Jonás 2:9 - Kuna San Blas

⁹ Andina, an weligwar-namakedgi, an bega ibmar-ogumakar ukoed. An bega ibmar-imakoye ise-sogar an sogsad, an imakedsegoed. ¡Bab-Jehová, unnila bebi sunna dule-abonoged!”

Jonás 2:9 Iomraidhean Croise

Génesis 35:3

Anmar emisgwasaar Betelʼse naoed. Agine Bab-Dummad anse magaros gusad. A-Bab-Dummad-e-nug-odummogega an ibmar-ogumakar-ukleged-aila ega sobdapoed. A-Bab-Dummadde an wile-itodigu, an-bendaksad. A-Bab-Dummad an-naddaedba anba gudiguad.”

2 Samuel 15:7

Birgabakegusgua, Absalón, Rey-Davidʼga sokalid: —Dummad, wis an bese egise, Hebrón-neggweburse an nabienad, Bab-Jehováʼga an ibmar-imakoye-sogsad imaknaegar.

Job 22:27

Bab-Dummadse be gotele, be-itogoed. Bedi ega ibmar-imakoye-sogsad be imakedsegad.

Salmo 107:22

Bab-Jehováʼga doggus-nuedye-sogleged-ibmar-ukleged be ukmala, weligwaledgi e-ibmar-imaksad be sogmala.

Salmo 27:1

Bab-Jehová anga burba-dulad ukedid, an-abonogedid. ¿An doa dobguosunna? Bab-Jehová an-gandikidga gued. ¿An doase gwayosunna?

Salmo 3:8

Bab-Jehová, beginbi abonoleged danikid. ¡Be-sordamargi be nued-binsao!

Salmo 50:14

Anga weligwaledgi dog-nuedye be sogdage. Anga, Bab-Dummad-Bur-Biriginedga be ibmar-imakoye-sogsad, be imakdage.

Salmo 50:23

Dule anga dog-nuedye-sogega, ibmar-nued-ukedi, an-nug odummoged. Dule na e-daed ogwaele, an ega abonoleged-igar oyononikoed.”

Salmo 68:20

Anmar-Bab-Dummadi, dule-bendakmaidid. Bab-Jehová-Bur-Dule-Dummad burgwed-igargi anmar-onogedid.

Salmo 95:2

Anmar Bab-Jehováʼga doggus-nuedye-sogedgi e-negse doge. ¡Anmar Bab-Jehováʼga namake!

Isaías 45:17

Israel-dulemar Bab-Jehováʼgi-nue-bendaklesmalad, bendakles sadegumaloed. Bali-bipisaale, bingedar-itogosurmalad, bali-san-bipi imaklegosurmalad.

Jeremías 33:11

Ani an Bab-Jehová soged: Weligwaledba-binnasuli-goledi, yeer-itogedba binnasuli-goledi, degine, abirgin-nikuedgi-namaklegedi, gannar itoledagoed. Degi, dule an-itoged-negse anga ibmar-uknadapir weyob namaknadapi-gumaloedi, itolebaloed: ‘Bab-Jehová-Bela-Gangued-Nikadga dog-nuedye, be sogmar. Ar Bab-Jehová dule-nuedid, ar e-sabgued degisadeguad.’ Ani an, we-dulemar gales-bukwadgi gannar sedagoed. Idualedyobi gannarse an imakoed.”

Oseas 14:2

Bab-Dummadga be ibmar-sogmaloedi, nue egi be binsamalo. Bab-Jehováʼse gannar be namar, ega be ise-wilesakwaa weyob be sogmaloed: ‘Be anmarga isgued elie, begi-isgussulidyob be anmar-dake. Wiledakedgi be anmar-abingae, ar anmar na be-nug odummobimalad.

Juan 4:22

Bemar Samaria-dulemar be wissurmalad, doa-e-nug bemar odummonanai. Anmar-Judíoʼmardi wismalad, ar doa-e-nug anmar odummomala. Ar ade, dulemar-abonoleged Judíoʼmargi danikid.

Gusmalad 4:12

”Degisoggu, dule-baid-nuggi geg anmar abonoleged. Ar we-napneggi abonolegega anmarga dule-baid uklessulid, unnila Jesús-nugginbi anmar abonoleged.”

Romanos 12:1

Degisoggu, gwenadgan, Bab-Dummad-dule-wiledaked-ular, ise-wilegar an bemarse egismarsun. Ibdurgan-Bab-Dummadga-ogumakar-uklegedyob na be-san-gudiid, ega be ukmar, be-san swilidikidgi ega be ukmar. Degi, Bab-Dummad-yeer-be-dakedgi be-san ega be ukmar. Ar weyob Bab-Dummadga be-san be ukele, we Bab-nug-odummoleged-napiragwadid.

Deuteronomio 23:18

”Be-Bab-Dummadse-goled-negse omegan-gamba-imakedgi-mani-onolegedi, degi, machergan-gamba-imakedgi-mani-onolegedi, bipisaagwale mer be ukmalo. Ar be sogsadibe, Bab-Jehováʼga-ibmar-ukleged an deyob ukoye, a-manigi be we-ibmar-ukega bennukosulid. Ar ade, Bab-Dummad-Jehová a-manimar-deyob-amileged nue-isdar daked.

Hebreos 13:15

Degisoggu, anmar Bab-Dummadga ibmar-ogumakar-uklegeyobi, Jesucristo-nuggi Bab-Dummad-nug degisadegu odummodii gusun. Ar anmar Bab-Jesúsʼba-naisoggu, Bab-Dummad-nug-odummodii gumarsun.

Apocalipsis 7:10

Wemar binnasur gorbukmalad, sogbukmalad: “Anmar-abonolegedi, anmar-Bab-Dummad-ologanagi-siidgi danikid, degi, Sibad-Wawaad-Mimmigi danikid.”

1 Samuel 12:21

Mer bab-dummadyob-ibmar-imaklemalad-e-nug odummomalo. Ar amardi, gwen bemar-bendakosulid, gwen bemarga ibmar-nued-imakosurbalid, ar ade, ibmar-binsarmaladid.