Jonás 2:7 - Kuna San Blas

⁷ ”An na nue-burgwe-itogua, Bab-Jehová, an begi binsaded, agi an bese goted. An-bese-goled, bese mosad, bese-goled-neg-swilidikidse warmaksad.

Jonás 2:7 Iomraidhean Croise

2 Crónicas 30:27

A-sorba, dule-irwa-Bab-Dummadse-gormalad, degi, Levitaʼmar bela gwisgusmalad, degi, dulemargi nued-binsasmalad. A-nued-binsasadi, Bab-Jehová itosad. Ar ade, amar-gayaburba, Bab-Dummad-maidse warmaksad.

Salmo 11:4

Bab-Jehová, e-neg-islidikidgi maid. Bab-Jehová, nibneggi ologanagi siid, e-ibyagwar dulemar-ibmar-imaked nue-dakmaid.

Salmo 142:3

Bab-Dummad, an geggus-itogele, bato be an-daksabinnedaed. An bia nadele, abala dulemar an-yardakega, an-iduar ibmar-sisadamalad.

Salmo 143:5

Epenne ibagan-nasmalad an ebinsaded. Belagwable be-ibmar-dummagan-imaksadgi an binsaded. Be-ibmarmar-imaksad, nue an ebinsaded.

Salmo 18:6

An surbinsa-itodiidgi Bab-Jehováʼse an gote gusad, Bab-Dummadse ise-gollar an imaksad. Agine, e-neg-akale, an-itononikid. Bab-Jehováʼse-an-gornaidi, e-uayagwar an-itosad.

Salmo 20:7

Dulemar gwenna-gwenna unnila moli-ur-bila-onomaladginbi bensurmalad, baigandi e-molimarginbi bensurmarmogad. Anmardina, unnila anmar-Bab-Dummad-Jehováʼgi bensurmalad.

Salmo 22:14

Dii-napagi-eolenaiyob bela an-san na itoged, bela an-garmar nue-gwatiris itolebalid. Igi-baka-gwallu soo-abin daluddae, deyob, an-ulubgi an-gwage nade an itoged.

Salmo 27:13

Degisoggu, an nue-wisimakaled, an we-napneggi-gudiidgi Bab-Jehová-dulemargi-nued-binsamaid an dakoed.

Salmo 42:11

¿Ibiga an suli-suli-itogoe? ¿Ibiga an bukib-itogoe? ¡Gwen an deyob itogewilubsulinad! Bab-Dummad-abitodii, an guoed, Bab-Dummad-e-nug-odummodii amba an guoed. Ar Bab-Dummad, an-abonogedid. Bab-Jehová, an-Bab-Dummadid.

Salmo 42:5

¿Ibiga an suli-suli-itogoe? ¿Ibiga an bukib-itogoe? ¡Gwen an deyob itogewilubsulinad! Bab-Dummad-abitodii an guoed, Bab-Dummad-e-nug-odummodii amba an guoed. Ar Bab-Dummad, an-abonogedid. Bab-Jehová, an-Bab-Dummadid.

Salmo 43:5

¿Ibiga an suli-suli-itogoe? ¿Ibiga an bukib-itogoe? ¡Gwen an deyob itogewilubsulinad! Bab-Dummad-abitodii an guoed, Bab-Dummad-e-nug-odummodii amba an guoed. Ar Bab-Dummad, an-abonogedid. Bab-Dummad, an-Bab-Dummadid.

Salmo 65:4

Dule-wargwen be susale, we-dulegi nued binsalesad. We-dule, be-neggi-gudiguega, bese be senonidaed.

Isaías 38:17

An suli-suli-itosad, emidi, an bogidik itoged. Be an-sabedbali yaa-dummad-dule-obelogedgi be an-bendaksad, begi isgussuliyob be an-daksad.

Isaías 50:10

¿Doa bemar-abargi Bab-Jehová-dobee gudii? ¿Doa Bab-e-mai-sogedba nanadii? Dule sated. Dule-negasichidba-nanadiidi, neg-meegwadba-nanadisulidi, a-dule, Bab-Jehováʼgi bensuli guoed, e-Bab-Dummadgi alakwaa naguoed.

Jonás 2:4

Weyob an binsanonikid: Bab-Jehová nue an-obachasunye. Degi-inigwele, an gannar ese-goled-neg-swilidikidsik an nabaloye.

Miqueas 1:2

“Dulemar, bela we-yalagi-bukmalad be an-itomar, bela napneggi-bukmalad, nue-bogimakar be itomalo. Bab-Dummad-Jehová-Bela-Gangued-Nika-Maid, ese-goled-neg-akale, bemargi-gwisguega sunmakoed.

Habacuc 2:20

Ar Bab-Jehováʼdi na e-neg-islidikidgi maid. Bela dulemar Bab-Jehová-asabin gaya-bogidik gumala.”

Hebreos 12:3

Degisoggu, Jesús dule-isgumaladse-wiledigusad be nue ebinsamalo. Degisoggu, bemar alamaknai imakmarsun, mer galakumarsun.

1 Samuel 30:6

David dobe-itoded, ar e-sordamar akwagi David-maked sokarmalad. Ar ade, e-sordamar, e-machimala gales-selesad-ular, e-bunamala gales-selesad-ular, bela sae-itodmalad. Degi-inigwele, David e-Bab-Dummad-Jehováʼgi bensulidba nig-ganguded.