmaloed. Be-neggwebur-sabsur-guoedbali e-wawanmaked galegosulid.

Daniel 9:3

Geb degine, an-Bab-Dummad-Dule-Dummadse an goted, an ega ise-wilegar ibmar-sogded. Aginbali, an mas guchasurbalid, an wile-itoged-mor yosbalid, degi, an bukib-itogedba, sogun-e-buru-birgi sigisbalid.

Miqueas 1:10

Melle be bomalo, melle Gat-neggweburgi be ibmar sogmalo. Napayala nunmakedba, Bet-Le-Afra-neg-ukubgi be bindumakmar.

Mateo 11:21

Jesús sogdesunnad: “¡Corazín-dorgan, be duledar-wilesmar! ¡Betsaida-dorgan, be duledar-wilesmar! Ar bemar Bab-Dummadse sabsur-odurdaklenonimaloed. Ar Tiro-neggweburgi, degi, Sidón-neggweburgi we-ibmar-dakledisurmalad imaklesana, a-neggweburmar bato dikasurgus wile-itoged-mor yosmalanad, degine, burugi obsamarbalinad, adi, oyogega, emarde na e-isguedga bukib ulubgi nue-itosmarye.

Lucas 10:13

Jesús sogdebar: “¡Corazín-dorgan be duledar-wilesmar! ¡Betsaida-dorgan be duledar-wilesmar! Ar bemar sabsur-odurdaklenonikoed. Ar Tiro-neggweburgi, degi, Sidón-neggweburgi we-ibmar-dakledisurmalad imaklesana, a-neggweburmar bato dikasurgus sagumor-ai-aid yosmalanad, degine, burugi obsamarbalinad, adi, oyogegar, emarde, na e-isguedga bukib ulubgi nue-itosmarye.